APOSTULI Pedru ixú anhaxurhitixati, ka inderi tátsepani amiguembechaksï máru jarhasti. Peru, ¿andisï tinguixurhikuni jaki i achaati? ¿Jatsiski para ísï úni? ¿Mítiskiri néski?

I achaati Korneliuesti. Roma anapu sondaduechani juramukuasïndi. Korneliu no mítisti Pedruni, peru arhinhaspti eska pʼímarhipiringa Pedruni imeri kʼumanchikuarhu. Ju exeni néna úkuarhiski i ambe.

Orheta Jesusiri jorhenguarhitichaksï judiuesti, ka Korneliu nómbe. Peru uékasïndi Tata Diosïni, kómarhisïndi ka uánikua ambakiti ambe úkuasïndi kʼuiripuechani. Exe, ma inchatirhu, xarhakusïndi ánjili ma ka arhisïndi: ‘Tata Diosïkini jaiapanhintasïndi, ka mókuchiantauatikini chíti kómarhikuechani. Axa nemani para jirinhani achaatini ma enga arhinhajka Pedru. Simoniri kʼumanchikuarhu jarhasti enga marirhu andamukuni ísï irekaka, jini Jope’.

Korneliu jirejiresï i ambe úsïndi. Pauandikua Pedru, Simoniri kʼumanchikuarhu iótakuarhu jarhasïndi. Jima Tata Diosï úsïndi eska Pedru xanhaskaka enajki kʼéri ma takusï kétsijki auandarhu uératini. Ka jukanharhiasïndi mámaru jásï animalichani. Eska na uandaenga Tata Diosïri juramukua, íksï animalicha nóksï pímbinhasïsti para auantani, peru uandakua ma arhisïndi: ‘Jauara Pedru. Uándiku ka anta’.

‘¡Nómbe!’, uandasïndi Pedru. ‘No méni arhaxaka ikichakueni jásï ambe.’ Peru uandakua arhisïndi: ‘Asï arhi eska ikichakueni jásïska inde ambe enga Tata Diosï pímbinhajkuntakia’. I ambe tanimu uelta ísï úkuarhisïndi. Enga Pedru kurhamarhikuarhini jarhajka ambe arhikuekasïni i ambe, niárasïndiksï ima achaaticha enga Korneliu axaapka paraksï jirinhani Pedruni.

Pedru kétsintasïndi ka uandasïndi: ‘Jiiska ima engajtsï cha jirinhani jaka. ¿Andijtsïsï juki?’. Engaksï achaaticha arhijka eska ánjili ma arhiska Korneliuni eskaksï pʼímarhipiringa Pedruni imeri kʼumanchikuarhu, Pedru uandasïndi eska niuaka imechani jingoni. Pauandikua nirasïndi máru imeri amiguechani jingoni Korneliuni pʼorhembini jini Sesarea.

Korneliu, tánaastia parientechani ka amiguechani. Enga Pedru janojka, Korneliu tinguixurhikusïndi, eskari na újka exeni. Peru Pedru arhisïndi: ‘Jauara, jíjtuni kʼuiripujkueska’. Jo, Biblia xarhatasïndi eska no sési jarhaska tinguixurhikuni kʼuiripuni ma para kómarhini. Jatsiskachi para Jeobantku kómarhini.

Pedru uénasïndi aianguani Tata Diosïri ambe imechani engaksï jima japka. Uandasïndi: ‘Exesïnga eska Tata Diosï jaiapanhiantasïnga iáminduechani engaksï uékaaka marhuakuni’. Ka enga uandani jarhajka, Tata Diosï axasïndi imeri espiritu santuni, ka kʼuiripuecha engaksï jima jaka, úndasïndiksï mámaru jásï idioma uandaani. I ambe ísku pakataasïndi imani judiuechani engaksï Pedruni jingoni jámaenga, jimbokaksï i eratsisïrenga eska Tata Diosï judiuechantku jaiapanhintasïrenga. I ambe jorhendaasïndi eska Tata Diosï no máruechantku sánderu sési exeasïnga eska máteruechani. ¿A no eska sési jarhaska eskachi iáminduecha miántaaka i ambe?