Sauli niáraspti jindeni orheta juramuti Israeli. Peru Jeoba nóteru jaiapanhintaspti ka Dabidini erakusti para intsïnhani juramukuani enga Sauli jatsipka. Uánikua ambechi jorhenguarhisïnga Dabidiri ambe. Enga Dabidi tumbi máepka, uarhiperaspti Goliatini jingoni. Sánderu tátsekua sïpakuarhikusti Saulini jimboka i enbidiarisïrenga. Jiájkani Abigaili úsïndi ambe ma paraka Dabidi, no no sési jásï ambe uáka.

Ístuchi tátsekua jorhenguarhisïnga uánikua ambe Salomoniri, Dabidi uájperi, ka enga tátsekua pʼipka Dabidiri juramukuani jini Israeli. Orheta tanimu juramuti Israeli anapuecha, juramusïndiksï mándani 40 uéxurhini. Ka enga Salomoni uarhijkia, Israeliri nasioni tsimopurhu arhukurisïndi, ma juramukua norti jarhasïndi ka máteru juramukua suri.

Ante de asiriuecha kʼamajkuani 10 tribu norti anapuechani, íksï 257 uéxurhinksï páxaptia irekani. Jimajkani, 133 uéxurhini tátsekua, juramukua tsimani tribueri suri anapu, ístu kʼamajkunhasïndi. I uelta israelitechaksï Babilonia pánhasïndi. Ísï jimbo, Parti KUATRU jimbo aiangusïndijtsïni uánikua ambakiti ambe enga úkuarhika 510 uéxurhini jimbo.