Exea achatichani engaksï dibujurhu jaka. Mateuesti, Markusï, Lukasï, Juanu, Pedru, Santiagu, Judasï ka Pablu. Iáminduksï jiáni irekasti enga Jesusi irekapka, ka imeri ambeksï karasti. Ka Bibliarhuksï jarhasti uandantskuecha ka karakatecha engaksï ima karaaka. ¿Uékasïniri sánderu mítini ícheri ambe?...

Tanimu, kʼérati amiguesptiksï Jesusini jingoni, ka imanksï jingoni eianhpisti. Jindesptiksï apostulicha, Mateu, Juanu ka Pedru. ¿Uarhi uandani dibujurhu nákiskiksï?...  Mateu libru ma karasti Jesusiri irekuaeri ambe, ka ístu Juanu. Juanu karasti Jaŋaskuecha (o Apocalipsis) ka tanimu kartechani engaksï Primera, Segunda ka Tersera de Juanu arhinhajka. Apostuli Pedru tsimani kartechani karaasti: Primera ka Segunda de Pedru. Segunda kartani jimbo, apostuli Pedru uandasïndi ma amberi enga kánikua ambakitika. Ima kurhaspti enga Jeoba auandarhu uératini uandapka ka enga uandapka Jesusiri ambe: “I jindesti juchiti sapi. Ji kánikua uékasïnga ka i, kánikuarini sési pʼikuastasïndi”.

Máteruecha engaksï dibujurhu jaka, ístuksï karasti Jesusiri ambe. Ma jindesti Markusï. Jamberi i exepti ambe úkuarhispi engaksï jupikapka Jesusini. Máteru Lukasïspti. I doktorispti, ka peringa kristianu úkuarhipka o Jesusiri chúxapati ísï tátsekua enga Jesusi na uarhipkia.

Tsimani Jesusiri ermanuembecha, engaksï sánderu sapichuepka, ístuksï karasti imeri ambe. ¿Mítiskiri néspiksï?... Dibujurhuksï jarhasti, ka jindesptiksï Santiagu ka Judasï. Orhetaksï no jakajkusïrendi ambe enga Jesusi jorhentpienga. ¡Eratsisïrendiksï eska sánisï loku úkuarhixapkia! Peru tátsekuaksï jakajkuspti ka imeri jorhenguarhitiksï úkuarhispti.

Iásïchi Pablueri ambe uandaaka. ¿Exeskiria dibujurhu? Ante de kristianu úkuarhini, Saulu arhinhasïrendi. Kánikua ikiakuasïrendi kristianuechani ka no sési kaasïrendi. ¿Uékapiriniri mítini néna niáraspi Jesusiri jorhenguarhiri úkuarhini?... Ma jurhiatikua, Damasku niraxapti, ka ma repentku kurhaspti eskaksï auandarhu uératini uandajpaxapka. ¿Né uandajpaxapi? ¡Jesusispti! Ka kurhamarhispti: “¿Andirisï xáni no sési kájki imechani engajtsïni jakajkujka?”. Pablu exespti eska jatsispka para mójtakurhini, ka jimbosï kristianu úkuarhipti. Tátsekua, 14 libruechani karaaspti Bibliarhu, desde karta para Romanuecha asta karta para Ebreuecha.

¿A no eskachi kánikua tsitisïnga pauani pauani arhintani Bibliani?... Jima uánikua uandantskuechaksï jarhasti Jesusiri ambe. ¿A no eskari uékasïnga sánderu jorhenguarhini imeri ambe?...