Késkuni:

• Partitura

1. 1. Niárastia máteru jurhiatikua.

   Xuxunhandesti iápurisï.

   Iámu ambe tʼuri listu jatsiskia

   para erontani imani enga junguaka.

   Xáni enga kánikua sési jándeka.

   Kánikua sési xarhanchesïndi.

   Nóteru ióni kuerataxapti,

   iásï niárastia i jurhiatikua.

2. 2. Máruksï juátarhu ísï irekasti

   o jima jandukuteni.

   Tarhiata tsitsirasï jurhasïndi

   ka itsï jimesï iurhexati.

   Tiempuestia para pʼikuntani

   ambe engari jatsintaka tʼu.

   Nóteru ióni kuerataxapti,

   ka iásï ixúchi jarhaskia.

   (KÚNDANTSKUA)

   Iásï niárastia ísï úkuarhini

   ambe engari xáni erokuarheka.

   Nóteru nema uérasïndia

   ka ménderuri sapichku jarhaska.

3. 3. Iápurisï kánikua sési jándesti

   kánikua tsípenhaxati.

   Kánikua tsípikua jingondi jámsïnga

   ka tʼu kánikua sési pʼikuarhersïnga.

   Xáni engajtsïni kánikua xénchajka

   juchari Tata Diosï Jeoba.

   Nóteru ióni kuerataxapti,

   ixúchi irekaaka méntkisï.

   (KÚNDANTSKUA)

   Xáni engakeni jirinhantaka.

   No úsïnga jakajkuni ini ambe.

   Ixúri jarhaska jíndeni jingoni,

   xáni engani sési pʼikuarherajka.

4. 4. Sánderkusï kueratajti,

   Paraisu janoxati.

   Tata Diosï Jeoba aiatspisti.

   Ima uáti ambe enga uandani jaka.

   Ji no méni niáraaka kuatantani

   parani úni jima jarhani.

   Sánderkusï kueratajtia,

   niáraxamti ima jurhiatikua.