JORHENGUARHIKUA 02
Biblia úsïndi eskachi mintsikaaka ambe ma
Interu parhakpinirhu uánikua kʼuiripuechaksï mámaru ambe nitamakuarhisïndi enga újka eskaksï uandanhiauaka, eskaksï no sési pʼikuarheraaka ka ménisï eskaksï ueraaka. ¿Niáraskijtsï chá ménisï ísï nitamakuarhinchani? Jamberijtsï no sési pʼikuarherani jaka pʼamenchakua ambe jimbo o jimbokajtsï uarhiranchaska nemani ka jamberijtsï niárajka kurhamarhikuarhini, ¿kʼamakurhia ménisï i ambe? Ambe enga Biblia uandajka sésijtsïni pʼikuastasïndi.
1. ¿Ambejtsïni aiachisïni Biblia eska jauaka sánderu orhepani?
Bibliajtsïni aiangusïndi andichisï xáni uánikua uandanhiatechani jatsia, peru ístujtsïni arhisïndi eska no ióni jimbo, Tata Diosï kénditauaka iámindu ini uandanhiatechani. Bibliajtsïni aiachisïndi eskachi uaaka “sési irekani ka [...] erokuarhikua ma jatsini” (arhinta je Jeremías 29:11, 12). Ambe engajtsïni Tata Diosï aiachijka, jarhuatasïndijtsïni parachi úni orhepani uérakuani juchaari uandanhiatechani ka parachi sési irekuarhini iásï. Ístujtsïni jarhuatasïndi parachi úni kurhanguni eskachi uaaka sési irekani para méntkisï sánderu orhepani.
2. Eska na uandajka Biblia ¿nénachi irekaa sánderu orhepani?
Bibliajtsïni arhisïndi eska sánderu orhepani nóteru jauakia “uarhikua, ka ni uandanhiata ka nóteru nema ueraati” (arhinta je Jaŋaskuecha 21:4). Problemecha engaksï iásï komu pʼikuastaajka kʼuiripuechani nóteruksï jauatia, kʼuiripu nóteru kómu nitamakuarhiatia ni no sési kánhani ni uarhini ka ni pʼamenchani. Bibliajtsïni aiachisïndi eska kʼuiripu sési irekaaka para méntkisï ini Echerini jimbo enga paraisu máeuakia.
3. ¿Nénachi uaa seguru jarhani eska ísï úkuarhiaka ambe enga Biblia aiatspejka?
Uánikua kʼuiripuechaksï erokuarhixati eska sési jánhaskuarhintaaka, peruksï no seguru jarhasti eska niáraaka ísï úkuarhini. Biblia jingoni ménderuenisti. Chájtsï uaaka mintsinharhini ambe enga Biblia aiatspejka, engajtsï pauani pauani jirinhantaska Tata “Diosïri Karakatecharhu” ambe enga arhijka (Ukuecha 17:11). Engajtsï na jorhenguarhipani jauaka Bibliani, chájtsï uaaka jandiajku exeni sini ísï úkuarhia sánderu orhepani ambe enga Biblia uandajka.
JORHENGUARHI JE SÁNDERU AMBE
Exe je ambe enga Biblia aiatspejka eska úkuarhiaka sánderu orhepani. Ju je exeni na enga i ambe iásï uánikuechani jarhuataani jaka.
4. Biblia aiatspesïndi eskachi uaaka irekani para méntkisï no ma uandanhiata jingoni
Exe je na engajtsïni xáni uánikua ambe aiachijka Biblia. ¿Nákintsï sánderu tsitisïni? ¿Ka andisï xáni jukaparhakue para chá?
Arhianta je tekstuechani engaksï ixú jaka ka tátsekua uandontskuarhi je íri ambe:
-
Nájtsï exesïni, ¿uaaksïni marhuacheni ambe engaksï uandajka i tekstuecha? Eratseanta je chaari amiguechani ka chaari familiani, ístu ¿úpirini marhuakuani imeechani?
Eranhaska je enga parhakpinirhu ísï irenhaaka:
|
NÓTERU NEMA... |
IÁMINDUECHACHI... |
|---|---|
|
|
|
|
|
|
|
|
|
|
5. Ambe engajtsïni Biblia aiachijka, uaati úni eskachi sánderu sési irekaaka
Uánikua kʼuiripuechaksï no jánhaskasïndi ambe úni, oksï asta ikiani imeecheri problemecha jimbo. Nájkirukaksï kánikua jánguarhintajka paraksï sési irekani. Exe je na enga uánikuechani jarhuataakia ambe enga Biblia aiatspejka eska úkuarhiaka sánderu orhepani. Exe je BIDEUNI ka uandontskuarhi je íri ambe:
-
Eska na xarharaka bideurhu, ¿ambe uandanhiatasïreni Rafikani?
-
Nájkiruka ima ambe enga uandanhiatenga no kʼamakurhipka, ¿néna jarhuataspi Biblia?
Engachi mintsinharhiska ambe engajtsïni Biblia aiachijka eska úkuarhika sánderu orhepani, jarhuatasïndijtsïni parachi no xáni uandanhiani ka parachi sési irekuarhini nájkirukachi problemechani jatsiauaka. Arhinta je Proverbios 17:22 ka Roma 12:12 ka uandontskuarhi je íri ambe:
-
¿Uaajtsï sánderu sési irekuarhini engajtsï jakajkuska ambe enga Biblia uandajka eska úkuarhiaka sánderu orhepani? ¿Andijtsïsï ísï eratsejki?
MÁRUKSÏ I AMBE UANDASÏNDI: “No méni niáraati úkuarhini ambe enga Biblia uandajka, jimboka jukari sési jásï ambeeska”.
-
¿Andisï xáni jukaparhakue eska chá mismu exeaka eska i ambe niáraaka ísï úkuarhini?
AMBE ENGACHI JORHENGUARHIKA
Bibliajtsïni aiachisïndi eskachi uaaka méntkisï sési irekani. Í ambejtsïni uinhaperantasïndi ka úsïndi eskachi uaaka sési irekani nájkirukachi problemechani jatsiauaka.
Ambejtsï jorhenguarhiski
-
¿Andisï xáni jukaparhakue eskaksï kʼuiripuecha míteaka ambe enga Tata Diosï aiatspejka?
-
¿Ambe uandasïni Biblia eska úkuarhiaka sánderu orhepani?
-
¿Nénaksïni uaa iásï jarhuatani chánksïni mintsinharhini jarhani ambe enga Biblia aiatspejka?
ÍSTU EXE JE INI AMBE
Exe je na engaksïni uaaka jarhuatani erokuarhini jarhani ambe enga Biblia aiatspejka.
“¿Ambechi uaa mintsinharhini?” (¡Tsínharhi!, 22 de abrili de 2004)
Exe je na enga uánikuechani jarhuataakia engaksï pʼamenchakua ma kánguarhijka mintsinharhini jarhani ambe ma.
Engajtsï na exeakia bideuni, eranhaska je sésijtsï irekani jarhani chaari familia jingoni Paraisurhu ísï eska na aiatspejka Biblia.
Exe je na enga Biblia mójtakuka acheetiri ma irekua enga uékenga eskaksï kʼuiripuecha ménderueni eratsepiringa.
“Nóteruni uékasïngia mójtakuni na engaksï eratsejka kʼuiripuecha” (Aianhpiri, 1 de juliu de 2013)
Jamberijtsï ístu uéjka ini ambe míteni
KURHAMARHIKUECHA ENGAKSÏ SÁNDERU ÚKUARHIJKA
¿Nénaksï jorhentpisïni Biblieri ambe Jeobaeri testiguecha?
Parajtsï Jeobaeri testiguechani jingoni jorhenguarhini Biblieri ambe, chájtsï uaaka náki uéjki Bibliani jingoni jorhenguarhini. Ístujtsï uaaka pʼímarhini chaari familiani o amiguechani.
