Isaaki 40 uéxurhini jatirispti enga Rebeka jingoni tembuchapka. Ima kánikua xénchasïrendi Rebekani. Tátsekua, kánguarhiasptiksï tsimani tatakechani engaksï kuatipka.

Uájpa enga orhetipka, Esau arhinhasïrendi ka sapichu, Jakobu. Esau kánikua tsitisïrendi kampurhisï jámani ka jorhenaspti animali ataani. Peru Jakobu sánderu tsitisïrendi kʼumanchikuarhu jarhani.

Jiánisï, uájpa enga orhetiuenga, sánderu echerichani ka tumina intsïnhasïrendi eska imeri ermanuecha jiáni enga tátemba uarhienga. Inde jindespti erensia. Isaakiri familiarhu, erensia ístu jindespti intsïnhaani imani eiatsperakuechani enga Jeoba úkuapka Abraanini. Esau no jukaparharaasïrendi indeni eiatsperakuechani. Peru Jakobu mítispti eskaksï kánikua jukaparhakuespka.

Ma xanhari Esau kánikua kuataratini niántaspti, jimboka chúskutaspka animali ataani. Jimajkani, sïpiruspti na enga xáni sési jájkundeni japka tʼirekua enga Jakobu úmantani japka, ka arhispti: “¡Uarhixaka kʼarhimani! ¡Íntskurini sáni indeni tʼirekua enga xáni charhapinharhika!”. Jakobu arhispti: “Jo, perurini orheta aiache eskani uáka pakatakuarhini chíti erensiani”. Esau arhispti: “¡No uékasïnga erensiani! Pakatakuarhi. Ji tʼirenisïni uéjka”. ¿Exesïniri eska Esau listuespka enga indeni ambe úpka?  Nómbe. Ima intsïkuarpespti ambe ma enga kánikua jukaparhakuepka, ma platu t’irekua jimbojku.

Enga Isaaki tʼarhepipkia, niárasptia jurhiatikua para újchakurani imeri uájpani enga orhetipka. Peru Rebeka jarhuataspti Jakobuni, imeri uájpa sánderu sapichuni para Isaaki imani újchakurani. Enga Esau mítipka ini ambe, kánikua ikiaspti ka uénaspti exeni néna uándikuni Jakobuni. Isaaki ka Rebeka, uékasïrendiksï kuájchakuni Jakobuni, jimboksïsï arhipti: “Ní ka chíti tíu Labani jingoni pakara, enga chíti nándiri ermanueka, astaka Esau nóteru ikiauakia”. Jakobu kurhajchaaspti ka sïpakuarhispti para imeri ermanu no uándikuni.