Juramuti Roma anapu, Sésari Augustu, juramuspti eskaksï iámindu judiuecha nipiringa rejistrarikuarhini nani engaksï andajpenupka. Jimboksïsï Jose ka Maria nípti Beleni, jimboka Joseri familia jima anapuespka. Sánderkusï kueratendia paraka Maria kámapiringa sapini.

Engaksï niárapka Beleni, establu májkuksïsï exentapti para pakarani ka Jesusi jima andajpenuspti. Maria sési irhirispti takusï kuatapiticha jingoni ka iatsitakuarhu apojtsïtaspti pesebrirhu ma.

Beleni no iauani, karichi eranguticha máruksï kampurhu jarhaspti kuidariuani imeri karichichani chúrikua jimbo. Ka ma repentku, ánjili ma xarhakuaspti ka exesptiksï Jeobaeri tʼíntskuani iámu uirhipandani. Karichi erangutichaksï chéspti, peru ánjili arhiaspti: “Asï ché je, ambakiti ambeksïni aianguaka. Mesiasi iásï andajpenusti jini Beleni”.  Ima ratu jimbo, uánikua ánjilichaksï xarharaspti auandarhu engaksï uandaenga: “Kʼéri ambe arhinhe Tata Diosï auandarhu, ka jaue pínandikua echerirhu”. Jimajkanksï ánjilicha jimajku nóteru xarharasptia. ¿Ambeksï úspi karichi eranguticha?

Karichi erangutichaksï arhijperasïrendi: “Ju je Beleni iáiasï mísmu”. Jimajkanksï jirejiresï niraspti ka establurhuksï exentaspti Jose ka Mariani charhaku jingoni enga apenasi andajpenupka.

Iámindu engaksï kurhaapka ambe enga ánjili arhiapka karichi erangutichani, ískuksï pakaraspti. Maria kánikua eratsintaaspti ánjiliri uandakuechani ka no méni mirikurhiaspti. Karichi erangutichaksï kʼuanhatsintaspti kampurhu, kánikua agradesidu Jeoba jingoni iámindu ambe jimbo engaksï exepka ka kurhaani.