JORHENGUARHIKUA 48
Sési erakua je chaari amiguechani
Ambakiti amiguechaksï úsïndi eskachi tsípikuarhiaka. Ka jarhuatasïndijtsïni engachi uandanhiatechani jatsiajka. Peru jingontku je, Biblia arhisïndi eskaksï no iáminduecha uaaka ambakiti amigueni. Jimajkani, ¿nénachi uaa ambakiti amiguechani erakuani? Exea je arini kurhamarhikuechani.
1. ¿Nénaksïni uaa jarhuatani o no sési úchini chaari amiguecha?
Sáno méntkisï, imani ambechi úsïnga engaksï ima kʼuiripuecha újka engachi jingoni pájperajka ka uaati jindeeni sési ambe o no sési ambe. Ka i ambe ísï úkuarhisïndi ia sea engachi kúnguarhiaka imeecha jingoni o engachi pájperaaka imeecha jingoni Interneti jimbo, jimboka Biblia uandasïnga: “Ima enga jánhastiicha jingoni jámajka, jánhasti úkuarhiati, peru ima enga no ambarhatichani jingoni jámajka [kʼuiripuecha engaksï no xénchajka Jeobani] no sési nikuati ” (Proverbios 13:20). Ima amiguecha engaksï marhuakujka ka xénchani Tata Diosïni, uaatiksïni jarhuatani parajtsï sánderu andarhierani imani ka ambakiti ambejtsï erakuni úni. Peru engajtsï chá sési pájperaska imani kʼuiripuecha jingoni engaksï no jaka kúnguarhikuarhu, uaatiksï úni eskajtsï jarhariaka Tata Diosï Jeobani. Jimbojtsïnisï Biblia arhijti eskachi sési erakuauaka juchaari amiguechani. Engaksï juchaari amiguecha xénchajka Tata Diosïni, sésijtsïni nichesïndi. Ka engachi ísï újka, kurhajchanchi jarhasïnga ini konsejuni: Seguiri je “uinhaperperantani máteru ka máteruni jingoni” (1 Tesalonika 5:11).
2. ¿Na exeasïni Tata Diosï Jeoba imani amiguechani engajtsï chá erakuajka?
Tata Diosï Jeoba sési erakuasïndi imeeri amiguechani. Asta niárasïndi “kánikua sési pájperani imeecha jingoni engaksï jurhimbitku jámajka” (Proverbios 3:32). ¿Néna pʼikuarherapirini Tata Diosï Jeoba engachi imeecha jingoni kúnguarhipiringa engaksï no xénchajka imani? ¡Kánikua no sési pʼikuarherapirindi! (Arhinta je Santiagu 4:4). Máteru ambe, Tata Diosï Jeoba sési pʼikuarheraati ka uékaati juchaari amigueni engachi no kúrhiaska imeechani engaksï no xénchajka imani (Salmo 15:1-4).
JORHENGUARHI JE SÁNDERU AMBE
Ju je exeni andisï jukaparhakue eskachi sési erakuauaka juchaari amiguechani ka nénajtsï uaa chá imani amiguechani jatsiani engaksïni jarhuataaka.
3. Jingontku je parajtsï no imeecha jingoni pájperani engaksï no sési ambe újka
I kʼuiripuechaksï no xénchasïndi Tata Diosïni niksï kurhajchaajki imeeri juramukuechani. Exe je BIDEUNI ka uandontskuarhi je íri ambe:
-
¿Nénachi úpirini imani amiguechani jatsiani engaksï no sési ambe újka ka nóchi kuenta íntskukuarheni?
Arhinta je 1 Korintu 15:33 ka uandontskuarhi je íri ambe:
-
Para chá, ¿nákiksï úpirini jindeeni no ambarhati amiguecha? ¿Andi?
Arhinta je Salmo 119:63 ka uandontskuarhi je íri ambe:
-
¿Ambe xarhatapirini eska nema ambakiti amigu máeska?
Mansana tereri ma, uaati tereraani iámindu máteru mansanechani. Ka chánksïni, ¿nénaksïni úpirini no sési úchini ima amiguecha engaksï no sési ambe újka?
4. Uaatiksï juchaari amigueni mámaru járhati kʼuiripuecha
Biblia uandasïndi Dabidiri ka Jonataniri engaksï Israeli irekapka. Nájkirukaksï no májkueni jatiripka niksï májkueni irekani, kánikuaksï sési pájperasïrendi. Arhinta je 1 Samuel 18:1 ka uandontskuarhi je íri ambe:
-
¿Andiksïsï no iámindu amiguecha jatsi para májkueni jatirini eska jucha oksï májkueni ambe jatsikuarheni?
Arhinta je Roma 1:11, 12 ka uandontskuarhi je íri ambe:
-
¿Nénaksï uinhaperperantasïni amiguecha engaksï xénchajka Tata Diosï Jeobani?
¿Néna úspi tumbi ma, exeantani amiguechani nani enga no erokuarhienga? Exe je BIDEUNI ka uandontskuarhi je íri ambe:
-
¿Andiksïsï Akiliiri taati jémbeecha uandanhiaueni imeeri amiguecha jimbo enga ima eskuelarhu míteapka?
-
¿Andisï Akili tsitieni imeecha jingoni jarhani?
-
¿Ambe úspi paraka nóteru jandiajku pʼikuarherapiringia?
5. ¿Nénachi uaa ambakiti amiguechani jatsiani?
Exe je nénachi uaa ambakiti amiguechani exeantani ka ístu nénajtsï uaa chá ambakiti amigu máeni. Exe je BIDEUNI.
Arhinta je Proverbios 18:24 ka 27:17, ka uandontskuarhi je íri ambe:
-
¿Nénaksï jarhuajperasïni ambakiti amiguecha?
-
¿Xárhati amiguechantsï jatsiaski eska na uandajka Proverbios? Enga no ísïika, ¿ambejtsï uaa úni parajtsï xárhati amiguechani jatsiani?
Arhinta je Filipusʌ 2:4 ka uandontskuarhi je íri ambe:
-
Parajtsï ambakiti amiguechani jatsiani, chájtsï jatsiska para ambakiti amigu máeni. ¿Nénajtsï uaa ísï úni?
Parajtsï ambakiti amiguechani jatsiani, chájtsï jatsiska para ambakiti amigu máeni.
MÁRUKSÏ I AMBE UANDASÏNDI: “Parani no jandiajku pakarani, seguiriuaka ini amiguecha jingoni”.
-
¿Chá na exesïni ini ambe?
AMBE ENGACHI JORHENGUARHIKA
Engachi sési erakuajka juchaari amiguechani, sésijtsïni nichesïndi ka sésichi pʼikuastasïnga Tata Diosï Jeobani.
Ambejtsï jorhenguarhiski
-
¿Andisï jukaparhakue para Tata Diosï Jeoba na engachi járhati amiguechani erakuajka?
-
¿Na járhati kʼuiripuecha jingonchi no jatsiska para pájperani?
-
¿Nénajtsï uaa sési pájperani ambakiti kʼuiripuecha jingoni?
ÍSTU EXE JE INI AMBE
Exe je na engajtsïni uaaka jarhuatani ambakiti amiguecha jiáni engachi uandanhiatechani jatsiauaka.
“Ju je sánderu sési pájperani ante de sánderu no sési jánhaskuarhini” (Aianhpiri nobiembri de 2019)
Exe je ambe engachi uaaka úni parachi ambakiti amiguechani jatsiani.
¿Ambechi jatsipirini para míteni amiguecheri engachi Interneti jimbo míteaka?
Parajtsï míteni andisï acheeti ma mójtakuapi imeeri amiguechani, arhinta je eksperiensiani “Kánikua uékasïreenga jatsini taatini ma”.
“Biblia jarhuataasti mójtakuni irekua” (Aianhpiri, 1 de abrili de 2012)
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
