NITAMASÏNDIKSÏ uéxurhinicha... ¡10, 20, 30, 39 uéxurhini! Ka israelitechaksï útasï desierturhu jarhasti. Peru iámindu ini uéxurhinichani jimbo Jeoba kuidarisïndi imeri iretani. Mana jingoni tʼireraasïndi. Jurhiakua, orhekuapasïndi nubi ma jingoni, ka chúrikua, chpiri ma jingoni. Ka nóksï kʼamarhikuarhisïrendi takusïni ka niksï ianhandurhani.

I jindesti orheta kutsï paraksï andangutani 40 uéxurhini engaksï Ejiptu uéakupka. Israelitechaksï ménderu Kadesi jarhastia. Sáno 40 uéxurhini antesi ixuksï jarhaspti engaksï 12 achaticha axanhapka paraksï exeni echeri Kanaani anapuni. Míriami Moisesiri piremba, Kadesi uarhisïndi. Ka ísï eska ióntki, ménderu uénasïndi no sési ambe úkuarheni ixú.

Kʼuiripu no úsïndi itsï exentani. Ka arhisïndiksï Moisesini: ‘Sánderu sésipirindi eskachi uarhipiringia. ¿Andijtsïnisï petanta Ejiptu uératini parajtsïni juani ixú enga xáni kíchakueni jándeka, ka enga nómbe ma jukajka? Ixú no jarhasti trigu, ni jigusï, ni ubecha, ka ni granadecha. No jamberi jarhasti itsï para itsïmaniʼ.

Enga Moisesi ka Aroni nirajkaksï kómarhikua úni tabernakulurhu, Jeoba arhisïndi Moisesini: ‘Tánanta iretani. Jiájkani, iáminduechani japarini uandajpa indeni tsakapuni enga jimini jaka. Ka kánikua itsï uérati para ireta ka para iámindu imeri animalichaʼ.

Ísï jimbo, Moisesi tánantasïndi kʼuiripuni ka arhisïndi: ‘¡Kurhaa je, cha kʼuiripuecha engajtsï no mintsikajka Tata Diosïni! ¿Aroni ka ji pʼitachiakaksïni itsï ini tsakapurhu uératini?’. Jiájkani, Moisesi tsimani uelta atasïndi tsakapuni pirimuni ma jimbo, ka kánikua itsï uérasïndi jima uératini. Kánikua itsï jarhasïndi para iáminduecha ka ístu para animalicha.

Peru Jeoba ikiasïndi Moisesi ka Aronini jingoni. ¿Mítiskiri andi? Jimboka Moisesi ka Aroni uandaspkaksï eska imaksïsï pʼitapiringa itsï tsakapurhu uératini. Peru i ambe Jeobasï úni japti. Ka jimbokaksï Moisesi ka Aroni nóksï jurhimbiti uandantaspka, Jeoba uandasïndi eska kastigariauaka. Jeoba arhiasïndi: ‘Nójtsï cha jindeuaka engajtsï incharaka juchiti iretani, Kanaaniʼ.

Israelitechaksï sóntku uéakuntasïndi Kadesi uératini. No ióni jimbo tátsekua niárasïndiksï Ori juáta jimbo. Jini, juátarhu karhakua, uarhisïndi Aroni. Ka 123 uéxurhini jatirispti enga uarhijka. Israelitechaksï kánikua kómu pʼikuarherasïndi, ka 30 jurhiatikuaksï uerasïndi Aronini jimbo. Iásï Eleasari Aroniri uájpa, niárasïndi jindeni kʼéri saserdoti para Israeli.