¿MÍTISKIRI dibujurhu anapu uarhitini? Rebeka arhinhasïndi. Ka achati enga Rebeka andarherani jaka, Isakisti. Ka i, Isakiri témbaeuati. ¿Néna úkuarhispi i ambe?

Abraani, Isakiri tátemba, ambakiti uarhiti ma uékasïrendi para Isaki. Abraani no uékasïrendi eska Isaki Kanaani tembuchapiringa, jimbokaksï jima anapu kʼuiripuecha kómarhiasïrengaksï diosï no jurhimbitichani. Ísï jimbo, Abraani uandajpaspti imeri ánchikuarhirini ka arhispti: ‘Uékasïnga eskari niuaka Arani, jini engaksï juchiti parienticha irekaka parari jirinhakuni témba ma Isakini’.

Abraaniri ánchikuarhiri jirejiresï niraspti ireta Arani enga iauani japka, ka páspti diesi kameiuechani. Enga niárani japkia jima enga Abraaniri parienticha irekapka, anhaxurhispti jima enga itsï pʼitanhaenga. Inchatirhuechani, iretarhu anapu uátsïcha jimaksï nirasïrendi itsï pʼitani. Ísï jimbo, Abraaniri ánchikuarhiri arhispti Jeobani kómarhikua ma jimbo: ‘Eska ima uátsï engarini itsï íntskuaka jíndini ka kameiuechani, eska ima jindeuaka engari tʼu erakuaka para Isaki témbaeni’.

Jiájkani niáraspti Rebeka itsï pʼitani. Ka enga ima itsï kurhakupka, ima íntskuspti. Ka ístu pʼitaspti para kameiuechani íntsaani. Kánikua ánchikuarhispti, jimbokaksï kameiuecha kánikua itsïmasïnga.

Enga Rebeka kʼamakupkia, kurhamarhispti Abraaniri ánchikuarhiri néna arhinhasïreni imeri tátemba. Ka ístu kurhamarhispti úpirini pakarani chenemba para mintsikuarhini. Ima arhispti: ‘Juchiti táti Betuelisti, ka ambandisti juchini parari pakarani’. Abraaniri ánchikuarhiri mítispti eska Betueli, Nakoriri uájpespka, enga jindepka Abraaniri ermanuemba. Ísï jimbo, tinguixurhispti ka meiamukua íntskuspti Jeobani jimboka péraspka Abraaniri parientembechani jingoni.

Ima chúrikua, Abraaniri ánchikuarhiri arhispti Betuelini ka ístu Labanini Rebekaeri mímembani, ambe úni niraspi. Íksï tsimarani uandaspti eska Rebeka úpiringa nirani imani jingoni para Isakiri témbaeni. ¿Ambe uandaspi Rebeka engaksï kurhamarhipka? Uandaspti eska jo, eska nípiringa. Ísï jimbo, imani pauandikuaksï jataspti kameiuechani ka kʼuanhatsintasptiksï Kanaani.

Chúrikuesptia engaksï niántapka Kanaani. Ka Rebeka exespti tumbini ma jimesïsï uanaakurhani jarhani. Isakispti. Ima kánikua tsípispti exeni Rebekani. Sara, Isakiri amamba, tanimu uéxurhini ísïsptia enga uarhipka, ka ima útasï kómu pʼikuarherasïrendi. Joperu Isaki niáraspti kánikua uékani Rebekani, ka ísï tsípintaspti ménderu.