SAULI ménderu uékasïndi jupikani Dabidini. Ka jimbosï paajti 3,000 sánderu ambakiti sondaduechani paraksï jirinhantani. Enga Dabidi mítijka i ambe, axaasïndi achatichani máru paraksï exeni nani pakara Sauli ima chúrikua. Ka ístu arhiasïndi tsimani sondaduechani: ‘¿Né niua jíndeni jingoni jima enga Sauli jaka?’.

Abisai arhisïndi Dabidini: ‘Ji niuaka’. Abisai, Seruieri uájpesti ka Seruia, Dabidiri pirembaesti. Enga Sauli ka imeri sondaduechaksï kʼuíni jarhajka. Dabidi ka Abisai inchasïndiksï jima. Pásïndiksï lansani ka kʼamukuani engaksï Sauliri éjpurhu japka. No nema exeasïndi ka niksï kurhauani, jimbokaksï iáminduecha kʼuíni jarhasïnga.

Iásï exe Dabidini ka Abisaini. Nirastiksïa ka juátarhuksï jarhasti. Iásï Dabidi, uinhachakusïndi imani enga ejersitu Israeli anapuni juramukujka: ‘Abneri, ¿andirisï no kuájchakujki chíti juramutini? ¡Exe! ¿Nani jarhaski imeri lansa ka imeri kʼamukua?’.

Sauli tsínharhisïndi. Míchakuntasïndi Dabidini ka uandasïndi: ‘¿Tʼuskiri Dabidi?’. ¿Úsïniri exeni Saulini ka Abnerini kétsekua?

Dabidi mókukusïndi: ‘Jo juchiti juramuti’. Ka ménderu arhisïndi: ‘¿Andirinisï uékajki jupikani? ¿Ambekini úchiski? O juramuti, ixú jarhasti chíti lansa. Eska juuaka nema pʼíntani’.

Sauli uandasïndi: ‘No sési úska’. ‘No sési eratsiska ambe ma.’ Dabidi nirasïndi ka Sauli kʼuanhatsintasïndi imeri chenemba. Peru Dabidi uandasïndi: ‘Ma jurhiatikua Saulirini uándikuati, niuaka sïpakuarhini filisteuecheri paisi jimbo’. Ka ísï úsïndi. Dabidi xarhatakuasïndi filisteuechani eska imechani jingoniskia.

Sánderu orhepatini, filisteuechaksï nirasïndi uarhiperani Israelini jingoni. Sauli ka Jonatani uarhisïndiksï uarhiperakuarhu. I ambe kánikua no sési pʼikuastasïndi Dabidini, ka sési jásï ma pirekua úntasïndi, enga arhijka: ‘Kánikua kómu pʼikuarherasïnga tʼungini jimbo, juchiti ermanu Jonatani. ¡Kánikuakini uékasïrenga!’.

Tátsekua Dabidi kʼuanhatsintasïndi Israeli, ireta Ebroni. Jimaksï uarhiperani jarhasïndi imecha engaksï uékajka eska Is-boseti, Sauliri uájpa juramuaka ka imecha engaksï uékajka eska Dabidi juramuaka. Peru Dabidiri sondaduechaksï andasïndi. Dabidi 30 uéxurhini jatiri uénasïndi juramuni. Siete uéxurhini ka terojkani juramusïndi Ebroni. Máru Dabidiri uájpecha engaksï jima andajpenujka, jindestiksï Amnoni, Absaloni ka Adoniasi.

Sánderu orhepatini, Dabidi ka sondaduembecha nirasïndiksï mínguarhini sési jásï ireta Jerusalenini. Joabi máteru Seruieri uájpa orhekuapasïndi uarhiperakuarhu. Ísï jimbo, Dabidi íntskusïndi sésikua para ejersituni juramukuni. Ka Dabidi uénasïndi juramuni Jerusaleni.