Imani tiempu enga kʼarhindekua japka, Jeoba arhispti Elíasini: “Ní Sarepta. Jima jarhasti biuda ma engakini tʼireraaka”. Ireteri puertarhu ísï, Elíasi biuda pobrini ma exespti enga chkari tánani japka ka kurhakuspti ma basu itsï. Enga ima nípka pʼikuni, Elíasi arhispti: “Jimboetakua, ísturini íntsku sáni kurhinda”. Peru biuda arhispti: “No jatsiska kurhinda, nókini ambe ma uáka íntskuni. Jarina ka aseitijkusïni jatsika parani prepararini sáni tʼirekua para juchiti sapi ka para ji”. Elíasi arhispti: “Jeoba aiatspesti eska engarini tʼu úchiska kurhinda sapichu ma, jatsiakari jarina ka aseiti astaka ménderu janiaka”.

Jimajkani biuda níntaspti ka úkuspti kurhinda Jeobaeri profetani. Biuda ka imeri sapi jatsisptiksï tʼirekua iámu imani tiempuni enga kʼarhindekua japka ísï eska Jeoba na aiatspipka. Imecheri jarra jarina jatakua ka aseiti jatakua nóksï méni kʼamanhispti.

Tátsekua, kánikua no sési ambe úkuarhispti. Biuda uájpa, xáni uinhamu pʼamenchaspti enga jamberi uarhipka, ka biuda kurhakuspti Elíasini eska jarhuatapiringa. Jimajkani Elíasi  euajkuspti sapini amambani. Kuarturhu ma páspti enga segundu pisurhu japka kʼumanchikuarhu. Tátsekua, kamarhu ma péraspti ka kómarhispti: “Jeoba, jimboetakua, tsítanta tataka sapichuni”. ¿Mítiskiri andisï xáni kʼéri ambepirini eska Jeoba tsítantapiringa? Jimboka asta ima jurhiatikua nótki nema tsíntaxapka. Ka ístu, jimboka biuda ka imeri uájpa nóksï israelitespka.

Jimajkani, tataka sapichu uénaspti jirejtani ka tsíntaspti. Elíasi arhispti biudani: “¡Exe! Chíti sapi tsípiti jarhasti”. Biuda kánikua tsípispti ka arhispti Elíasini: “Iásï kʼóruni sési jimbo mítiskia eskari Tata Diosïri marhuari máeska, ambe engari uandajka Jeobaeri uandakuechestiksï, jimbosï méntkisï kumplirikuarhijti”.