¿Ambejtsï uaa úni paraksïni marhuacheni mándani jorhenguarhikua?
Jeobaeri testigu ma jingoni jorhenguarhi je ini foietuni. Uaakajtsï imani arhini eskaksïni jorhendaaka Bibliaeri ambe engaksïni ini foietuni íntskuka. Ístujtsï uaaka kurhajkuarhini juchaari pájina Internetirirhu paraksïni nema jorhendani Bibliaeri ambe, jw.org.
PRIMERA PARTI
Arhianta je párrafuechani. Jarhastiksï kurhamarhikuecha (A) ka Bibliarhu anapu tekstuecha turhipiti jimbo (B) engaksï xarhatajka ambe enga sánderu jukaparhakueka. Exe je eskaksï máru tekstuecha uandasïnga eskajtsï jatsiska para arhiantani.
SEGUNDA PARTI
Primeru párrafurhu, partiiri “Jorhenguarhi je sánderu ambe” uandasïndi ambe engajtsï exeni jauaka (C). Subtituluechaksï xarhatasïndi ambe enga sánderu jukaparhakueka (D). Arhianta je tekstuechani, mókuanta je kurhamarhikuechani ka exea je bideuechani (E).
Exea je imajenichani ka ambe engaksï imajenicha xarhatajka (F), ka eratsi je na engajtsï mókuntapiringa partiirhu “Máruksï i ambe uandasïndi” (G).
TERSERA PARTI
Mándani jorhenguarhikua kʼamarasïndi ini particha jingoni “Ambe engachi jorhenguarhika” ka “Ambejtsï jorhenguarhiski” (H). Jatsiku je fecha na engajtsï jatini kʼamaraaka jorhenguarhikua ma. Rekuadrurhu “Ú je ini ambe” jarhasti máru ambe engaksïni jarhuataaka parajtsï ísï úni eskajtsï na jorhenguarhini jauaka (I). Partiirhu “Ístu exe je ini ambe” jarhastiksï máteru bideuecha ka artikuluecha engajtsï ístu uaaka exeani ka arhiantani (J).
Na engajtsïni uaaka exentani tekstu ma Bibliarhu
Tekstuechaksï arhisïndi náki Bibliaeri librueri jimbo jarhaski (A), kapitulu (B), ka bersikulu o bersikuluecha (C). Komueska Juanu 17:3 arhikuekasïndi “Juanueri libru, kapitulu 17, bersikulu 3”.
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
