Jesúsi uandaspti eskaksï kristianuecha jatsiska para itsï atakuarhini (arhinta je Mateu 28:19, 20). ¿Peru ambeeski itsï atakuarhini? ¿Ka ambe jatsiski para úni kʼuiripu ma para úni itsï atakuarhini?

1. ¿Ambeeski itsï atakuarhini?

Uandakua itsï atakuarhini uandakua máesti enga griegu jimbo jaka enga arhikuekajka “inchamani”, i ambe arhikuekasïndi iámu inchameni itsïarhu. Enga Jesúsi itsï atakuarhipka, inchamasptiksï riu Jordánirhu, ka tátsekua ‘uémintaspti itsïarhu’ (Markusʌ 1:9, 10). Májkueni, engaksï kristianuecha itsï atakuarhijka, iámuksï inchamaasïndi itsïarhu.

2. ¿Ambe xarhatasïni kʼuiripu ma enga itsï atakuarhijka?

Enga nema itsï atakuarhijka, xarhatasïndi eska aiakukuarheskia Tata Diosï Jeobani. ¿Ambe jatsiski para úni nema enga uékajka aiakukuarheni Tata Diosï Jeobani? Jatsisti para kómarhikua ma jimbo arhini Tata Diosïni eska uékasïnga méntkisï imani marhuakuni. Ka ini ambe jatsisti para úni ante de itsï atakuarhini. Ini kómarhikua jimbo, kʼuiripu aiakusïndi Tata Diosï Jeobani eska imantkusï kómarhiaka ka eska ambe enga sánderu jukaparhakueuaka imeeri irekuarhu jindeuaka úni ambe enga ima uéjka. Ístu, uékasïndi májkueni úni eska Jesúsi ka imani ambe enga ima jorhentpipka, jimboka Jesúsi uandaspka: “Enga nemarini uékajka chúxapani, ísku exekuarhie, [...] ka juuerini chúxapuni” (Mateu 16:24). Enga nema aiakukuarhejka Tata Diosïni ka itsï atakuarhini, i ambe úsïndi eska ambakiti pájperakua ma jatsiaka Tata Diosï Jeoba jingoni ka máteruecha jingoni engaksï ístu Tata Diosï Jeobani kómarhijka.

3. ¿Ambe jatsiski para úni kʼuiripu ma ante de itsï atakuarhini?

Engajtsï chá uéjka itsï atakuarhini, orhetajtsï jatsiska para jorhenguarhini Tata Diosï Jeobaeri ambe ka mintsikani imani (arhinta je Ebreu 11:6). Engajtsï sánderu míteaka ka sánderu mintsikani Tata Diosï Jeobani, niáraakajtsï sánderu xénchani. Ka i ambe uaati eskajtsï uékaaka aianhpini ka ísï irekani eskaksï Bibliaeri juramukuecha na uandajka (2 Timoteo 4:2; 1 Juanu 5:3). Enga kʼuiripu ma ísï irekaakia “eska na terukuntajka para k’éri ambe arhini juchaari” Tata Diosï Jeobani, jamberi uékaatia aiakukuarheni Tata Diosïni ka itsï atakuarhini (Kolosasi 1:9, 10). a

 JORHENGUARHI JE SÁNDERU AMBE

4. Ambe engajtsïni jorhendajka enga Jesúsi itsï atakuarhipka

Parajtsï míteni sánderu ambe enga Jesúsi itsï atakuarhipka, arhinta je Mateu 3:13-17. Tátsekua uandontskuarhi je íri ambe:

• Enga Jesúsi itsï atakuarhipka, ¿charhaku máespi?

• ¿Nomasiksï sanititu itsï atajtsïkuspi? Jiájkani, ¿néna itsï atakuarhispi?

Enga Jesúsi itsï atakuarhipka, ueenaspti úni imani ambakiti ánchikuarhitani enga Tata Diosï arhipka eska úpiringa. Arhinta je Lukasʌ 3:21-23 ka Juanu 6:38, ka uandontskuarhi je íri ambe:

• Enga Jesúsi itsï atakuarhipkia, ¿náki ánchikuarhitani sánderu jukaparharaspi?

5. Itsï atakuarhini jindeesti ambe ma engajtsï uaaka úni

Jamberijtsï chéni pʼikuarheraaka eratseni aiakukuarheni Tata Diosï Jeobani ka itsï atakuarhini. Peru engajtsï seguiriska sánderu jorhenguarhini Tata Diosï Jeobaeri ambe ka sánderu sési míteni, segurujtsï jauaka parajtsï ini ambe úni enga xáni jukaparhakueka. Parajtsï míteani máru kʼuiripuechani engaksï ísï úkia, exe je BIDEUNI.

Arhinta je Juanu 17:3 ka Santiagu 1:5, ka uandontskuarhi je íri ambe:

• ¿Ambe uaa jarhuatani nemani para listu jarhania para itsï atakuarhini?

1. Aiakukuarhesïngachi Tata Diosï Jeobani engachi arhijka eskachi uékasïnga méntkisï imani marhuakuni.

2. Engachi itsï atakuarhijka, xarhatasïngachi uánikuechani japarini eskachi aiakukuarheskia Tata Diosïni.

 6. Engachi itsï atakuarhijkia niárasïngachi Jeobaeri familia jingoni kuenta úkuarhini

Engachi itsï atakuarhijka, niárasïngachi familia ma jingoni kuenta úkuarhini enga interu parhakpinirhu jaka ka májku k’éri. Nani uéjkichi anapueni o ambe engachi ióntki úpka, iáminduechachi májku ambe jakajkusïnga ka ísïchi irekasïnga eska Biblia na uandajka. Arhinta je Salmo 25:14 ka 1 Pedru 2:17, ka uandontskuarhi je íri ambe:

• Eskaksï na arhijka i tekstuecha, ¿nénajtsïni marhuachesïni itsï atakuarhini?

 AMBE ENGACHI JORHENGUARHIKA

Jesúsi uandaspti eskaksï kristianuecha jatsiska para itsï atakuarhini. Ka parachi ísï úni jatsiskachi para kánikua mintsikani Tata Diosï Jeobani, úni eskaksï imeeri juramukuecha na uandajka ka aiakukuarheni imani.

Ambejtsï jorhenguarhiski

• ¿Ambe arhikuekasïni itsï atakuarhini ka andisï xáni jukaparhakue?

• ¿Ambe xarhatani jarhasïni nema enga itsï atakuarhijka?

• ¿Ambe uétarhisïni eska uaaka kʼuiripu ma ante de aiakukuarheni Tata Diosï Jeobani ka itsï atakuarhini?