Ochu kʼuiripuechajkuksï tsípiti pakaraspti Kʼéri Janikuarhu, joperuksï tátsekua niáraspti mili jimboeni. Ka enga Kʼéri Janikua nitamapkia, 352 uéxurhini tátsekua andajpenuspti Abraani. Jorhenguarhisïngachi néna Tata Diosï íntskuspi Abraanini, uájpani ma enga arhinhapka Isaki, ísï eska na aiakupka. Isaki uájpechaksï tsimanispti, joperu Tata Diosï Jakobuntku erakuspti.

Kʼéspti Jakobueri familiemba, 12 tatakechesptiksï ka máru nanakecha. Diesi Jakobu uájpechaksï, ikiakuspti ermanuemba Joseni ka atarantasptiksï paraka jántspiripiringa Ejiptu. Tátsekua, Jose niáraspti kʼéri juramuti máeni Ejiptu. Enga kʼéri kʼarhingua ma jupka, Jose tsʼéjkuaspti imeri ermanuembechani para exeani útasïksï májkuenispi. Tátsekua iámindu israelitecha, engaksï Jakobueri familiepka mótsisptiksï Ejiptu. I ambe úkuarhispti 290 uéxurhini tátsekua enga Abraani andajpenupka.

Israelitecha 215 uéxurhini irekasptiksï Ejiptu. Enga uarhipkia Jose, niárasptiksï jántspirini Ejiptu. Tátsekua andajpenuspti Moisesi, ka Tata Diosï úraspti para petaantani israelitechani Ejiptu uératini. Parti DOSIRHU mítisïngachi ambe nitamaspi 857 uéxurhini jimbo.