Enga nitamapkia Dilubiu, Noeri uájpechaksï kánguarhiaspti sapiichani. Familiechaksï kʼéraspti ka nirasptiksï uápuru ísï irekani, eska Jeoba na arhiapka.

Peru máru familiechaksï no kurhajchaspti Jeobani. Uandasptiksï: “Ju je ixú pakarani, kʼéri machi ireta uáka ka torre ma enga auandarhu jamberi niáraaka. Ka ísïchi kʼéri ambe exenhaaka”.

 Jeoba no jaiapanhintaspti ambe engaksï úni japka, jimbosï anhaxustaapti. ¿Mítiskiri néna? Úspti eska kʼuiripu ma repentku mámaru jásï idioma uandapiringa. Ka komuksï nóteru kurhangutsperenguia, anhaxustasptiksï ánchikuarhitani. Kʼuiripu, Babeli arhinhataraspti imani iretani enga arhikuekajka “no kurhangutsperakua”. Ka úndasptiksï máteru nani ísï nirani irekani. Peruksï seguirispti no sési ambe úni jima engaksï niárapka. ¿Japi útasï nema enga uékaenga Jeobani? Máteru kapitulurhuchi exeaka.