Chájtsï jindepiringa “máru jorhentpiticha” (Ebr. 5:12). ¡Xáni ambakiti ambe! Jeoba, sánderu ambakiti Jorhentpiri enga jaka, pʼímarhisïndijtsïni parachi jorhendaani máteruechani ambe engachi mítika imeri ambe. Jorhentpini Jeobaeri ambe —familiarhu, kúnguarhikuarhu o aianhpikuarhu— kʼéri kóntperata máesti ka kʼéri responsabilidadi ma. Peru ¿nénachi uá ambakiti jorhentpiricheni?

Mókuntskuanchi apostuli Pablueri uandakuecha jimbo exentasïnga enga Timoteuni karakupka: “Méntku jauena arhitspintani Diosïri karakatani, ka arhistatspini ka jorhentpini”. Ka ístu uandaspti: “Engari ísï úska, tʼu mismu pʼímutantskateaka, ka ístu imecha engaksïni kurhajchaaka” (1 Tim. 4:13, 16). Mensaji engachi aianhpijka salbarpisïndi. Jimbosï xáni jukaparhakueti eskachi jánguarhintaaka parachi sési arhintani ka ambakiti jorhentpiricheni. I foietuksïni jarhuataati inde ambe úni. Ju je exeni máru ambe na enga úkata jaka:

Jeoba jindesti sánderu “Ambakiti Jorhentpiri” (Is. 30:20). Ini foietu jingoni, chájtsï jorhenguarhiaka néna sánderu sési arhintani ka jorhentpini, peru asï mirikurhi je eska juchari mensaji Jeoba jimbo jurhasïnga ka eska imasï újka eskaksï kʼuiripuecha andarheraaka imani (Juanu 6:44). Ísï jimbo, méntku únda je kurhakuni Jeobani espiritu santu. Méntkisï úra je Bibliani engajtsï uáka. Jarhuataa je máteruechani exeni néna ka ambe eratsisïni Jeoba ambe ma jimbo, ka asï méni chári eratsikuechani jorhentpi je. Jánguarhinta je xáni eskajtsï xáni uáka parakaksï kʼuiripuecha niáraaka mintsita jingoni xénchani Jeobani.

Tata Diosïksïni pʼímarhisti parakajtsï aianhpiaka sánderu ambakiti mensajini enga no méni aianhpinhani jaka Parhakpinirhu. Seguruchi jarhaska eska engajtsï mintsikaaka ima uinhapikuani enga Tata Diosï íntspijka, uákajtsï ísï úni (1 Ped. 4:11, TDU).

Chári kompanieruecha ini ánchikuarhiteri para jorhentpini,

Grupu enga Orhejtsïkuajka iámindu kúnguarhikuechani Jeobaeri Testiguecheri