JORHENGUARHIKUA 28
Xarhata je eskajtsï jukaparharasïnga ambe enga Jeoba ka Jesúsi úka chánksïni jimbo
¿Nájtsï pʼikuarherasïni engaksïni chaari amigu ma sési jásï regalu ma íntskujka? Jamberijtsï sési pʼikuarherajka ka uékantsï xarhatakuni eskajtsï jukaparharasïnga imani regaluni. Tata Diosï Jeoba ka Jesúsijtsïni sánderu ambakiti regalu ma íntskusti enga jindeeka: euajpintskua. Ju je exeni nénachi uaa xarhatani eskachi jukaparharasïnga ini regaluni.
1. ¿Nénachi uaa xarhatani eskachi jukaparharasïnga ambe enga Tata Diosï ka Kristu úka juchantsïni jimbo?
Bibliajtsïni aiachisïndi “né enga [Jesúsini] mintsikajka” uaati irekani para méntkisï (Juanu 3:16, TDU). ¿Nénachi xarhatasïni eskachi mintsikasïnga Jesúsini? No solu jakajkuparini imani, sino ístu imani ambe jingoni engachi újka (Santiagu 2:17). Engachi xarhatajka eskachi mintsikasïnga Jesúsini juchaari uandakuecha ka úkuecha jingoni, sánderuchi ambakiti pájperakua ma jatsisïnga Jesúsi jingoni ka ístu imeeri Taati jémba jingoni, Tata Diosï Jeoba (arhinta je Juanu 14:21).
2. ¿Kánchi úsïni xarhatakuni Tata Diosï Jeobani ka Jesúsini eskachi jukaparharasïnga ambe engaksï úka juchantsïni jimbo?
Ima chúri ante de uarhini, Jesúsi arhiaspti imeeri chúxapatichani máteru ambe engaksï úpiringa úni paraksï xarhatani eskaksï jukaparharasïreenga enga ima íntspipiringa imeeri tsípikuani. Jesúsi uaxastasti ambakiti ambe parachi miántani, enga Biblia arhijka ‘Tateeri Sena’ ka enga ístu mítekateka komueska Jesúsiri uarhikueri Miántskua (1 Korintu 11:20). Jesúsi uaxastasti ini miántskuani parakaksï imeeri apostolicha ka ístu máteru kristianuecha engaksï japiringa miántapiringa eska ima íntspiska imeeri tsípikuani kʼuiripuecha jimbo. Enga Jesúsi uandani japka ini miántskueri ambe, juramuspti: “Ú je ini ambe jíntsïni miántsparini” (Lukasʌ 22:19). Engajtsï chá nirajka Jesúsiri uarhikueri Miántskuarhu, xarhatantsï jarhasïnga eskajtsï jukaparharasïnga na engajtsïni xáni xénchajka Tata Diosï Jeoba ka Jesúsi.
JORHENGUARHI JE SÁNDERU AMBE
Ju je exeni máteru ambe engachi jimbo uaaka xarhatani eskachi jukaparharasïnga na engajtsïni xáni xénchajka Tata Diosï Jeoba ka Jesúsi. Ka ju je exeni na enga xáni jukaparhakueka Jesúsiri uarhikueri Miántskua.
3. Nénachi uaa xarhatani eskachi jukaparharasïnga ambe enga Tata Diosï Jeoba ka Jesúsi úka juchantsïni jimbo
Eranhaska je eskajtsï aogarikuarini jarhasïnga ka nemaksïni pʼímantani parajtsï no uarhini. ¿Sóntkujtsï mirikurhipirini ambe enga ima kʼuiripu úka chánksïni jimbo? ¿Ojtsï úpirini ambe ma parajtsï xarhatani eskajtsï jukaparharasïnga ambe enga ima kʼuiripu úka chánksïni jimbo?
Juchachi irekaxaka Tata Diosï Jeobani jimbo. Arhinta je 1 Juanu 4:8-10 ka uandontskuarhi je íri ambe:
-
¿Andisï xáni ambakiti regalu máe enga Jesúsi uarhika juchantsïni jimbo?
-
¿Nájtsï pʼikuarherasïni eratseni imani ambe enga Tata Diosï Jeoba ka imeeri Uájpa úka chánksïni jimbo?
¿Nénachi uaa xarhatani eskachi jukaparharasïnga ambe enga Tata Diosï Jeoba ka Jesúsi úka juchantsïni jimbo? Arhinta je 2 Korintu 5:15 ka ístu 1 Juanu 4:11 ka 5:3. Engajtsï na arhiantauakia mándani bersikuluechani, uandontskuarhi je íri ambe:
-
¿Nénachi uaa xarhatani eskachi jukaparhasïnga ini ambe?
4. Májkuenchi úsïnga eska Jesúsi
Máteru ambe engachi uaaka úni parachi xarhatani eskachi jukaparharasïnga ini ambe, jindeesti ísï úni eska na úpka Jesúsi. Arhinta je 1 Pedru 2:21 ka uandontskuarhi je íri ambe:
-
¿Nénajtsï úpirini chá májkueni ambe úni eska Jesúsi?
Jesúsi xénchasïreendi Tata Diosïri Karakatani, aianhpisïreendi ambakiti aianhperakuani ka jarhuataasïreendi kʼuiripuechani.
5. Miántasïngachi Jesúsiri uarhikuani
Parajtsï míteni ambe enga úkuarhipka engaksï primeru xanhari úpka Tateeri Senani, arhinta je Lukasʌ 22:14, 19, 20. Tátsekua uandontskuarhi je íri ambe:
-
¿Ambe úkuarhispi Tateeri Senarhu?
-
¿Ambeksï arhikuekasïni kurhinda ka binu? (Exea je bersikuluechani 19 ka 20).
Jesúsi uékasïreendi eskaksï imeeri chúxapaticha úntapiringa Tateeri Senani mándani uéxurhini, meru ima jurhiatikua enga ima uarhipka. Jimbochisï Jeobaeri testiguecha mándani uéxurhini tánguarhintajka parachi miántani Jesúsiri uarhikuani, ka ísïchi úsïnga ísï eska ima na uaxastapka. Parajtsï míteni na enga úkuarhijka i tánguarhikua enga xáni jukaparhakueka, exe je BIDEUNI. Tátsekua uandontskuarhi je íri ambe:
-
¿Ambe úkuarhisïni Jesúsiri uarhikueri Miántskuarhu?
Kurhinda ka binu arhikuekasïndiksï ambe ma. Kurhinda, Jesúsiri kuerpu pímbinhasïni arhikuekasïndi enga íntspipka juchantsïni jimbo. Ka binu, imeeri iurhirini arhikuekasïndi.
MÁRUKSÏ I AMBE UANDASÏNDI: “Parachi pʼímutantskata uérani, solu uétarhisïndi jakajkuni Jesúsini”.
-
¿Nénajtsï úrapirini chá ambe enga uandajka Juanu 3:16 ka Santiagu 2:17 parajtsï xarhatani eska ístu uétarhisïnga úni máteru ambe?
AMBE ENGACHI JORHENGUARHIKA
Xarhatasïngachi eskachi jukaparharasïnga ambe enga Jesúsi úka juchantsïni jimbo, engachi mintsikajka imani ka engachi nirajka Jesúsiri uarhikueri Miántskuarhu.
Ambejtsï jorhenguarhiski
-
¿Nénachi xarhatasïni eskachi mintsikasïnga Jesúsini?
-
¿Uékasïntsï xarhatakuni Tata Diosï Jeobani ka Jesúsini eskajtsï jukaparhasïnga ambe engaksï úka chánksïni jimbo? ¿Ka nénajtsï úpirini ísï úni?
-
¿Andisï xáni jukaparhakue nirani Jesúsiri uarhikueri Miántskuarhu?
ÍSTU EXE JE INI AMBE
Jesúsiri uarhikua, ¿ambe úsïni eskachi uékaaka úni?
Jesúsi k’éri ambe arhisti Jeobani imeeri kuerpu jingoni (9:28)
Jorhenguarhi je nénajtsï uaa xarhatani eskajtsï mintsikasïnga Tata Diosïni.
“Ju je mintsikani ambe engajtsïni Tata Diosï Jeoba aiachijka” (Aianhpiri, oktubri de 2016)
Uarhiiti ma mójtakuspti na enga irekapka enga kurhangupka ambe enga arhikuekajka Jesúsiri uarhikua. Arhinta je imeeri eksperiensiani enga arhinhajka “Iásï limpia pʼikuarherasïngia ka pínandikua jingoni irekaxakaia”.
“Biblia jarhuataasti mójtakuni irekua” (Aianhpiri, 1 de agostu de 2011)
Exe je andiksïsï namunitkue engaksï arhajka kurhinda ka binuni, Jesúsiri uarhikueri Miántskuarhu.
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
