Juchaari erachiicha engajtsï Reinueri ambe aianhpijka:

Ju eranhaskani eskachi jucha jindeeska máru apostoliicha ka juáta Olibusïrhu jimbochi jarhaska. Ka jimajku niárasïndi Jesúsi ka ante de karhanchentani, ini ambejtsïni arhisïndi: Chájtsï “intsïnhaaka uinhapikua jiáni engaksïni espiritu santu juuaka andarhierani. Ka chájtsï juchiiti ambe uandantaaka Jerusaléni ka iámu Judea ka Samariaisï ka asta jima jamberi enga sánderu iauaniika parhakpinirhu” (Úku. 1:8). ¿Ambechi eratsesïni?

Jamberichi úpiringa eratseni eska kʼéri ánchikuarhita máeska ka chérakuarhenchi, ka ístuchi kurhamarhikuarhini: “¿Nénachi uaa aianhpini ‘asta jima jamberi enga sánderu iauaniika parhakpinirhu’ jimbokachi namunitueska?”. Ka jamberichi miántajka imani ambe enga Jesúsi uandapka ante de uándikunhani: “Jántspiri no sánderu kʼéri ambeesti eska kʼumanchikuarhu anapu achamasï; engajtsïni imeecha ísï no sési kámaka jíndeni, chánksïntuksïni no sési kámaati; engajtsïni imeecha kurhajchaska jíndeni, ístuksïni kurhajchaati chánksïni. Ísïksïni kámaati jimbokajtsï chá juchiiti chúxapatiiska ka ístu jimbokaksï no míteska imani engareni axaka” (Juanu 15:20, 21). Ini ambe míteparini, úpiringachi eratseni: “¿Nénachi uaa iápurisï aianhpini ka jinichi xáni uánikua enemiguechani jatsiani ka ístuchi no sési kánhani?”.

Ka iásïjtuchi úpiringa májkueni ambe kurhamarhikuarhini jimbokachi Jeobaeri testigueska, ka juchajtuchi jatsiska para sési aianhpini Tata Diosïiri ambe, ánchikuarhita ma enga kánikua uétarhijka jánguarhintani para aianhpini “asta jima jamberi enga sánderu iauaniika parhakpinirhu” ka “iámindu ireteecharhu anapu kʼuiripuechani” aianguani (Mat. 28:19, 20). ¿Nénachi uaa ini xáni kʼéri ánchikuarhitani úni míteparini eska Biblia uandasïnga eskajtsïni máru kʼuiripuecha no sési kámaaka?

Karakata Apostoliicheeri Úkuecha, kánikua ambakiti ambejtsïni aiangusïndi. Aiangusïndijtsïni na engaksï apostoliicha ka erachiicha engaksï primeru siglurhu irekapka kánikua sési úpka ini ánchikuarhitani jimboka Tata Diosï Jeoba jarhuataaspka. I publikasioni úkata jarhasti parachi jorhenguarhini ambe enga xáni úkuarhipka ióntki ka enga karakata pakaraka. Exeni jauakachi ambe engaksï nitamakuarhipka ióntki anapu kristianuecha ka na engachi iásïjtu májkueni nitamakuarhijka. Ka i publikasioni no solu aianhpikueri ambe uandantasïndi, sino ístu na enga organisadu jaka Jeobaeri kúnguarhikua parachi úni aianhpini. Engachi exeni jauaka na enga terukuntajka ióntki anapu ambe iásï anapu ambe jingoni, niáraakachi sánderu mintsikani Tata Diosï Jeobani, jimboka ísï eska ióntki na úpka, Tata Diosï Jeoba seguiriixati orhejtsïkuni imeeri kúnguarhikuani.

Kómarhisïngachi Tata Diosïni paraka jiáni engachi jorhenguarhini jauaka karakatani Apostoliicheeri Úkuecha, jarhuataakajtsïni sánderu mintsikani eskajtsïni Tata Diosï Jeoba uinhaperantasïnga, eskajtsïni íntskuaka imeeri espiritu santu ka eskajtsïni jarhuataaka no kuatantani ka seguiriinchi sési aianhpini Reinueri ambe ka pʼímarhiani sánderu uánikua kʼuiripuechani paraksï jámani indeni xanharu jimbo enga tsípikuarhu pájpejka (Úku. 28:23; 1 Tim. 4:16).