Juchiti libru enga Bibliaeri ambe uandajka

Uénakua

I LIBRU uandasïndi uandantskuechani engaksï ísï úkuarheka. Ka pʼitakataksï jarhasti librurhu enga sánderu jukaparhakueka: Bibliarhu. Ixú uandasïndi, desdeka Tata Diosï uénaka kueraani iámindu ambe, asta juchari jurhiatikuecha jamberi. Ístukini eiangusïndi ambe enga Tata Diosï uáka sánderu orhepatini.

Ini libruni jimbo uákari mítini ambe enga Biblia uandajka. Eiangusïndikini ima kʼuiripuecheri engaksï Bibliarhu jataka ka ambe engaksï úpka. Ístu uandasïndi ambakiti eiatsperakuani enga Tata Diosï eiakuaka kʼuiripuechani: irekani para méntkisï sési jándekuarhu ixú Parhakpinirhu.

I libru 116 uandantskuechani jukanharhiasti. Ka arhukukataksï jarhasti ochu parti jimbo. Ka enga uénakuarhijka mándani, jarhasti pájina ma enga uandajka ambe enga jaka imani partini jimbo. Ari uandantskuecha ísïksï jarhasti na enga nitamapapka iámindu ambe. Ísï, uákari mítini ambe úkuarhespi orheta ka ambe úkuarhespi tátsekua.

Uandantskuecha karakataksï jarhasti parachi sóntku kurhanguani. Uánikua sapiraticha uátiksï jandiajku arhiantani. Tátembechaksï exeati eska uájpecha uékaka paraksï mémindu arhikuantani jarhani. Exeakajtsï eska i libru uánikua ambakiti ambe jataska para sapiraticha ka para kʼératicha.

Enga kʼamakurhijkia uandantskua ma, jarhastiksï Bibliarhu anapu textuecha, pʼímarhisïngaksïni arhiantani, jimbokaksï jima pʼitakateska uandantskuecha. Engari kʼamakuakia arhintani ma uandantskuani, ístu arhianta imeri kurhamarhikuechani engaksï jaka jima enga na kʼamarajka uandantskua 116 ka jánguarhi miántani mókuntskuechani.