Ma chúrikua, rei Nabukodonosori tsánharhispti ambe ma. Tsánharhikua xáni uandanhiataxapti enga no uénga kʼuíni. Uandajpaaspti maguechani ka arhiaspti: “Explikarichejtsïni juchiti tsánharhikuani”. Imaksï arhispti: “Eiangujtsïni chíti tsánharhikuani, oh, rei”. Peru rei arhiaspti: “¡Nómbe! Chájtsïni eiangu je, engajtsïni no aianguska, uándikuakaksïni”. Ménderuksï arhispti: “Peru arhijtsïni amberi tsánharhiski ka arhiakaksïni ambe enga arhikuekajka”. Ima mókukuaspti: “Uékaxakijtsïni enganiarini. ¡Arhijtsïni ambe engani tsánharhika!”. Imaksï arhispti: “No nema jarhasti enga uáka úni ambe engari kurhajkuarhijka. No nema uáti”.

Nabukodonosori xáni ikiaxapti enga juramupka eskaksï iámu paisirhu anapu jánhaskatichani uándikuapiringa. Ístuksï uándikupirindi Danieli, Sadraki, Mesaki ka Abedneguni. Peru Danieli tiempu kurhakuspti reini ka ima ka imeri amiguechaksï kómarhispti Jeobani paraka jarhuataapiringa. ¿Ambe úspi Jeoba?

Bisionirhu ma, Jeoba exeraspti Danielini reiri tsánharhikuani ka arhispti ambe enga arhikuekaenga. Pauandikua, Danieli niraspti uandontskuarhikuni reiri jántspirini ka arhispti: “Asï ma jánhaskatini uándiku je. Ji uáka explikarini reiri tsánharhikuani”. Jántspiri páspti Danielini Nabukodonosori jingoni. Danieli arhispti reini: “Tata Diosïkini aiangusti ambe enga úkuarhiaka sánderu orhepani. I amberisï tsánharhika: kʼéri estatuari ma exeska enga éjpu orueri jukaka, kʼénhikua ka jájkichani plateri, teruarhakua ka kʼéjtarhakua kobreri, piernechani tiámueri ka jantsirichani tiámueri atsïmu jingoni. Tátsekua, tsakapu ma uéraspti juátarhu ma ka uinhamu ataspti estatueri jantsirirhu. Estatua kʼepekurhispti ka  tʼupuri úkuarhintaspti, ka tátsekua tarhiata páspti tʼupurini. Tsakapu, kʼéri juáta ma úkuarhispti enga iámu echerirhu uinipka”.

Tátsekua, Danieli uandaspti: “Tsánharhikua, ari ambe arhikuekasïndi: chíti juramukua, éjpu orueristi. Parti plateri, juramukua máesti enga chíti reinuni chúngumaaka. Tátsekua, jauati máteru juramukua komueska kobri enga interu parhakpini juramuaka. Máteru juramukua xáni uinhapitiuati eska tiámu. Ka últimu, juramukua ma uéraati enga arhukurhiaka, ma parti xáni uinhapiati eska tiámu ka máteru debiliuati eska atsïmu. Ka tsakapu enga juáta ma úkuarhijka, Jeobaeri Reinuesti enga kʼamajkuauaka iámindu máteru reinuechani ka no méni kʼamakurhiati”.

Nabukodonosori tinguixurhispti Danieliri orhepani ka tʼénksataspti éjpu. Ka uandaspti: “Chíti Tata Diosïkini aiangusti tsánharhikuani. No jarhasti máteru diosï ísï eska ima”. Enbesi de uándikuni Danielini, rei, jefe úspti iámindu jánhaskaticheri ka gobernanti ma Babiloniaueri. ¿Exeskiri Jeoba néna mókuntaspi Danieliri kómarhikuani?