PARTI 5
Néna sési pájperani parienticha jingoni
“Mintsita jingoni [...] sési kámbera je ka nójtsï teparakuarhitsperani, sino kaxumbitsperani ka no ikiatsperani.” (Kolosasi 3:12)
Enga ma tembuchajka o uambuchani jimbanhi familia ma úkuarhisïndi. Nájkirukajtsï seguirini jauaka uékaani ka respetariuani chári tátichani, iásï ima kʼuiripu enga sánderu jukaparhakueka para cha, jindesti chári achati o uarhiiti. Jamberiksï máru chári familia no káni sési jiókuarhijti ini ambe. Peru Jeobaeri juramukuechaksïni jarhuataati sési pájperani imecha jingoni ka ístu uinhaperaati chári temungurhirikuani.
1 JÁNGUARHINTA JE SÉSI EXEANI CHÁRI PARIENTICHANI
AMBE ENGA BIBLIA UANDAJKA: “Janhanharhi chíti taatini ka chíti nándini” (Efesu 6:2). Na uéjkijtsï xáni jatirinia, méntkisï uétarhiati eskajtsï respetariauaka ka sési kaani chári tátichani. Peru miá je eska chári uarhiitijtu o achatijtu jatsiska para míndakuani tiempu tátembechani. “Ima enga uékpijka, [...] no enbidiarpisïndi”, ísï jimbo asï no sési exe je enga chári uarhiiti o achati sési pájperajka imeri familia jingoni (1 Korintu 13:4; Galasia 5:26).
AMBE ENGAJTSÏ UÁKA ÚNI:
-
Asï méni uanda je: “Chíti familiarini méntkisï arhinchani jarhasïndi” o “Chíti nándi no méni jeiapanhintasïndi ambe engani ji újka”
-
Jánguarhintsï je kurhangukuni chári uarhiitini o achatini
2 XARHATA JE ESKAJTSÏ JUKAPARHARASÏNGA CHÁRI TEMUNGURHIRIKUA
AMBE ENGA BIBLIA UANDAJKA: “Achati jurajkuati imeri tátembani ka imeri amambani, para kúnguarhini imeri uarhiitini jingoni, ka imaksï tsimarani májku kuerpueuatiksï” (Génesis 2:24). Nájkirukajtsï tembuchaakia o uambuchani, jamberiksï chári táticha útasï ísï pʼikuarheraati eskaksïni jatsiska para kuidarini ka uékanksï jukari inchakuni chári temungurhirikuarhu.
Chári jimbo pakaraati exeni na xántsï uékasïni eskaksïni inchakuchiaka ka iatsitakuarhu arhiani. Uákajtsï mátirku arhiani, peru respetu jingoni (Proverbios 15:1). Kaxumbikua, ka tekantskua jarhuataatiksïni parajtsï ambakiti pájperakua ma jatsini chári parienticha jingoni ka parajtsï “tekaatsperantani máteru ka máteruni jingoni, indeni uékperakua jimbo engajtsï jatsika” (Efesu 4:2).
AMBE ENGAJTSÏ UÁKA ÚNI:
-
Engajtsï uandanhiajka jimbokaksïni chári parienticha jukari inchakuchisïnga chári irekuarhu, uandontskuarhi je tsimarani jiáni engajtsï no ikiani jauaka
-
Pakatpera je ambejtsï uá úni enga i ambe úkuarhini jauaka
