Jimboka Jesúsi perfektuespka, no pʼikuarheraspti na engachi pʼikuarherajka engachi no sési nitamakuarhijka o engachi uandanhiata ambe jatsijka. Joperu ima kurhangukuasïreendi kʼuiripuechani ka kánikua pʼamojkuasïreendi. Ima uánikua ambe úspti para kʼuiripuechani jarhuataani, úspti asta ima ambe engaksï imeecha no erokuarhienga. Ima ísï úspti jimboka xáni pʼamojkuasïreenga. Uaakachi exeani máru ejempluechani íri ambe, kapituluecha 32, 37, 57 ka 99 jimbo.

Kʼérati ka sapirhatichaksï andarhierasïreendi Jesúsini jimboka ima iáminduecha jingoni uandontskuarhesïreenga ka no kʼéramakuarhisïreendi. Kʼuiripuechaksï exesïreendi eska ima pendienti pásïreenga imeecha jimbo, jimboksïsï tsitiendi imani jingoni jarhani. Kapituluecha 25, 27 ka 95 jimbo, uaakachi exeni na enga Jesúsi méntkisï listu jarheenga para kʼuiripuechani kurhajchaani jiáni engaksï uékeenga uandontskuarhekuni.

Jesúsi someni kómarhisïreendi imeeri Taatini, enga jandiajku japiringa ka ístu enga máteruechani jingoni japiringa. Ka náki uéjki jatini kómarhisïreendi, no jiántku enga tʼireni jámeengia. Kómarhisïreendi para diosmaiamukua arhini ka kʼéri ambe arhini imeeri Taatini ka para kurhakuni eska jarhuatapiringa antede ambe ma úni. Exeakachi máru ejempluecha íri ambe kapituluecha 24, 34, 91, 122 ka 123 jimbo.

Ménichani, nájkiruka Jesúsi uékengia mintsikuarhini sáni, listu jarhaspti para jarhuatani máteruechani. No imajkumindu uandanhiakuarhisïreenga, sino orheta peerasïreendi máteruecheri ambe. Ka ísïjtsïni íntskusti ambakiti ejemplu para jucha májkueni úni. Kapituluecharhu 19, 41 ka 52 jimbo, uaakachi exeni néna úspi ini ambe.

Jesúsi no solu uandaspti eska jukaparhakueska puákuantani máteruechani, sánderu sési, ima ísï úspti enga someni puákuantapka imeeri chúxapatichani ka máteru kʼuiripuechani. Uaakachi exeni néna úspi ini ambe kapituluecha 26, 40, 64, 85 ka 131 jimbo.

Profesiechaksï uandasïreendi eskaksï sáno iámindu judiuecha no jiókuarhepiringa Mesíasini ka eskaksï niárapiringa uándikuni. Ísï jimbo, Jesúsi úpirindi no xáni jánguarhintani para jarhuataani. Joperu no ísï úspti, sánderu sési, jánguarhintaspti para uánikua kʼuiripuechani jorhendaani jurhimbikua ambe. Ka ísïjtsïni íntskusti ambakiti ejemplu parakachi jucha májkueni uaaka imeechani jingoni engajtsïni no xénchajka o engajtsïni no sési kámajka. Ju je jingontku exeni ambe engaksï uandajka kapituluecha 16, 72 ka 103.

Jesúsi uánikua ambe jimbo sánderu kʼéri ambeespti eska máteru kʼuiripuecha. Pori ejemplu, sánderu uánikua ambe mítespti ka sánderu jánhastispti. Jimboka ima perfektuespka, no nema úsïreendi ísïini eska ima, jimboka ima no méni pʼamenchasïrenga ka iámu ambe mítespti. Joperu kaxumbitispti ka marhuakuaspti máteruechani. Uaakachi jorhenguarhini na enga ima xarhatapka kaxumbikua, kapituluecharhu 10, 62, 66, 94 ka 116 jimbo.

Jesúsi méntkisï tekaakuantaspti imeeri apostolichani ka máteru kʼuiripuechani nájkirukaksï imeecha no ueenga eska ima na arhistakuauenga. Iatsitakuarhu miátantaasïreendi ambe engaksï jatsipka para úni paraksï sánderu andarhierani Tata Diosï Jeobani. Kapituluecha 74, 98, 118 ka 135 jimbo, uaakachi exeni na enga Jesúsi tekaantskua xarhatapka.