Kómarhi je Jeobani ka sési prepararikuarhi je. Kurhaku je jarhuajperata Jeobani paraka kʼuiripu sánderu mensajini kurhaani jauaka ka no chánksïni jimbo pendienti jarhani. Sési exe je nákiskiksï puntuecha engaksï sánderu jukaparhakueka ka engajtsï uéjka eksplikarini. Asï solu repetiriua je uandakuechani engaksï karakatarhu ma jaka palabra por palabra. Chári uandakuechani úraa je.

Mintsita jingoni uanda je. Eratsi je andiksïsï kʼuiripuecha uétarhinchajki kurhaani mensajini. Imechani eratsia je. Engajtsï ísï úska, na engajtsï anhaxurhiaka, ademanicha ka na engajtsï ninharhiaka, xarhataakajtsï uékperakua ka sésijtsï pʼikuastpiaka.

Exea je kʼuiripuechani. Imani lugaricharhu enga no no sési exenhajka, eratpi je. Engajtsï diskursu ma nitamatarani jauaka, enbesi de iámindu kʼuiripuechani exeani, primeru erati je kʼuiripuni ma, tátsekua máteruni ka tátsekua máteruni.