¿NORI sáni pʼamojkusïni ini pʼamenchatini? Jobuesti ka inde uarhiti, témbaesti. ¿Mítiskiri ambe arhixaki Jobuni? ‘No sési arhi Tata Diosïni ka mátirku uarhiia.’ Ju exeni andisï ísï arhipi ka néna jimbo Jobu xáni kómu nitamakuarhexapi.

Jobu marhuakusïrendi ka kurhajchasïrendi méntkisï Jeobani. Ka irekaspti ireta Usi, Kanaani no iauani ísï. Jeoba kánikua uékasïrendi Jobuni, peru jarhaspti nema enga ikiakuenga. ¿Mítiskiri néspi?

Satanasi No Ambakitispti. Miánta, eska Satanasi ánjili no sési úri ikiakusïnga Jeobani. I úspti eska Adani ka Eba nóksï kurhajchapiringa Jeobani, ka eratsisïrendi eska úpiringa úni eskaksï iáminduecha no kurhajchapiringa. Peru ¿úspi ísï úni? Nómbe. Miánta eskachi jorhenguarhiskia uánikuecheri engaksï no méni jurajkupka Jeobani. ¿Namuniri miáuasïni?

Enga Jakobu ka Jose uarhipkaksïa Ejiptu, tátsekua iámu Parhakpinirhu Jobujku jindespti enga no méni jurajkupka Jeobani. Jeoba uékasïrendi mítitarani Satanasini eska no úpiringa úni eskaksï iáminduecha no sési úripiringa, ka arhispti: ‘Exe Jobuni. Norini méni jurajkuxati’.

Satanasi arhispti: ‘Nókini jurajkuxati’, ‘jimbokari újchakurasïnga ka jatsisti uánikua ambakiti ambe. Peru engari euantaka, no sésikini arhiati’.

Jimbosï Jeoba arhipti: ‘Ni. Ka euanta. U ambe engari uéjka úkuni. Ka exeakachi abersiekarini no sési arhiaka. Peru exeparini parari no uándikuni’.

Orheta, Satanasi úspti eskaksï máru achaticha sïpakuapiringa Jobuni, uákasïchani, kameiuechani, ka eskaksï karichicha uarhipiringa. Ka uándikuaspti 10 uájpechani kʼéri janikua ma jimbo. Tátsekua no sési jásï ma pʼamenchataraspti. Jobu kánikua kómu nitamaspti. Ísï jimbosï témba arhipti: ‘No sési arhi Tata Diosïni ka mátirku uarhiia’. Peru Jobu no uékaspti. Ístu tanimu engaksï uandaenga eskaksï amiguembaespka, arhisptiksï eska ima no sési ambe úspka. Peru Jobu no jurajkuspti Jeobani.

I ambe sési pʼikuastaspti Jeobani, ka tátsekua Jeoba ménderu újchakurantaspti eska na xarharajka dibujurhu. Ambakerantaspti. Jobu ménderu 10 uájpa sési jarhatichani kánguarhiaspti, ka tsimani uelta sánderu karichichani, kameiuechani ka ueechani enga uénakuarhu jatsipka.

¿Marhuakuari méntkisï Jeobani ísï eska Jobu? Engari ísï úska, ístukini Tata Diosï újchakurati. Uákari irekani para méntkisï enga Echeri sési jándentakia ísï eska Edenirhu.