JOSE 17 uéxurhini jatirispti enga ireta Ejiptu pánhapka. Jiniksï Egiptu, Potifariniksï atarakuntasïndi. Potifari, Faraonini jingoni ánchikuarhisïndi, enga Ejiptu juramujka.

Jose uinhamu ánchikuarhikusïndi Potifarini. Ísï jimbo, enga Jose kʼérijkia, Potifari maiordomu úsïndi imeri kʼumanchikuarhu. Jiájkani, ¿Jose andisï ónhakata jaki? Potifariri témbani jimbo.

Enga Jose sánderu kʼéjkia, sési jásï ma tumbisïndi ka Potifariri témba uékasïndi eska apondiaka imani jingoni. Peru Jose mítisti eska i ambe no sési jarhaska ka no uékasïndi. Potifari témba ikiasïndi. Ka enga uámba janonguajka, chikuanderakusïndi ka arhisïndi: ‘¡Inde no sési úri Jose jíndini jingoni uékaxapti apondini!’. Potifari jakajkukusïndi ka ikiasïndi Joseni jingoni. Ka ónhatarkuarhisïndi.

Kʼataperakuarhu anapu juramuti exesïndi eska Jose sési úriska. Ísï jimbo, íntskusïndi juramukua para kuidariani iáminduechani engaksï ónhakata jarhajka. Ma jurhiatikua Faraoni ikiasïndi imeri koperuni jingoni ka imeri panaderuni jingoni, ka ónhatarkuarhiasïndi. Ma chúrekua, íksï achaticha tsánharhisïndi ambe ma, peruksï no mítisti ambeksï arhikuekasïreni. Pauandikua Jose arhiasïndi: ‘Eiangujtsïni ambejtsï tsánharhiski’. Jiájkani Jose, Tata Diosïri uinhapikua jimbo, úsïndi eianguani ambe engaksï arhikuekaenga tsánharhikuecha.

Jose arhisïndi koperuni: ‘Tanimu jurhiatikua jimbo uéntakari ixú, ka ménderu Faraoniri koperueuakari’. Jimbosï Jose arhijti: ‘Engari uéntaka, uandontskuarhiku Faraonini juchiti ambe, ka jarhuatarini uéntani’. Peru panaderuni arhisïndi: ‘Tanimu jurhiatikua jimbo Faraonikini kachujchakuati’.

Tanimu jurhiatikua jimbo úkuarhisïndi eska na uandapka Jose. Faraoni kachujchakusïndi panaderuni. Peru koperu petanhantasïndi kʼataperakuarhu ka ménderu marhuakusïndi Faraonini. ¡Peru mirikurhisïndi Joseni! No uandontskuarhikusïndi Joseri ambe Faraonini ka Jose ónhakata pakarasïndi.