Ambe engani jorhenguarhijka Bibliaeri
I libruksïni jarhuataati exeni na enga úkuarhipapka ambe ma ióntki ka exeni kueraakateri ambe, Jesusiri andajpenukueri ambe ka Tata Diosïri Reinueri ambe.
Karta Grupueri enga Orhejtsïkuajka iámindu kúnguarhikuechani
¿Néna uá estudiarikuarhini i libru?
JORHENGUARHIKUA 1
Tata Diosï kueraasïndi auandani ka echerini
¿Andisï Jeoba kueraapi ánjili espesialini ma antesi de máteru ambeni?
JORHENGUARHIKUA 2
Tata Diosï kueraasïndi primeru achatini ka uarhiitini
Tata Diosï kueraasïndi Adani ka Ebani ka jardini de Edenirhu péraasïndi. Uékasïrendi eskaksï familia ma úkuarhipiringa ka eskaksï paraisu ma úpiringa echerini.
JORHENGUARHIKUA 3
Adani ka Eba nóksï kurhajchaspti Tata Diosïni
¿Andisï máechakua anhatapu imani jardini de Edeniri xáni espesialipi? ¿Andisï Eba ápi imani anhatapueri frutani?
JORHENGUARHIKUA 4
Uándikusïndi imeri ermanuni xáni ikiani
Tata Diosï jiókuarhispti Abeliri kéjtsïtakuani, peru Kainirini nómbe. Enga Kaini kuenta íntskukuarhipka, kánikua ikiaspti ka tátsekua no sési ambe úspti.
JORHENGUARHIKUA 5
Noeri arka
Ánjilicha engaksï no kurhandirapka, tembuchasptiksï nanakecha jingoni ka kásptiksï sapiichani engaksï no ambakipka ka engaksï jigantipka. Uinintaspti atajperakua ambe. Peru Noe uékasïrendi Tata Diosïni ka kurhajchasïrendi.
JORHENGUARHIKUA 6
Ochu kʼuiripu tsípiti pakarasïndi
Dilubiurhu, 40 jurhiatikua ka 40 chúrikua janispti. Noe ka imeri familia, jukariksï ma uéxurhini pakaraspti arkarhu. Tátsekua, úsptiksï uéntani.
JORHENGUARHIKUA 7
Babeli anapu Torre
Kʼuiripu uékaspti úni iretarhu torre ma enga auandarhu jamberi niárapiringa. ¿Andisï Jeoba úpi eska ma repentku mámaru jásï idioma uandanhapiringa?
JORHENGUARHIKUA 8
Abraani ka Sara kurhajchasïndi Tata Diosïni
¿Andiksïsï Abraani ka Sara jurajkupi imecheri irekua paraksï jini ka jini jámani Kanaani?
JORHENGUARHIKUA 9
¡Úsptiksï kánguarhini sapini ma!
¿Néna kumpliripirini Jeoba eiatsperakuani enga Abraanini úkupka? ¿Isaaki o Ismaeli jimbo?
JORHENGUARHIKUA 10
Miánta Lotiri témbani
Tata Diosï úspti eska Sodoma ka Gomorra chpiri ka asufri uekorhipiringa. ¿Andisï kʼamajkuapi imani iretechani? ¿Andichisï jatsi para miántani Lotiri témbani?
JORHENGUARHIKUA 11
Tsʼéjkunhasïndi jakajkukua
Tata Diosï kurhakusïndi Abraanini: “Jimboetakua, kéjtsïta chíti sapini juáta Moria jimbo”. ¿Ambe úpirini Abraani ini ambe jingoni enga tsʼéjkupiringa imeri jakajkukuani?
JORHENGUARHIKUA 12
Jakobu pʼirasïndi erensiani
Isaaki ka Rebeka, kuatichanksï kaaspti, Esau ka Jakobu arhinhasïndiksï. Jimboka Esau orhetispka, intsïnhapirindi erensia espesiali ma. ¿Andisï mójtakupi ma platu tʼirekua jingoni?
JORHENGUARHIKUA 13
Jakobu ka Esau sésiksï arhijperantasïndi
¿Ambe úspi Jakobu paraka ánjili ma újchakurapiringa? ¿Nénaksï sési arhijperantaspi Esau jingoni?
JORHENGUARHIKUA 14
Jántspiri ma enga kurhajchajka Tata Diosïni
Jose ambakiti ambe úspti, peru kánikua no sési kánhaspti. ¿Andi?
JORHENGUARHIKUA 15
Jeoba no mirikurhispti Joseni
Nájkiruka Jose no imeri familia jingoni jaka, Jeoba méntkisï imani jingoni jarhasïndi.
JORHENGUARHIKUA 17
Moisesi erakusïndi Jeobani marhuakuni
Enga Moisesi charhakuepka, úspti salbarikuarhini jimboka amamba úspka ambe ma.
JORHENGUARHIKUA 19
Orheta tanimu plaguecha
Faraoni no sési ambe úkuspti Ejiptuni, jimboka jukari kʼéri exekuarhisïrenga para kasu úni ambe engaksï arhienga.
JORHENGUARHIKUA 20
Máteru seisi plaguecha
¿Andiksïsï i plaguecha no májkuenipi eskaksï orheta tanimu?
JORHENGUARHIKUA 21
Plaga númeru diesi
I plaga xáni no sési úkuaspti ejipsiuechani enga faraoni enga xáni kʼéri exekuarhienga jurajkuapka israelitechani.
JORHENGUARHIKUA 22
Milagru ma mari Charhapitirhu
Faraoni tsípiti pakaraspti engaksï Diesi Plaguecha nitamapkia, ¿peru tsípiti pakarapirini enga Tata Diosï úpiringuia ini milagruni?
JORHENGUARHIKUA 23
Aiatsperakua maksï úkusïndi Jeobani
Israelitechaksï eiatsperakua ma úkusïndi Tata Diosïni jiáni engaksï juáta Sinai jandukutini jarhajka.
JORHENGUARHIKUA 24
Nóksï kumplirispti ambe engaksï eiatspipka
Enga Tata Diosï íntskuani japka Moisesini Diesi mandamientuechani, ireta kʼéri ma pekadu úxapti.
JORHENGUARHIKUA 25
Tabernakulu ma para Jeobani kʼéri arhini
Arka pakatperakueri, ini tienda espesialirhu jarhaspti.
JORHENGUARHIKUA 26
Dose espiecha
Josue ka Kalebi nóksï májkuenispti eskaksï máteru 10 espiecha engaksï nípka exeni Kanaanini.
JORHENGUARHIKUA 27
Nóteruksï kurhajchasïndia Jeobani
Kore, Datani, Abirami ka máteru 250 achaticha, nóksï kuenta íntskukuarhispti ma ambe Jeobaeri enga kánikua jukaparhakuepka.
JORHENGUARHIKUA 29
Jeoba Josueni erakusïndi
Tata Diosï arhistakuspti Josueni néna úni ambe ma, ka ima ambejtsïni uáti jarhuatani juchantsïntu.
JORHENGUARHIKUA 30
Raabi jískaasïndi espiechani
Jerikoeri bardechaksï kuarhatsesïndi. Raabiri kʼumanchikua no kuarhatsesïndi nájkiruka bardecharhu japka.
JORHENGUARHIKUA 31
Josue ka gabaonitecha
Josue kurhakusïndi Jeobani eska anhaxustaaka jurhiatani. ¿Mókuntasïni Jeoba imeri kómarhikuani?
JORHENGUARHIKUA 32
Jimbanhi orhejtsïkuti ma ka tsimani nanaka balientecha
Enga Josue uarhipkia, israelitechaksï niáraspti diosï úkatechani kómarhiani. Inde ambe problemechani juákuaspti, peruksï jatsipti jarhuajperata Barakiri enga juesipka, Déboraeri enga profetisepka ka Jaeliri.
JORHENGUARHIKUA 33
Ruti ka Noemi
Tsimani biudechaksï kʼuanhatsintasïndi Israeli. Máechakua, Ruti, niraspti kampurhu ma ánchikuarhini ka jima mítispti Boasini.
JORHENGUARHIKUA 34
Gedeoni andaasïndi Madiani anapuechani
Israelitechaksï kurhakusïndi jarhuajperata Jeobani jimbokaksï madianitecha no sési kaasïnga. ¿Néna jimbo úspi Gedeoniri ejersitu engaksï namunitkuepka, andaani 135,000 soldaduechani engaksï enemiguepka?
JORHENGUARHIKUA 35
Ana kurhakusïndi Jeobani sapi ma
Elkaná, pásïndi Anani, Penináni ka sapiichani tabernakulurhu jini Silo paraksï kómarhini Tata Diosïni. Jima, Ana kurhakusïndi Jeobani sapi ma. Ma uéxurhini tátsekua andajpenusïndi Samueli.
JORHENGUARHIKUA 36
Jefte aiatspesïndi ambe ma
¿Ambe eiatsperakua úspi Jefte? ¿Andisï úpi imani eiatsperakuani? ¿Ambe úspi imeri uájpa enga mítipka nákispi ima eiatsperakua?
JORHENGUARHIKUA 37
Jeoba uandajpasïndi Samuelini
Kʼéri saserdoti Elíri tsimani uájpechaksï saserdotisti tabernakulurhu, peruksï no kurhajchaasïndi Tata Diosïri leichani. Tumbi Samueli no májkuenisti ka ma chúrikua, Jeoba uandajpasïndi.
JORHENGUARHIKUA 38
Jeoba íntskusïndi uinhapikua Sansonini
Tata Diosï íntskusïndi uinhapikua Sansonini para uarhipeni filisteuecha jingoni, peru enga Sansoni imani ambe újka enga no jatsipka para úni, filisteuechaksï jupikasïndi.
JORHENGUARHIKUA 39
Primeru rei Israeliri
Jeoba juesichani péraasïndi Israeli paraksï orhekupaani, peruksï ima reini ma kurhajkuarhisïndi. Samueli Saulini atajtsïkusïndi aseiti para primeru reiini; tátsekua, Jeoba no jeiapanhintasïndi, peru ¿andi?
JORHENGUARHIKUA 40
Dabidi ka Goliati
Jeoba Dabidini erakusïndi para ima jindenia Israeliri rei ka Dabidi xarhatasïndi eska ambakiti rei máeuaka.
JORHENGUARHIKUA 41
Dabidi ka Sauli
Achati no ambakiti ma ikiakusïndi ambakiti achatini ma. ¿Ambe úsïni ima enga ambakiti achatika?
JORHENGUARHIKUA 42
Jonatani balientisti ka ambakiti kʼuiripu ma
Rei uájpa, ambakiti amigu úkuarhisïndi Dabidiri.
JORHENGUARHIKUA 44
Templu ma para Jeoba
Tata Diosï jeiapanhintasïndi ambe enga rei Salomoni kurhakujka ka kʼérati ánchikuarhita íntskuasïndi.
JORHENGUARHIKUA 46
Jeoba xarhatasïndi eska imasï jurhimbitiika
¿Né jindeski Tata Diosï jurhimbiti? ¿Jeoba o Baali?
JORHENGUARHIKUA 47
Jeoba uinhaperantasïndi Elíasini
¿Exesïniri eskakini Jeoba uáka jarhuatani tʼungintu?
JORHENGUARHIKUA 49
No ambakiti reina ma kastigarinhasïndi
Jesabeli uándikutarkuarhisïndi israelitani ma enga Naboti arhinhaenga, nomasi para sïpakuni echerini enga ubasï jukaenga. Peru Jeoba exesïndi imani no sési ambeni.
JORHENGUARHIKUA 50
Jeoba kuájpisïndi Jeosafatini enemiguecheri
Ambakiti rei Jeosafati, kómarhisïndi Tata Diosïni para kurhakuni jarhuajperata, engaksï enemiguecha uéjka kʼamajkuni Judani.
JORHENGUARHIKUA 51
Soldadu ma ka nanaka sapichu ma
Nanaka israelita ma uandontskuarhikusïndi imeri dueniani, na enga xáni uinhapika Jeoba. Ísï úparini, milagru ma úkuarhisïndi.
JORHENGUARHIKUA 52
Jeobaeri ejersitu enga chpiririka
¿Néna kuenta íntskukuarhisïni Eliseueri jarhuajpiri eskaksï sánderu uánikua uarhipiticha jarhaska imecha jingoni ka eska imecheri enemiguecha jingoni?
JORHENGUARHIKUA 54
Jeoba tekantskua xarhatakusïndi Jonasini
¿Andisï Tata Diosïri profetani, kʼéri kurucha ma kunajkajki? ¿Néna jámani salbarikuarhisïni? ¿Ambe jorhendasïni Jeoba?
JORHENGUARHIKUA 55
Jeobaeri ánjili kuájchakusïndi Esekiasini
Judaeri enemiguechaksï uandasïndi eska Jeoba no kuájchakuaka imeri iretani, peru no ísïsïndi.
JORHENGUARHIKUA 56
Josiasi jukaparharasïndi Tata Diosïri Leini
Josiasi ochu uéxurhini jatiri uénasïndi juramuni Juda ka jarhuatasïndi kʼuiripuni parakaksï ménderu Jeobani kómarhiaka.
JORHENGUARHIKUA 57
Jeoba axasïndi Jeremiasini para aianhpini
Ambe enga i profeta uandajka, kánikua ikiataasïndi Juderi orhejtsïkutichani.
JORHENGUARHIKUA 58
Jerusaleni kʼamajkunhasïndi
Jeoba jurajkusïndi Judani jimboka seguirisïnga idoluechani kómarhiani.
JORHENGUARHIKUA 59
Tʼámu tumbiicha engaksï kurhajchajka Jeobani
Tʼámu tumbi Juda anapuecha, eratsikataksï jatsisti no méni jurajkuni Jeobani ni sikiera rei Nabukodonosoriri kʼumanchikua jimbo jini Babilonia.
JORHENGUARHIKUA 60
Reinu ma enga para méntkisïuaka
Danieli explikarisïndi ambe enga arhikuekajka Nabukodonosoriri tsánharhikua.
JORHENGUARHIKUA 61
Nóksï tinguixurhikusïndi estatuani
Sadraki, Mesaki ka Abednegu nóksï tinguixurhikusïndi estatuani orueri enga Babilonia anapu rei úpka.
JORHENGUARHIKUA 62
Reinu ma enga ísïka eska kʼéri anhatapu ma
Ambe enga Nabukodonosori tsánharhipka, xarhataspti ambe enga úkuarhinchapiringa sánderu orhepani.
JORHENGUARHIKUA 63
Karakata ma paredirhu
¿Káni xarharasïni mensaji paredirhu? ¿Ka ambe arhikuekasïni?
JORHENGUARHIKUA 64
Danieli leonicheri posurhu jarhasti
Pauani pauani kómarhi Jeobani ísï eska Danieli.
JORHENGUARHIKUA 65
Esteri salbarisïndi imeri iretani
Nájtuka no jima anapueka ka uérfana máeni, reina úkuarhisïndi.
JORHENGUARHIKUA 66
Esdrasi jorhentpesïndi Tata Diosïri Leini
Engaksï israelitecha kurhajchajkia Esdrasini, aiatsperakua espesialiksï ma úkusïndi Tata Diosïni.
JORHENGUARHIKUA 67
Jerusaleniri bardecha
Neemiasi kuenta íntskukuarhisïndi eskaksï imecheri enemiguecha uékasïnga kʼamajkuani. ¿Andisï no chéjki?
JORHENGUARHIKUA 68
Elisabeti charhakuni ma kánguarhisïndi
¿Andisï no úpirini uandani Elisabetiri uámba astaka charhaku andajpenupiringa?
JORHENGUARHIKUA 69
Ánjili Gabrieli pʼorhembisïndi Mariani
Maria mensaji ma intsïnhasïndi enga mójtakujka imeri irekuani.
JORHENGUARHIKUA 70
Ánjilichaksï uandantasïndi eska Jesusi andajpenuska
Karichi eranguticha engaksï kurhaajka mensajini sóntkuksï nirasïndi exeni Jesusini.
JORHENGUARHIKUA 72
Enga Jesusi 12 uéxurhini jatiripka
¿Andiksïsï ísku pakarajki templurhu anapu saserdoticha engaksï kurhajchajka Jesusini?
JORHENGUARHIKUA 73
Juanu aianhpisïndi eska Mesiasi janoakia
Juanu profeta máesti enga aianhpijka eska Mesiasi janoakia. ¿Ambe úspi kʼuiripu enga kurhaapka imani mensajeni?
JORHENGUARHIKUA 74
Jesusi niárasïndi jindeeni Mesiasi
¿Ambe arhikuekasïni Juanu enga uandajka eska Jesusi Tata Diosïri Karichiska?
JORHENGUARHIKUA 75
Noambakiti tsʼéjkusïndi Jesusini
Noambakiti tanimu uelta tsʼéjkusïndi Jesusini. ¿Nákispiksï ima tanimu tsʼéjkukuecha? ¿Ambe úspi Jesusi?
JORHENGUARHIKUA 76
Jesusi limpiarisïndi templuni
¿Andisï Jesusi pentaantajki animalichani templurhu ka andisï menonhakuajki mesechani imechani engaksï tumina mójtakuenga?
JORHENGUARHIKUA 77
Uarhiiti ma enga posurhu ma jaka
¿Andisï samaritana ma enga Jakobueri posurhu nirajka ísku pakarajki enga Jesusi uandontskuarhikujka? ¿Ambe arhisïni Jesusi samaritanani enga no nemani arhini japka?
JORHENGUARHIKUA 78
Jesusi aianhpisïndi Reinueri ambe
Jesusi pʼímarhiasïndi máru imeri disipuluechani paraksï eianhpini. Tátsekua, preparariuasïndi 70 disipuluechani paraksï ambakiti mensaji ma aianhpini.
JORHENGUARHIKUA 79
Jesusi uánikua milagruechani uásïndi
Nani uéjki enga nirajka Jesusi, pʼamenchatichaksï kurhakusïndi eska jarhuatauaka ka ima tsinaasïndi. Asta nanaka sapichuni ma tsítantasïndi.
JORHENGUARHIKUA 80
Jesusi erakuasïndi 12 apostulichani
¿Para ambe erakuaspi? ¿Miáuasïniri imecheri nombrichani?
JORHENGUARHIKUA 82
Jesusi jorhentpesïndi néna kómarhini
¿Ambe arhiasïni Jesusi disipuluechani eskaksï seguiriuaka kurhajkuarhini?
JORHENGUARHIKUA 83
Jesusi uánikua kʼuiripuni tʼirerasïndi
¿Ambejtsïni jorhendasïni i milagru Jeobaeri ka Jesusiri?
JORHENGUARHIKUA 84
Jesusi itsïrhu ísï xanharasïndi
¿Eranhaskasïniri nénaksï pʼikuarherapi apostulicha engaksï exepka indeni milagruni?
JORHENGUARHIKUA 86
Jesusi tsítantasïndi Lasaruni
Enga Jesusi exejka Mariani uerani jarhani, imajtu seguirisïndi uerani. Peru ima kómu pʼikuarherakua sóntku kʼamakurhispti, iásïksï tsípixaptia.
JORHENGUARHIKUA 87
Jesusiri últimu sena
Últimu senarhu, Jesusi jukaparhakua ambe arhiasïndi imeri apostulichani.
JORHENGUARHIKUA 88
Jupikasïndiksï Jesusini
Judasï Iskarioti pásïndi kʼuiripu engaksï espadechani kaani japka ka chkarichani, jardini de Jetsemaní paraksï jupikani Jesusini.
JORHENGUARHIKUA 89
Pedru uandasïndi eska no mítiska Jesusini
¿Ambe úkuarhisïni Kaifásiri patiurhu? ¿Ambe úkuarhinchasïni Jesusi kʼumanchikuarhu incharini?
JORHENGUARHIKUA 92
Jesusi kurucha pʼitamatichani xarhakuasïndi
¿Ambe úsïni Jesusi paraksï disipuluecha exeni?
JORHENGUARHIKUA 93
Jesusi kʼuanhatsintasïndi auandarhu
Antesi de kʼuanhatsintani, Jesusi íntsasïndi disipuluechani juramukua ma enga kánikua jukaparhakueka.
JORHENGUARHIKUA 94
Disipuluechaksï espiritu santu intsïnhasïndi
¿Ambeksï úsïni úni engaksï intsïnhajka espiritu santu?
JORHENGUARHIKUA 95
No ma ambe úsïndi pʼínguani
Relijioniri orhejtsïkuticha engaksï uándikupka Jesusini, jánguarhintasïndiksï paraksï disipuluecha nóteru aianhpinia, peruksï no úsïndi.
JORHENGUARHIKUA 96
Jesusi erakusïndi Sauluni
Saulu no ambakispti ka no uékaasïrendi kristianuechani, peru tátsekua mójtakukuarhispti.
JORHENGUARHIKUA 97
Korneliu espiritu santu intsïnhasïndi
¿Andisï Tata Diosï axapi Pedruni indeni achatiri kʼumanchikuarhu enga no judiuepka?
JORHENGUARHIKUA 98
Kristianuechaksï uánikua nasionicharhu niárasïndi
Apostuli Pablu ka imeri pámpirichaksï uénasïndi eianhpini iauanisï.
JORHENGUARHIKUA 99
Kárseliri kuári ma jorhenguarhisïndi jurhimbikuani
¿Andisï ixú uandajki demoniueri ma, jenchekueri ma ka espaderi ma?
JORHENGUARHIKUA 100
Pablu ka Timoteu
Tsimarhanksï májku kʼéri marhuakuspti Jeobani uánikua uéxurhini ka ambakiti amiguesptiksï.
JORHENGUARHIKUA 101
Romaksï pásïndi Pabluni
Uánikua no sési jásï ambe úkuarhisïndi biajirhu, peru no ma ambe pʼíngusïndi apostulini.
JORHENGUARHIKUA 102
Juanueri bisionicha
Jesusi uánikua bisionichani exeraasïndi Juanuni ambe enga úkuarhiaka sánderu orhepani.
JORHENGUARHIKUA 103
Eska juuaka chíti Reinu
Juanu bisioni ma exesïndi enga xarhatajka nénaeua irekua echerirhu Tata Diosï Reinu jingoni.
