JORHENGUARHIKUA 11
¿Ambejtsï uaa úni paraksïni Biblia úni jarhuatani?
¿Ménisïjtsï uékaxapi úni k’éri ánchikuarhita ma, perujtsï ísï pʼikuarherani eska kánikua úkua jukapiringa? Parajtsï no xáni úkua jukanchani, jamberijtsï sánhani arhipka úni. Májkueni úkuarhisïndi para Bibliani arhintani. Jamberijtsï kurhamarhikuarhiaka: “¿Nani uénaa?”. Ini jorhenguarhikua jimbo, exeakachi ambeksïni jarhuataa parajtsï tsitini arhintani Bibliani ka estudiarini.
1. ¿Andichisï jatsi para pauani pauani arhintani Bibliani?
Ima enga pauani pauani arhintaaka Bibliani o “Jeobaeri leini”, sési nikuati ka tsípikua jingoni irekaati (arhinta je Salmo 1:1-3). Parajtsïni ueenani arhintani Bibliani, uaakajtsï mándani ratku arhintani pauani pauani. Engajtsï sánderu sési míteaka Tata Diosïri Karakatani, sánderujtsï tsitiaka arhintani.
2. ¿Ambeksïni jarhuataa paraksïni marhuacheni ambe engajtsï Bibliarhu arhintaaka?
Parajtsïni marhuacheni ambe engachi arhintaaka Bibliarhu, jatsiskachi para anhaxurhini ka eratsentani ambe engachi arhintani jauaka. No solu uétarhisïndi arhintani Bibliani, sino ístuchi jatsiska para ‘kurhanguntani’ (Josué 1:8). Engajtsï arhintani jauaka, kurhamarhikuarhi je arhini ambe: “¿Ambejtsïni jorhendasïni i bersikuluecha Tata Diosï Jeobaeri ambe? ¿Néna uaa úraani juchiiti irekuarhu? ¿Néna uaa úraani parani máteruechani jarhuataani?”.
3. ¿Néna uaa arhutani tiempu parani arhintani Bibliani?
¿Úkua jukanchasïntsï arhutani tiempu parajtsï arhintani Bibliani? Uánikuechachi úkua jukanchasïnga. Jánguarhintsï je parajtsï no “ísku tiempu tsïtani jarhani” (Efesu 5:16). Parajtsï ísï úni, eratsi je na jatintsï úpirini arhutani tiempu parajtsï arhintani Bibliani. Máruksï xarhentku arhintasïndi. Máteruechaksï sánderu ióndakuarhu, jamberi jiáni engaksï na tʼirejkia ka sánksï mintsikuarhini jarhani. Ka máteruechaksï chúrikua arhintasïndi antedeksï kʼuíni. Ka chá, ¿na jandorajtsï úpirini arhintani?
JORHENGUARHI JE SÁNDERU AMBE
Ju je exeni ambechi uaa úni parachi tsitini arhintani Bibliani. Ixúchi exentaaka máru ambe engajtsïni jarhuataaka sési prepararikuarhini para mándani jorhenguarhikua ka parakajtsïni marhuacheaka i Bibliaeri jorhenguarhikua.
Májkueni eskachi na niárajka anhenchani máteru jásï tʼirekua ma engachi no pʼindeka arhani, ístuchi uaaka niárani tsitini Bibliani arhintani
4. Ambe engajtsï uaaka úni parajtsï tsitini arhintani Bibliani
Jamberi úkua jukaati ueenani arhintani Bibliani. Peru májkueni eskachi na sánhani arhijka anhenchani tʼirekua ma, ístuchi sánhani arhiaka tsitini arhintani Bibliani. Arhinta je 1 Pedru 2:2 ka uandontskuarhi je íri ambe:
-
Engajtsï pauani pauani arhintaska Bibliani, ¿exesïntsï eskajtsï niáraaka tsitini arhintani ka astajtsï uékani sánderu arhintani?
Exe je BIDEUNI parajtsï míteani máru tumbiichani engaksï niáraka tsitini Bibliani arhintani. Tátsekua uandontskuarhi je íri ambe:
-
¿Náki ójkutakuechanksï úski orhepani uérakuani tumbiichani engaksï bideurhu xarharajka?
-
¿Ambe jarhuataaski paraksï no kuatantani?
-
¿Ambeksï úski paraksï tsitini Bibliani arhintani?
Ambe engajtsï uaaka úni:
-
Imani Bibliani arhinta je enga mintsinharhikueka ka enga iásï anapu uandakuechani úraajka. Tsʼéjku je enga jaka chaari idioma jimbo.
-
Uaakajtsï relatuechani ueenani arhiantani engajtsï sánderu tsitiajka. Ini ambejtsï exentaaka tablarhu “Ambe engajtsï uaaka úni parajtsï ueenani Bibliani arhintani”.
-
Anotaripa je ambe engajtsï arhintaaka. Úra je ini tablani “Ambe engani arhintaaka Bibliarhu” ini librurhu jarhasti.
-
Úra je aplikasionini JW Library®. Engajtsï késkuska chaari telefonurhu o tabletarhu, uaakajtsï kurhaani o arhintani Bibliani nani uéjkisïjtsï jarhani.
-
Úra je partini enga jindeeka apendise enga Traducción del Nuevo Mundo jimbo jaka. Jimintsï exeantauaka mapechani, tablechani ka glosariu ma engaksïni jarhuataaka tsitini Bibliani arhintani.
5. Prepararikuarhi je, méni engajtsï jorhenguarhiaka Bibliaeri ambe
Arhinta je Salmo 119:34 ka uandontskuarhi íri ambe:
-
¿Andisï orheta uétarhijki kómarhikua ma úni ante de ma ueenani Bibliani arhintani o prepararikuarhini?
¿Ambejtsï uaa úni paraksïni marhuacheni méni engajtsï jorhenguarhiaka? Engajtsï ini libru jingoni jorhenguarhini jaka, jánguarhinta je ini ambe úni:
-
Arhianta je iámindu párrafuechani engaksï ueenakuarhu jaka mándani jorhenguarhikua jimbo.
-
Jirinhantaa je tekstuechani, arhianta je ka terukutanta je informasioni jingoni engajtsï exeni jaka.
-
Markari je ambe enga mókuntajka mándani kurhamarhikuani. I ambeksïni jarhuataati jiáni engajtsï jorhenguarhini jauaka chaari jorhentpiri jingoni.
¿Mítespijtsï ini ambe?
Jeobaeri testiguechachi uánikua Bibliaechani úraaskia, peruchi sánderu tsitisïnga Traducción del Nuevo Mundo jimboka iámindu ambe jurhimbitku uandantasïnga ka sési kurhanguarhini ka úrasïndi Tata Diosïri nombrini (exe je ini artikuluni enga jw.org jimbo jaka: “¿Jatsikuarheskiksï Jeobaeri testiguecha Biblia ma engaksï ima úka?”).
MÁRUKSÏ I AMBE UANDASÏNDI: “Kánikua úkua jukasti Bibliani arhintani. No tsitisïnga arhintani ka ístuni no jatsiska tiempu”.
-
Ka ¿chá na exesïni?
AMBE ENGACHI JORHENGUARHIKA
Paraksïni marhuacheni ambe engajtsï arhintaaka Bibliarhu, exe je na jandorajtsï uaa arhintani, kurhaku je Tata Diosïni eskaksïni jarhuataaka kurhanguni ambe engajtsï arhintaaka ka sési prepararikuarhi je para jiáni engaksïni niuaka Bibliaeri ambe jorhendani.
Ambejtsï jorhenguarhiski
-
¿Ambeksïni jarhuata paraksïni marhuacheni ambe enga Biblia uandajka?
-
¿Na jandorajtsï úpirini arhintani ka estudiarini Bibliani?
-
¿Andisï uétarhijki eskajtsï prepararikuarhiaka ante dejtsï jorhenguarhini?
ÍSTU EXE JE INI AMBE
Ménderu exe je ambe engaksïni uaaka jarhuatani paraksïni marhuacheni ambe enga Biblia uandajka.
Exe je tanimu ambe na engajtsï uaaka arhintani Bibliani.
Exe je nénajtsï uaa tsitini Bibliani arhintani.
Exe je ambe engaksï úkia máru engaksï ióni arhintakia Bibliani.
Néna jorhenguarhini Biblieri ambe ka úni eskajtsïni marhuacheaka (2:06)
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
