¿Listu jarhaskia parani itsï atakuarhini?
KAPITULU 37
¿Listu jarhaskia parani itsï atakuarhini?
Uanda ísïisti no ísïisti:
Iámindu kristianuechaksï jatsisti para itsï atakuarhini.
□ Ísïisti
□ No ísïisti
Enga ma itsï atakuarhijka marhuasïndi paraka ma nóteru pekadu uaakia.
□ Ísïisti
□ No ísïisti
Enga ma itsï atakuarhijka marhuasïndi paraka ma pʼímutantskateuaka.
□ Ísïisti
□ No ísïisti
Enga ma no itsï atakuarhiaka Tata Diosïri no kuenta kurhachentaati.
□ Ísïisti
□ No ísïisti
Jimbokaksï juchiiti amiguecha itsï atakuarhiskia jíjtuni jatsipiringa parani ísï úni.
□ Ísïisti
□ No ísïisti
¿ÍSÏRI irekaxaki eskaksï na arhika Bibliarhu anapu juramukuecha? ¿Jánguarhintaxakiri parari Tata Diosïri amigueni? ¿Aianguasïndi máteruechani ambe engari jakajkujka? Engari mókuntaaka eskari ísï úxaka ka engari nótki itsï atakuarhini jaka jamberiri uékani jaka ísï úni. Joperu erokuarhini sáni. Antederi eratseni sini listuri jarhaskia. Ambe ma engakeni jarhuataka míteni jindeesti exeni sini sésiri mókuntaski kurhamarhikuechani engaksï uénakuarhu jaka.
● Iámindu kristianuechaksï jatsisti para itsï atakuarhini.
Ísïisti. Inde ambesï juramukuapti Jesúsi imeeri chúxapatichani (Mateu 28:19, 20). Ka Jesúsi mismu itsï atakuarhispti. Ísï jimbo, para Kristueri chúxapatini tʼujturi jatsiska para itsï atakuarhini engari kurhanguaka ambe arhikuekasïni itsï atakuarhini ka engari seguru jauaka andiresï uékajki ísï úni.
● Enga ma itsï atakuarhijka marhuasïndi pári ma nóteru pekadu uaakia.
No ísïisti. Itsï atakuarhini xarhatakuani jarhasïndi kʼuiripuechani eskari aiakukuarheskia Tata Diosï Jeobani. Ka ma aiakukuarhejkia Tata Diosï Jeobani jimboka ma uékasïni ísï irekani eska ima na juramujka ka no para afuersa no úni imani ambe enga no sési jaka ka engajtsï tsitijka úni.
● Enga ma itsï atakuarhijka marhuasïndi paraka ma pʼímutantskateuaka.
Ísïisti. Eska Biblia na uandajka, kánikua jukaparhakuesti itsï atakuarhini para ma úni pʼímutantskateni (1 Pedru 3:21). Peru itsï atakuarhini no jindeesti para ma ísï exeni enajki segurhu ma kontrarini japirini parajtsïni kuájchakuni imani amberi engajtsïni no sési úchipirhinga. Nómbe. Jatsiskachi para itsï atakuarhini jimbokachi xénchasïnga Tata Diosï Jeobani ka jimbokachi uékasïnga méntkisï marhuakuni iámu mintsita jingoni (Markusʌ 12:29, 30).
● Enga ma no itsï atakuarhiaka Tata Diosïri no kuenta kurhachentaati.
No ísïisti. Santiagu 4:17 uandasïndi: “ima enga míteka ambe sésiika para úni, pekadu úsïndi enga no ísï újka”, no arhiparini sini itsï atakuarhiski o nómbe. Jimborisï jatsika para sési eratsentani: ¿Kurhanguxakiri ambe enga uéjka Tata Diosï eskari uaaka? ¿Sési míteski ambe engari uéjka úni chiiti tsípikua jingoni? Jiájkani, tiempuestia parari uandontskuarheni chiiti taati jingoni o erachi ma jingoni enga sési marhuakuni jaka Tata Diosïni. Imeechaksï jarhuatati parari úni niárani itsï atakuarhini.
● Jimbokaksï juchiiti amiguecha itsï atakuarhiskia jíjtuni jatsipiringa parani ísï úni.
No ísïisti. Engari uéjka itsï atakuarhini jatsisti para mintsitarhu uérani (Salmo 110:3). Ka soluri jatsipiringa parari itsï atakuarhini engari sési kurhanguakia ambe enga arhikuekajka Jeobaeri testigueni ka engari no ma duda jatsiaka eskari uékasïngia itsï atakuarhini (Eclesiastés 5:4, 5).
Itsï atakuarhini jindeesti ambe enga kánikua jukaparhakueka
Itsï atakuarhini jindeesti ambe enga mójtakujka chiiti tsípikuani ka engakeni uánikua kóntperatechani íntsauaka. Joperu, ísturi kʼéri responsabilidadi ma jatsiaka. ¿Náki? Eskari uaaka iámindu engari aiakukuarheka Tata Diosï Jeobani.
¿Niáraxakia parari itsï atakuarhini? I jindeesti ambe ma engari jimbo jatsipiringa para tsípini pʼikuarherani. ¿Jaki máteru sánderu kʼéri kóntperata eska marhuakuni Tata Diosï Jeobani iámu mintsita jingoni ka xarhatani eskari pauani pauani uaaka irekani para ima (Mateu 22:36, 37).
Exe na engari uaaka sánderu sési úrani tsípikuani.
KARAKATA BIBLIARHU ANAPU
“Eskajtsï íntskuntaaka Tata Diosïni chaari kuerpuechani ka chaari tsípikuani komueska pímbinhasï kéjtsïtakua ma” (Roma 12:1).
AMBE ENGARI UAAKA ÚNI
Kurhamarhia chiiti taatichani náki erachi o pirenchi kúnguarhikuarhu anapu uaakini jarhuatani sánderu míteni Biblieri ambe (Ukuecha 16:1-3).
¿MÍTESPIRI INI AMBE . . .
Itsï atakuarhini jindeesti ma parti ima “marka” engari uétarhinchajka parari pʼimutantskateni (Ezequiel 9:4-6).
!ARHINI AMBE U!
Bibliarhu anapu jorhentperakuecha engani jatsika parani sánderu sési kurhanguni parani úni itsï atakuarhini: ․․․․․
¿Ambe uékasïni kurhamarhi juchiiti taatini o nándini i temeri ambe?․․․․․
KA TʼU ¿AMBERI ERATSESÏNI?
● ¿Andisï xáni jukaparhakue itsï atakuarhini?
● ¿Andiksïsï máru tumbiicha itsï atakuarhijki ante de listu jarhani?
● ¿Andiksïsï máru tumbiicha xáni ióndajki paraksï aiakukuarheni ka itsï atakuarhini?
[Komentariu]
Miántani eskani itsï atakuarhiskia, jarhuatasïndirini parani imani ambe úni enga sési jaka ka parani no uandanhiatechani jatsiani”. (Noemí)
[Rekuadruecha/Imajeni]
kurhamarhikuecha enga sánderu únhajka itsï atakuarhikueri ambe
¿Ambe arhikuekasïni itsï atakuarhini? Engari itsïarhu inchamejka ísïisïndi enajkiri uaarijki jurajkuparini imani ambe engari ióntki tsitienga. Ka engari itsïarhu uémentajka ísïisïndi enajki enajkiri ménderu uénajki irekani, peru iásï jindeesti para úni ambe enga Tata Diosï Jeoba uékajka eskari uaaka.
¿Ambe arhikuekasïni aiakukuarheni Tata Diosï Jeobani? Arhikuekasïndi eskari nóteru uáka ambe engari uékajka chiiti tsípikua jingoni eskari íntskuxaka Tata Diosï Jeobani (Mateu 16:24 TNM). Ísï jimbo ante de itsï atakuarhini jatsiskari para orheta úni kómarhikua ma ka aiakuni Tata Diosï Jeobani eskari méntkisï uaaka ambe enga ima uékajka.
¿Ambe jatsi parani úni jarhani ante de itsï atakuarhini? Jatsiskari para ísï irekani eska Biblia na jorhentpijka ka aianguani máteruechani ambe engari jakajkujka. Ísturi jatsiska parari ambakiti pájperakua ma jatsini Tata Diosï jingoni jorhenguarhiparini imeeri ambe ka kómarhikua jimbo. Jatsiskari parari marhuakuni Tata Diosï Jeobani jimbori uékasïnga ísï úni ka no jimbokaksïni máteruecha arhiaka.
¿Na xáni jatsiski parani andagutani parani úni itsï atakuarhini? No arhiati na engari xáni jatiriuaka. Peruri jatsiska parari sési kurhanguni ambe arhikuekasïni aiakukuarheni.
¿Ambe uaa úni engani uékajka itsï atakuarhini, peru engajtsïni juchiiti taaticha arhiaka eskani jatsiska parani erokuarhini? Engaksï imeecha eratsejka eskari tiempu uétarhinchasïnga parari sánderu sési úraani Bibliarhu anapu prinsipiuecha ísï ú ka jánguarhinta paraka sánderu uinhapiti jauaka chiiti pájperakua Tata Diosï Jeobani jingoni (1 Samuel 2:26).
[Rekuadruecha]
Pájina parari máru ánchikuarhitechani uaani
¿Eratsexakiria itsï atakuarhini?
kurhamarhikuecha engaksï kétsekua jaka jarhuataatikeni parari exeni sini sésiri úxaki. Ka asï mirikurhi arhiantani tekstuechani ante de mókuantani.
¿Mintsikasïndi Tata Diosï Jeobani? ¿Nénari xarhataxaki? (Salmo 71:5). ․․․․․
¿Úsïndi exeni ambe enga sésiika ka ambe enga no sésiika? ¿Kániri úski ísï úni? (Ebreu 5:14). ․․․․․
¿Pʼindeskiri kómarhini? ․․․․․
¿Kurhajkuarhisïndi chiiti kómarhikuecharhu ambe engari meru uétarhinchajka? ¿Xarharasïni eskari xénchasïnga Tata Diosï Jeobani imani ambe jimbo enga uandajka? (Salmo 17:6).
¿Amberi tsitipirini sánderu sési úni chiiti kómarhikuechani? ․․․․․
¿Na xándi seguidu jorhenguarhisïni Biblieri ambe? (Josué 1:8). ․․․․․
¿Náki informasioni exesïni chiiti jorhenguarhikuarhu?
¿Náki metechani uékasïniri jatsikukuarhiani para jandiajku jorhenguarhini? ․․․․․
¿Uandapirini eskari sési aianhpisïnga? (Pori ejemplu: ¿Úsïndi uandantani ambe enga Biblia jorhentpi? ¿Ménderuri pʼorhembiasïni imeechani engaksï uékajka jorhenguarhini Biblieri ambe? ¿Jánguarhintaxakiri parari nemani jorhendani Biblieri ambe?
□ Jo □ Nómbe
¿Nirasïndi aianhpini asta jiáni engaksï chiiti taati no niuaka? (Ukuecha 5:42).
□ Jo □ Nómbe
¿Náki metechandi jatsikukuarhia parari aianhpini? (2 Timoteu 2:15).
¿Nirasïndi iámindu tánguarhikuecharhu ori ménisï kueratasïni? (Ebreu 10:25). ․․․․․
¿Nénari partisiparisïni tánguarhikuecharhu? ․․․․․
Engaksïni chiiti taati jurajkujka, ¿nirasïndi tánguarhikuecharhu engaksï imeecha no újka nirani?
□ Jo □ Nómbe
¿Uandapirindi eskari kánikua tsitisïnga úni ambe enga Tata uéjka? (Salmo 40:8).
□ Jo □ Nómbe
¿Miásïndi ambe ma engari no úpka nájkirukaksïni chiiti kompanieruecha arhini japka eskari úpiringa? (Roma 12:2). ․․․․․
¿Amberi eratsesïni úni parakari méntkisï xénchaaka Tata Diosï Jeobani? (Judasʌ 20, 21). ․․․․․
Engaksï chiiti taaticha o chiiti amiguecha jurajkupiringa jurhimbikuani, ¿seguiripirindi marhuakuni Tata Diosï Jeobani? (Mateu 10:36, 37).
□ Jo □ Nómbe
[Imajeni]
Itsï atakurhini ísïisti komueska tembuchani o uambuchani: jindeesti ambe ma enga kánikua jukaparhakueka
Jamberijtsï ístu uéjka ini ambe míteni
TUMBIICHA
Tumbiichaksï kurhanguarhisïndi
Kurhamarhikuecha engaksï niárajka úkuarhiani uátsïcha ka tumbiicha ari temecheri, seksueri ambe, amiguecheri ambe, táticheri ambe ka eskueleri ka máteru ambe.
