Uénakua partiri 3
Biblia, namunitku kʼuiripuecheri uandasïndi engaksï marhuakupka Tata Diosïni enga na nitamapkia Dilubiu. Ma jindespti Abraani, enga niárapka ísï mítikateni komueska Jeobaeri amigu. Jorhenguarhiakachi andisï ísï mítikatepi. Enga cha kánguarhiajka sapiichani, jarhuataa je paraksï kurhanguni eska Jeoba uandanhiasïnga mándani arhini imecha jimbo ka eska uékasïnga jarhuataani. Ísï komu Abraani, Loti, Jakobu ka máteru Tata Diosïri marhuaricha, uákachi kurhakuni Jeobani eskajtsïni jarhuataaka, mintsikaparini eska ima kumpliriuaka iámu ambe enga eiatspijka.
INI PARTI JIMBO
JORHENGUARHIKUA 7
Babeli anapu Torre
Kʼuiripu uékaspti úni iretarhu torre ma enga auandarhu jamberi niárapiringa. ¿Andisï Jeoba úpi eska ma repentku mámaru jásï idioma uandanhapiringa?
JORHENGUARHIKUA 8
Abraani ka Sara kurhajchasïndi Tata Diosïni
¿Andiksïsï Abraani ka Sara jurajkupi imecheri irekua paraksï jini ka jini jámani Kanaani?
JORHENGUARHIKUA 9
¡Úsptiksï kánguarhini sapini ma!
¿Néna kumpliripirini Jeoba eiatsperakuani enga Abraanini úkupka? ¿Isaaki o Ismaeli jimbo?
JORHENGUARHIKUA 10
Miánta Lotiri témbani
Tata Diosï úspti eska Sodoma ka Gomorra chpiri ka asufri uekorhipiringa. ¿Andisï kʼamajkuapi imani iretechani? ¿Andichisï jatsi para miántani Lotiri témbani?
JORHENGUARHIKUA 11
Tsʼéjkunhasïndi jakajkukua
Tata Diosï kurhakusïndi Abraanini: “Jimboetakua, kéjtsïta chíti sapini juáta Moria jimbo”. ¿Ambe úpirini Abraani ini ambe jingoni enga tsʼéjkupiringa imeri jakajkukuani?
JORHENGUARHIKUA 12
Jakobu pʼirasïndi erensiani
Isaaki ka Rebeka, kuatichanksï kaaspti, Esau ka Jakobu arhinhasïndiksï. Jimboka Esau orhetispka, intsïnhapirindi erensia espesiali ma. ¿Andisï mójtakupi ma platu tʼirekua jingoni?
JORHENGUARHIKUA 13
Jakobu ka Esau sésiksï arhijperantasïndi
¿Ambe úspi Jakobu paraka ánjili ma újchakurapiringa? ¿Nénaksï sési arhijperantaspi Esau jingoni?
