JORHENGUARHIKUA 3
¿Uaajtsï jakajkuni ambe enga Biblia uandajka?
Bibliajtsïni uánikua ambe aiachisïndi ka ístujtsïni arhisïndi néna sési úni ambe ma. Jamberijtsï chá uéjka míteni. Perujtsï úpiringa no seguru jarhani ambe enga Biblia uandajka. ¿Uaachi mintsikani libruni ma enga xáni iónikia enga karanhaka? ¿Marhuajki ambe enga Biblia arhijka eskachi uaaka, ka sési jaki jakajkuni ambe enga uandajka eska úkuarhiaka sánderu orhepani? Uánikuechachi jakajkusïnga eska ísïska ambe enga Biblia uandajka. Pʼímarhisïngaksïni parakajtsï chá mismu exeaka eska ísïska ambe enga Biblia uandajka.
1. ¿Meru ísï úkuarhispi ambe enga Biblia uandajka?
Bibliarhuksï jarhasti “uandakuecha engaksï jurhimbikueka” (Eclesiastés 12:10). Ambe enga Biblia uandajka meru ísï úkuarhispti ka ima kʼuiripuechani enga uandaajka meruksï irekaspti (arhinta je Lukasʌ 1:3 ka 3:1, 2). Uánikuecha engaksï istorieri ambe exejka ka arkeologuecha, exestiksï eska ísïska ambe enga Biblia uandajka kʼuiripuecheri, fechecheri, lugaricheri ka ambe enga úkuarhika.
2. ¿Marhuasïni útasï Biblia, nájkiruka iónikia enga karanhaka?
Biblia someni imani ambe uandasïndi enga ióntki nótki mítenhapka. Komu siensiaeri ambe. Nájkiruka jiánisï enga Biblia karanhaka uánikua kʼuiripu no jakajkuenga ini ambe. Iásï siensia exestia eska ísïska ambe enga Biblia uandajka. Ambe enga Bibliarhu jaka “méntkisï mintsinharhikuesti iásï ka para méntkisï” (Salmo 111:8).
3. ¿Andichisï mintsinharhijki ambe enga Biblia uandajka eska úkuarhiaka sánderu orhepani?
Bibliarhuksï jarhasti profesiecha a engaksï uandajka “imani ambe enga nótki úkuarhini jaka” (Isaías 46:10). Uandaspti uánikua ambe eska úkuarhipiringa ka niárasti ísï úkuarhini ka ístu sésimindu uandasti na enga jánhaskuarhipiringa ini jurhiatikuecha jimbo. Ini jorhenguarhikua jimbo, exeanchi jauaka máru profesiechani engaksï Bibliarhu jaka. Na engaksï kumplirikuarhika i profesiecha ískuksïni pakataati.
JORHENGUARHI JE SÁNDERU AMBE
Ju je exeni na enga sési terukuntajka ambe enga Biblia uandajka imani ambe jingoni enga iásï siensia mítekia ka exeauakachi máru profesiechani engajtsïni ísku pakataaka.
4. Siensia terukuntasïndi imani ambe jingoni enga Biblia uandajka
Ióntki, uánikua kʼuiripuechaksï jakajkusïrendi eska Echerini ambe ma pʼínguxapka. Exe je BIDEUNI.
Jobueri libru, ma 3,500 uéxurhinisïstia enga karanhaka ka exe je ambe enga uandajka. Arhinta je Job 26:7 ka uandontskuarhi je íri ambe:
-
¿Andijtsïnisï ísï pakatajki enga Biblia tʼuini uandengia eska Echerini no ma ambe pʼínguxaka?
Apenasi 200 uéxurhinisïsti enga kurhangunhaka andisï itsï no méni kʼamakurhijki, peru Biblia ma 3,500 uéxurhinisïstia enga tʼuini uandengia i ambe. Arhinta je Job 36:27, 28 ka uandontskuarhi je íri ambe:
-
¿Andiksïnisï ísku pakatajki enga Biblia uandajka eska itsï no méni kʼamakurhisïnga?
-
¿I tekstuecha engajtsï kʼamaraka arhiantani úsïni eskajtsï sánderu mintsikaaka Bibliani?
5. Biblia uandaspti jukaparhakua ambe enga úkuarhipiringa
Arhinta je Isaías 44:27–45:2 ka uandontskuarhi je íri ambe:
-
200 uéxurhini ante de Babilonia kʼamajkunhani, ¿néna uandaspi Biblia eska úkuarhipiringa?
Istoria uandantasïndi eska Siru Persia anapu rei, kʼamajkuspka Babiloniani uéxurhini 539 jimbo ante de Jesúsi. b Úsptiksï eska itsï támisï nipiringa enga iretani uirhipandenga. Tátsekua, úsptiksï inchani ka andani no uarhipeparini, jimbokaksï Babilonia anapu puertecha mítakuarhetini pakaraspka. Jukari 2,500 uéxurhinisïstia enga i ambe úkuarhika ka útasï Babilonia kʼamajkukata jarhasti. Exe je ambe enga Biblia uandapka.
Arhinta je Isaías 13:19, 20 ka uandontskuarhi je íri ambe:
-
¿Néna úkuarhiski ambe enga i profesia uandaenga?
Ísï jarhasti iásï Babilonia, jini Irak
6. Biblia uandasptia ambe enga ini jurhiatikuecha jimbo úkuarhini jaka
Biblia uandasïndi eskachi “últimu jurhiatikuechani jimbo” irekaxaka (2 Timoteo 3:1). Exe je ambe enga uandapka Biblia eska úkuarhini japiringa últimu jurhiatikuecha jimbo.
Arhinta je Mateu 24:6, 7 ka uandontskuarhi je íri ambe:
-
¿Ambe uandaspi Biblia eska úkuarhini japiringa últimu jurhiatikuechani jimbo?
Arhinta je 2 Timoteo 3:1-5 ka uandontskuarhi je íri ambe:
-
¿Néna uandaspi Biblia eskaksï jindeepiringa kʼuiripuecha últimu jurhiatikuecha jimbo?
-
¿Exeskijtsïa chá nemani enga ísïika eska i tekstu na uandajka?
MÁRUKSÏ I AMBE UANDASÏNDI: “Biblia puru kuentosi ambe uandasïndi”.
-
¿Ambe jindeeski enga újka eska chá sánderu mintsinharhiaka Bibliani?
AMBE ENGACHI JORHENGUARHIKA
Istoria, siensia ka profesiechaksï xarhatasïndi eskachi uaaka mintsikani ambe enga Biblia uandajka.
Ambejtsï jorhenguarhiski
-
¿Meru ísï úkuarhiski eska Bibliarhu na uandajka?
-
¿Siensia ambe ka ambe xarhataskia eska ísïiska ambe enga Biblia uandajka?
-
¿Andijtsïsï jakajkujki eska ísï úkuarhiaka eska Biblia na uandajka?
ÍSTU EXE JE INI AMBE
¿Xarhatasïni máru ambe siensia eska no ísïiska ambe enga Biblia uandajka?
“¿Terukuntasïni Biblia siensia jingoni?” (Artikulu ma enga jw.org jimbo jaka)
¿Ambe xarhatasïni eskachi “últimu jurhiatikuechani jimbo” irekaxaka?
“Seisi profesiecha engaksï iásï kumplirikuarhini jaka” (Aianhpiri, 1 de maiu de 2011)
Jorhenguarhi je néna niáraski ísï úkuarhini ambe enga Biblia uandaenga grieguecheri juramukueri ambe.
Exe je na engaksï Bibliarhu anapu profesiecha úpka eska achamasï ma ménderueni eratsepiringa Bibliaeri ambe.
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
