PIREKUA 73
Íntskujtsïni balori parachi no chéni
-
1. Engachi uandantani nirajkia
chíti uandakua Tata Jeoba,
márujtsïni no sési arhisïndi
ka nóksï uékasïndi kurhaani.
Perujtsïni no anhaxustaati,
seguiriuakachi kómarhini,
chíti jarhuajperata jimbochi niáraaka
méntkisï tʼungini jingoni jarhani.
(KORU)
Tʼuri jindeska juchari Kuerajpiri,
balori íntskujtsïni Jeoba.
No nemajtsïni niáraati chérani,
tʼujtsïni kuájchakuni jauaka.
Chíti jurhiatikua jimbo Jeoba,
no nemajtsïni niáraati andani.
Tʼuri jindeska juchari Kuerajpiri.
¡Jarhuatajtsïni!
-
2. Exe nájtsïni no sési kámajki,
no sáni uékperakua jingoni.
Asï jurajku eskajtsïni chéraaka
kurhaa juchari kómarhikua.
Táti, asïjtsïni jurajku,
jarhuatajtsïni balori jukani.
Jucha uéksïnga méntkisï kumplirini
ambe engajtsïni juramuchijka.
(KORU)
Tʼuri jindeska juchari Kuerajpiri,
balori íntskujtsïni Jeoba.
No nemajtsïni niáraati chérani,
tʼujtsïni kuájchakuni jauaka.
Chíti jurhiatikua jimbo Jeoba,
no nemajtsïni niáraati andani.
Tʼuri jindeska juchari Kuerajpiri.
¡Jarhuatajtsïni!
(Ístu exe je 1 Tes. 2:2; Ebr. 10:35).
