Sáno 70 uéxurhini nitamasptia engaksï israelitecha kʼuanhatsintapka Jerusaleni, nájkirukaksï máru útasï imani iretecharhu irekani japka enga Persia juramuenga. Ka ma jindespti Esdrasi, saserdoti ma enga jorhentpienga Jeobaeri Leini. Esdrasi kurhaaspti eskaksï ima israelitecha engaksï Jerusaleni irekani japka nóksï kurhajchaxapka Leini, jimbosï uékaendi nirani para jarhuataani. Persia anapu rei Artajerjesi, arhispti: “Tata Diosïkini íntskusti jánhaskua parari jorhentpini imeri Leini. Ní ka pájta imani enga uéjka nirani”. Esdrasi tánguarhispti imechani jingoni engaksï uékaenga níntani Jerusaleni. Kurhakusptiksï Jeobani eska kuidariuapiringa xanharu jimbo ka uénasptiksï biajini.

Tʼámu kutsï jimboksï niáraspti Jerusaleni. Ireteri prínsipechaksï arhispti Esdrasini: “Israelitechaksï no kurhajchasti Jeobani ka tembuchastiksï uarhiiticha jingoni engaksï idoluechani kómarhiajka”. ¿Ambe úspi Esdrasi? Tinguixurhispti ireta japarini ka kómarhikua ma úspti: “Jeoba, tʼuri uánikua ambakiti ambe úska juchantsïni jimbo, peru jucha pekariska tʼunguini japarini”. Ireta moantaspti, peru seguirispti no sési ambe úni. Jimbosï Esdrasi erakuapti orhejtsïkutichani ka juesichani paraksï inbestigarini imani ambe. Tanimu kutsï jimboksï chútaaspti iámindu imechani engaksï no uékaenga Jeobani marhuakuni.

Dose uéxurhini nitamaspti. Ka Jerusaleniri bardechaksï ménderu únhantaspti. Esdrasi iámu iretani tánantaspti plasa para arhikuantani Jeobaeri Leini. Enga pʼirakupka libruni, iámu ireta jauaraspti. Esdrasi kʼéri ambe arhispti Jeobani ka israelitechaksï tarhataaspti jájkichani para xarhatani eskaksï de akuerdu jarhaspka. Ka Esdrasi arhintaspti Leini ka explikarini. Ireta jingontku kurhaaspti. Jiókuarhispti eskaksï ménderu jurajkuspka Jeobani ka úndasptiksï uerani. Pauandikua, Esdrasi seguirispti arhikuantani Leini. Israelitechaksï kuenta íntskukuarhispti eskaksï no ióndani jatsispka para úntani Kabaniecheri Kʼuínchikuani. Jimboksïsï uénapti prepararini iámu ambe.

 Israelitechaksï kánikua tsípispti ima sieti jurhiatikua kʼuínchikueri. Agradeserikusptiksï Jeobani jimbokaksï kánikua kosecharispka. Nóksï jatsispti xásï ma Kabaniecheri Kʼuínchikua desde Josueri jurhiatikuechani jimbo. Enga kʼamakurhipkia, tánguarhisptiksï ka kómarhini: “Jeoba, tʼujtsïni salbariska parachi nóteru jántspirinia. Íntskuskajtsïni tʼirekua desierturhu ka i ambakiti echerini. Peru juchaksïni méntku úndaska no kurhajchani. Ka nájkirukajtsïni uánikua profeta axachiapka parajtsïni konseju íntskuni, nochi kasu úspka. Peru tʼujtsïni tekachintaska. Nori méni mirikurhiska aiatsperakuani engari Abraanini úkupka. Iásï, aiachesïngaksïni eskaksïni kurhajchaaka”. Ireta karaspti ambe enga aiatspipka, ka prínsipecha, lebitecha ka saserdoticha, firmarisptiksï seiu ma jingoni.