PARTI 1

Desdeka kueranhaka ambe ma asta K’éri Janikuarhu jamberi

¿Néna uénaski jarhani auanda ka Echeri? ¿Néna uénaski jarhani Jurhiata, Luna, jóskuecha, ka mámaru ambe enga Parhakpinirhu jaka? Biblia jurhimbiti uandantasïndi, eska iámindu ambe Tata Diosï kueraska. Ísï jimbo, i libru uénasïndi uandani na kueranhaski iámindu ambe.

Jorhenguarhisïngachi eska Tata Diosï, ánjilichani uénaska kuerauani ka íksï espirituesti ísï eska ima. Joperu Echeri kueranhasti para jucha, jimbosï Tata Diosï kuerapti Adani ka Ebani ka ireraaspti sési jándekuarhu. Joperu íksï no kurhajchaspti Tata Diosïni ka ísï jimbosïksï uarhiti.

Desde enga Adani kueranhapka asta Kʼéri Janikuarhu jamberi, 1,656 uéxurhini nitamaspti. Iámu indeni tiempuni jimbo irekasptiksï uánikua no sési úricha. Auandarhu jarhasptiksï Satanasi ka imeri ánjili no sési úricha, espirituecha engaksï no xarharajka. Ka Echerirhu irekasptiksï Kaini ka uánikua no sési úricha, ka imecha engaksï ménderueni jáxepka imecheri uinhapikua jimbo. Joperu ístuksï jarhaspti sési úricha... Abeli, Enoki ka Noe. Parti UNUNI jimbo, arhintanchi jauaka ambe engaksï nitamanchapka ka ambe engaksï úkuarhinchapka i kʼuiripuecha.