Engajtsïni Tata Diosï Jeoba kueraaka, ambakiti regalujtsïni ma íntskusti: úni uandani. ¿Tata Diosï Jeoba jukaparharasïni na engachi úrajka ini regaluni? ¡Jo! (Arhinta je Santiagu 1:26). Jiájkani, ¿nénachi uaa úrani ini regaluni ísï eska Tata Diosï Jeoba na jaiapanhentajka?

1. ¿Nénachi uaa sési úrani ini regaluni engajtsïni Tata Diosï Jeoba íntskuka?

Bibliajtsïni arhisïndi eskachi seguiriuaka “uinhaperperantani máteru ka máteruni jingoni” (1Tesalonika 5:11). ¿Míteskijtsï nemani enga uétarhinchani jaka eska nema uinhaperantaaka? ¿Uaajtsï úni ambe ma chá para jarhuatani? Arhi je na engajtsï xáni jukaparharajka. Jamberijtsï úpiringa arhini ambakiti ambe enga ima újka. ¿Miáxakijtsï Bibliarhu anapu tekstu ma enga úpiringa jarhuatani nemani enga chá míteka? Uánikuaksï jarhasti. Ístu, miá je eska na engajtsï arhiaka ambe ma nemani uaaka kánikua uinhaperantani. Ísï jimbo, jánguarhinta je méntkisï iatsitakuarhu uandani ka respetu jingoni (Proverbios 15:1).

2. ¿Nénachi no jatsiski para uandani?

Biblia arhisïndi: “Asï uanda je ni ma uandakua enga no sési jásïika” (arhinta je Efesu 4:29). I ambe arhikuekasïndi eskachi no jámaaka ikichakueni jásï ambe uandani ni imani ambe enga no sési pʼikuastauaka máteruechani. Ístu, nóchi jatsiska para no se ambe uandani máteruecheri ambe ni chkuanderakua ambe parachi no sési pakatani nemani (arhinta je Proverbios 16:28).

3. ¿Ambejtsïni jarhuataa parachi imani ambe uandani enga uinhaperantauaka máteruechani?

Ambe engachi uandajka xarhatasïndi ambe engachi eratsejka ka pʼikuarherani (Lukasʌ 6:45). Ísï jimbo, jatsiskachi para pʼindeni imani ambe eratseni enga uinhaperantauaka máteruechani, enga jindeeka jurhimbikua ambe, enga pímbinhasïka, enga sési arhikata ambeuaka ka enga xarhataaka uékperakua (Filipusʌ 4:8). Parachi ísï úni, jatsiskachi para sési erakuni ambe engachi jingoni tsípikuarhiaka ka ístu ambakiti amiguechani jatsiani (Proverbios 13:20). Ístu, jatsiskachi para eratsentani ante dechi uandani. Jánguarhinta je eranhaskani na engaksï pʼikuarheraaka máteruecha imani ambe jingoni engachi uandaaka. Biblia arhisïndi: “Enga nema no eratseparini uandajka ísïisïndi komueska espada jingoni chʼurhurpini jarhani, peru ima enga jánhaskakua jingoni uandajka sési pʼikuastpentasïndi” (Proverbios 12:18).

 JORHENGUARHI JE SÁNDERU AMBE

4. Eratsenta je ante dejtsï uandani

Iáminduechachi uandasïnga ambe ma engachi jimbo tátsekua no sési pʼikuarherani jarhajka (Santiagu 3:2). Arhinta je Galasia 5:22, 23 ka uandontskuarhi je íri ambe:

• Parajtsï úni míteni ambe uandani ka néna uandani, ¿náki kualidadichantsï kurhakuapirini Tata Diosï Jeobani engaksï ini tekstuecha jimbo jaka? ¿Nénaksïni uaa jarhuatani i kualidadicha?

Arhinta je 1 Korintu 15:33 ka uandontskuarhi je íri ambe:

• ¿Nénaksïni jarhuataa sési uandani o no sési ambe uandani chaari amiguecha ka ima ambe engajtsï jingoni tsípikuarhijka?

Arhinta je Eclesiastés 3:1, 7 ka uandontskuarhi je íri ambe:

• ¿Na jatini sési japirini no uandani ka na jatini sési japirini uandani?

 5. Sési ambe uanda je máteruecheri ambe

6. Ambakiti uandakuecha jingoni uandontskuarheku je chaari familiani

 AMBE ENGACHI JORHENGUARHIKA

Ambe engachi uandaaka, uaati jarhuataani o no sési pʼikuastaani máteruechani. Jatsiskachi para orheta eratsentani ambe engachi uandaaka, na jatinchi uandaa ka na engachi uandaaka.

Ambejtsï jorhenguarhiski

• ¿Nénajtsï jatsipirini para uandani parajtsï jarhuataani máteruechani?

• ¿Nénachi no méni jatsiski para uandani?

• ¿Ambejtsïni jarhuataa parachi méntkisï imani ambe uandani enga jarhuatauaka ka uinhaperantaani máteruechani?