¿Ambejtsï uaa úni parakaksïni marhuacheaka Biblieri jorhenguarhikua?
Ante dejtsï ueenani jorhenguarhini ini libru jingoni, arhianta je ini ambe. Tátsekua exe je BIDEUNI.
PRIMERA PARTI
Arhianta je párrafuechani. Jarhastiksï kurhamarhikuecha (A) ka Bibliarhu anapu tekstuecha turhipiti jimbo (B) engaksï xarhatajka ambe enga sánderu jukaparhakueka. Exe je eskaksï máru tekstuecha uandasïnga eskajtsï jatsiska para arhiantani.
SEGUNDA PARTI
Primeru párrafurhu, partiiri “Jorhenguarhi je sánderu ambe” uandasïndi ambe engajtsï exeni jauaka (C). Subtituluechaksï xarhatasïndi ambe enga sánderu jukaparhakueka (D). Imani jingoni engaksïni Bibliaeri ambe jorhendani jaka, arhianta je tekstuechani, mókuanta je kurhamarhikuechani ka exea je bideuechani.
BIDEUECHA. Ini rekuadruecharhujtsï exeantauaka bideuechani engaksïni jarhuataaka sánderu sési kurhanguni jorhenguarhikuani. Máru bideuechaksï xarhatasïndi ambe engaksï meru nitamakuarhipka máru kʼuiripuecha. Máteruksï solu xarhatakua máesti enga no ísï úkuarhipka, peru enga nema uaaka ísï nitamakuarhini.
Exea je imajenichani ka ambe engaksï imajenicha xarhatajka (E), ka eratsi je na engajtsï mókuntapiringa partiirhu “Máruksï i ambe uandasïndi” (F).
TERSERA PARTI
Mándani jorhenguarhikua kʼamarasïndi ini particha jingoni “Ambe engachi jorhenguarhika” ka “Ambejtsï jorhenguarhiski” (G). Jatsiku je fecha na engajtsï jatini kʼamaraaka jorhenguarhikua ma. Rekuadrurhu “Ú je ini ambe” jarhasti máru ambe engaksïni jarhuataaka parajtsï ísï úni eskajtsï na jorhenguarhini jauaka (H). Partirhu “Ístu exe je ini ambe” jarhastiksï máteru bideuecha ka artikuluecha engajtsï ístu uaaka exeani ka arhiantani (I).
Na engajtsï uaaka exentani tekstu ma Bibliarhu
Biblia 66 libru jataasti. Tsimopurhu arhukukata jarhasti: Karakata Ebreoarameaecha ka Karakata Griegaecha Kristianecha. Máruksï ístu arhiasïndi Antiguo Testamentu ka Nuebu Testamentu.
Tekstuechaksï arhisïndi náki Bibliaeri librueri jimbo jarhaski (A), kapitulu (B), ka bersikulu o bersikuluecha (C).
Komueska Juanu 17:3 arhikuekasïndi “Juanueri libru, kapitulu 17, bersikulu 3”.
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
