Biblia jurhimbiti uandasïndi ambe enga úkuarhipka ióntki, ka ístu uandasïndi ambe úkuarhia sánderu orhepatini. Kʼuiripuechaksï no úsïndi uandani ambe úkuarhia sánderu orhepatini. Jimbosïchi mítika eska Biblia Tata Diosïriska. ¿Ambe uandasïni Biblia eska úkuarhiaka sánderu orhepatini?

Uandasïndi kʼéri uarhiperakua ma enga Tata Diosïrika. Ini uarhiperakuani jimbo, Tata Diosï kʼamajkuati iámindu no sési jásï ambeni Echerirhu, ka ístu kʼuiripu no sési úrini, peru kuájchakuauati imechani engaksï marhuakujka. Jesukristu, juramuti enga Tata Diosï erakuka, uáti eskaksï iáminduecha engaksï Tata Diosïni marhuakujka jatsiakaksï pínandikua, eskaksï tsípikua jingoni irekaka, ka eskaksï nóteru méni pʼamenchaka o uarhinksï.

¿A no eskachi jatsiska para kánikua tsípini, jimbokachi mítiska eska Tata Diosï jimbanhi sési jándikua ma uaaka Echerirhu? Peruchi jatsiska para ambe ma úni engachi uékaka irekani ini sési jándekuarhu. Ini librurhu, ultimu uandantskuani jimbo jorhenguarhisïngachi ambechi jatsiski para úni, parachi intsïnhani ima ambe enga Tata Diosï íntsauaka imechani engaksï marhuakujka. Ísï jimbo, arhinta Parti OCHUNI ka exe ambe enga Biblia uandajka eska úkuarhiaka sánderu orhepatini.