SANTIAGU ka Judasï Jesusiri mediu ermanuechesptiksï, ka Pedru ka Juanu Jesusiri apostulichesptiksï. Íksï tʼáperani Tata Diosïri sésikua jimbo karasptiksï sieti karakatechani engaksï Karakata Griegaecharhu jaka, ka i karakatechaksï imeri arhinhakuanksï pásïndi né enga karaka. Íksï, karakuarhisti para jarhuatani kristianuechani parakaksï no jurajkupiringa Tata Diosïni ka paraksï no mirikurhini Tata Diosïri Juramukuani.

Jakajkukua xarhatani. No uétarhisïndi uandani eska jatsiska jakajkukua, enga uétarhijka jindesti xarhatani úkuechani jimbo. Isï eska na uandajka Santiagu, eska “jakajkukua no jindesïnga jakajkukua eka nombe úkuechani jingonijka” (Santiagu 2:26). Ima enga nitamajka tsʼéjkukuechani jakajkukua jingoni, imeri jakajkukua sánderu uinhapintasïndi. Ístu, úsïndi jánhaskua kurhakuni Tata Diosïni, mintsikaparini eska íntskuaka. Enga no méni jurajkuaka Jeobani méntkisï jatsiati imeri jeiapanhintskua (Santiagu 1:2-6, 12). Tata Diosï méntkisï jarhuatasïndi imechani engaksï iámindu mintsita jingoni marhuakujka. Isï jimbosï Santiagu uandajti: “Andarhiera je Diosïni, ka imajtuksïni andarhierati chánksïni” (Santiagu 4:8).

Kristianuecha, jatsistiksï para uinhaperantani imeri jakajkukuani paraksï no jámani tsitini no sési jásï ambe ka ni imani ambe engaksï jimbo úpiringa ísku jándi úkuarheni. Judasï jima irekaspti engaksï kʼuiripuecha kánikua no sési jásï ambe uáenga ka engaksï ísku ambe útsperaenga, isï jimbosï uandajti: ‘Sési uarhipi je parajtsï kuájpini ini jakajkukuaniʼ (Judasʌ 3).

Pímbinhasï jángua ma jatsini. Jeoba erokuarhesïndi eska imecha engaksï imani marhuakujka pímbinhasïuakaksï iámindu ambe jimbo. Pedru karaspti: “Pímbinhasïnta je iámindu ambe jimbo [...] jimboka karakata jarhaska: ‘Pímbinhasïnta je jimbokani ji [Jeoba] pímbinhasïskaʼ” (1 Pedru 1:15, 16). Paraksï isï úni, jatsistiksï para Kristueri ejempluni chúngumani jarhani eska na uandajka apostuli Pedru, Kristu jurajkusti ejemplu ma “parakaksï isï jámapiringa eska ima na jámamka” (1 Pedru 2:21). Nájkiruka úkua jukajka kurhajchani Tata Diosïri juramukuechani, enga sánderu jukaparhakueka jindesti eskaksï, “nombe kʼamanharhintskua exekuarhiaka” (1 Pedru 3:16, 17). Pedru ménderu uandasïndi eska kánikua jukaparhakueska jatsini pímbinhasï jángua ma, ka xarhatani úkuechani jingoni eskaksï marhuakuxaka na enga Tata Diosï erokuarhijka, enga jamberi niáraka Jurhiatikua enga Jeoba Jusgarpiaka ka jimbanhi parhakpini enga Jeoba eiatspijka, “jimanga jurhimbitku jánhaka” (2 Pedru 3:11-13).

Uékperakua xarhatani. “Diosï jindes[ti] uékperakua”, isï uandasïndi apostuli Juanu, Jeoba xarhatasti eskajtsïni uékasïnga, jimboka axaska uájpani para íntspeni imeri tsípikuani para jindeni “puátperantskua juchari pekaduecheri”. ¿Ambejtsïni manatasïni úni inde uékperakua? Juanu uandasïndi: “Juchiti ermanuecha engaksïni ji xáni uékajka, ekajtsïni Diosï xáni isï uékajka juchantsïni, jimajkani uétarhisïndi eskaksï juchajtu isï uékperaka máteru ka máteruni jingoni” (1 Juanu 4:8-11). Ma ambe jimbo engachi xarhatani jauaka eskachi uékasïnga juchari ermanuechani, jindesti jarhuaatani ka íntskuani na enga xáni jucha uáka (3 Juanu 5-8).

¿Nénaksï xarhatasïni kristianuecha eskaksï uékasïnga Jeobani? Juanu mókuntasïndi: “Jimboka para Diosïni uékani, jindeska eskaksï uáka eska imajtsïni na juramuchijka, ka no kʼuetsapiti ambesti engajtsïni ima juramuchijka” (1 Juanu 5:3; 2 Juanu 6). Imecha engaksï kurhajchajka Tata Diosïni, mítistiksï eskaksï uáka jatsini Tata Diosïri uékperakuani engaksï jamberi erokuarhini jauaka ‘kóntperatani enga jindeka tsípikua para méntkisïʼ (Judasʌ 21).

(Pʼitakata jarhasti libruecharhu Santiagu, 1 Pedru ka 2 Pedru, 1 Juanu, 2 Juanu ka 3 Juanu ka Judasʌ.)