Jirinhanta je ka úra je informasioni enga mintsinharhikueka. Bibliarhu jupindaskuarhi je ambe engajtsï uandaaka, ka enga uáka ísï úkuarhini, meru jima arhinta je. Engajtsï uandaaka siensiaeri ambe, notisia ma, eksperiensia ma o náki uéjki máteru informasioni, orheta asegurarikuarhi je sini informasioni ísïski ka no ióntki anapu ambeni.

Sési úra je informasionini. Parajtsï úni eksplikarini tekstu ma, orhetajtsï jatsiska para kurhanguni ambe uékaxapi jorhentpini Jeoba ima bersikulurhu. Na engajtsï eksplikariuaka, ístu jatsisti para terokuntani iámu ima ambe jingoni enga Biblia uandajka ima temeri ambe ka publikasionichani jingoni enga petaka “jántspiri enga mintsinharhikueka ka [enga jánhastika]” (Mt. 24:45). Engajtsï úraaka informasioni enga no Bibliarhu pʼitakateka, asï mójtaku je signifikaduni ni ambe enga karari arhikuekani japka.

Eratsitarantaa je kʼuiripuechani. Engajtsï arhintaakia tekstu ma o máteru informasioni, iatsitakuarhu kurhanguarhi je ambe ma o ejemplu ma jatsiku je para jarhuatani kʼuiripuni paraksï jandiajku niárani kurhanguni puntuni.