Elkaná israelita máespti enga tsimani uarhiitichani káuenga: Ana ka Peniná. Peru Elkaná, Anani sánderu xénchasïrendi. Peniná uánikua uájpechani kánguarhiasïrendi, peru Ana no ma. Jimbosï Peniná xáni teresmarhuendi. Mándani uéxurhini, Elkaná pásïrendi imeri familiani Silo, paraksï kómarhini Jeobani tabernakulurhu. Ma xanhari engaksï jima japka, Elkaná kuenta íntskukuarhispti eska Ana kánikua kómu pʼikuarheraxapka. Jimbosï arhipti: “Jimboetakua, asï uera. Tʼurini jatsikuarheska jíndeni, jíkini kánikua xénchasïnga”.

Sánderu tátsekua, Ana jandiajku niraspti kómarhini. Ueraxapti ka kurhakuspti Jeobani eska jarhuatapiringa ka aiakuspti: “Jeoba, engarini íntskuska sapini ma, jíkini íntskuntaaka parakini ima méntkisï marhuachini”.

Kʼéri saserdoti Elí, exespti eska Ana ueraxapka ka ísï nímuni jarhani enajki uandani japi, jimbosï eratsipti eska kauirixapka. Peru Ana arhispti: “Nómbe juchiti tata, no kauirixaka. Jeoba jingoni uandaxexapka jimbokani kʼéri ma problema jatsiska”. Elí exespti eska Ana no kauirixapka ka arhispti: “Eskakini Jeoba íntskuaka ambe engari kurhakuka”. Ana sési pʼikuarherantaspti ka níntaspti. Ka ante de ma uéxurhini nitamani, Ana kámaspti sapini ma ka Samueli arhinhataraspti. ¿Eranhaskasïniri na enga xáni tsípini japka Ana?

 Ana no mirikurhispti aiatsperakuani enga Jeobani úkupka. Enga Ana euapkia lechi Samuelini, tabernakulurhu páspti para Jeobani marhuakuni. Ana arhispti Elíni: “Kómarhispka Jeobani pararini íntskuni ini sapini, iásï imani íntskuntasïnga para méntkisï marhuakuni”. Elkaná ka Ana, mándani uéxurhinksï nirasïrendi Samuelini exeni ka jimbanhi xukuparhakuaksï ma pákusïrendi enga no jukaapka manga. Enga nitamapkia tiempu, Jeoba úspti eska Ana kaapiringa máteru tanimu tatakechani ka tsimani nanakaechani.