1, 2. ¿Náki kurhamarhikuanchi exeni jaua, ka andi?

ENGA cha tembuchatiikia, * ¿nénajtsï uandapirini eska jindeska chári temungurhirikua? ¿Uandapirintsï eskajtsï sési irekaxaka, o eskajtsï uánikua problemechani jatsiasïnga? ¿Exesïntsï eskajtsï cha sánhani arhixaka jarharperani?, o sánderu no sési, ¿eskajtsï no úsïnga agustu irekani temungurhiri? Engajtsï ísï irekani jaka, jamberijtsï no sési pʼikuarherajka engajtsï nóteru újkia sési pájperani. Ka engajtsï cha kristianu máeka, jamberijtsï no sési pʼikuarherajka exeni eska chári temungurhirikua no úxaka eskajtsï agustu kómarhiaka Jeobani, Tata Diosïni engajtsï uékajka. Peru ¡uinhapikuarhintsï je! Inde ambe uáti mójtakuarhini.

² Miántaakachi eskaksï jarhaska temungurhiricha engaksï kristianueka, engaksï ióntki uánikua problemechani jatsiapka ka engaksï iásï ambakiti temungurhiri máekia. Ústiksï exentani néna uinhaperantani temungurhirikuani. Ka chájtujtsï uáka ísï úni. Peru, ¿ambe jatsiski para úni temungurhiri ma para sési irekani?

3, 4. ¿Andiksïsï sánderu andarpererajki temungurhiri engaksï jánguarhintajka Tata Diosïni andarherani? Uandanta je ilustrasioni ma jingoni.

³ Engaksï temungurhiri jánguarhintaska andarherani Tata Diosïni, ístuksï imecha sánderu andarperaati. Exeakachi ilustrasioni ma. Juátarhu jandukutini uarhiiti ma úpirindi ma ladu ísï karhamani ka achati ma máteru ladu ísï. Ma úpirindi jurhijkandani ladu jarhani ka máteru uikixkandani ladu, peru útasïksï iauanichani jarhasti. Peru engaksï tsimarhani úndajka karhamani. ¿Ambe úkuarhisïni? Sánhani arhisïndiksï andarpererani eskaksï na karhamapani jauaka asta puntarhu niárani. ¿Nénajtsïni uá jarhuatani i ejemplu?

⁴ Jo ísïsti, juátarhu karhamani sáno májkuenisti eska enga kristianu ma jánguarhintajka iámu mintsita jingoni marhuakuni Tata Diosïni. Jamberijtsï temungurhiri jánguarhintani jaka juátarhu karhamani jimbokajtsï xénchasïnga Jeobani. Peru engajtsï jarharperatini jaka, ísïsti komueska táchanisïjtsï karhamani jarhani, máteru naniisï. ¿Ambe úkuarhia engajtsï seguiriska karhamani? Nájkiruka uénani jámani útasï kánikua kueratajka parajtsï andarpererani, engajtsï jánguarhintaska karhamani, o sánderu andarherani Tata Diosïni, sánderujtsï andarpereraka cha tsimarhani. Jo ísïsti, para temungurhiri ma no xáni jarharperatini jarhani, uétarhisïndi andarherani Tata Diosïni. Peru ¿néna uá ísï úkuarhini?

5. a) ¿Néna uá ma sési andarherani Jeobani, ka ístu, imeri uarhiitini? b) ¿Néna exesïni Jeoba temungurhirikuani?

⁵ Ma ambe enga jarhuatauaka “karhamani” jindesti eskaksï uáka ambe enga Biblia arhijka témbani o uámbani eskaksï jatsiska para úni (Salmo 25:4; Isaías 48:17, 18). Exeakachi ma ambe enga apostuli Pablu uandapka eska  jarhuajpepiringa: “Eska temungurhirikua jukaparharanhaaka iáminduechani jimbo” (Hebreos 13:4, TNM). ¿Ambe arhikuekaxapi Pablu? Uénani jámani, exeakachi ambe arhikuekasïni “jukaparharanha[ni]”. Uandakua orijinali arhikuekasïndi, jukaparhakua ambe ka sési jásï ambe. Ísï jimbo, ini uandakuani jimbo enga ixú úrakuarhika, xarhatasïndi na enga exejka Jeoba temungurhirikuani: komueska ambe ma enga kánikua jukaparhakueka.

6. Engachi exejka kontextuni ambe enga Pablu uandapka temungurhirikueri ambe, ¿ambechi niárasïni kurhanguni, ka andisï jukaparhakue miáni inde ambe?

⁶ Enga cha, ka ístu chári uarhiiti, marhuakujka Tata Diosïni, jamberijtsï mítika eska temungurhirikua jukaparhakua ambeska ka, ístu, pímbinhasï ambe, jimboka Jeoba kueraaska temungurhirikuani (arhinta je Mateu 19:4-6). Ka engajtsï problemechani jatsiauaka chári uarhiiti jingoni, ¿sési japirini nomasi mítini eska temungurhirikua jukaparhakueska? Jamberi sési japirindi mítini eska uétarhisïnga sánderu ambe para uékperakua jingoni kámberani ka ístu respetu jingoni. ¿Ambeski? Parachi úni mítini, ju je ménderu exeni uandakuechani apostuli Pablueri. Ima no uandaspti: “Eska temungurhirikua jukaparha[kueska]”; sino sánderu sési: “Eska temungurhirikua jukaparharanhaaka”. Ísï jimbo, no nomasi exexapti eska jukaparhakueska, sánderu sési, eska jatsiska para ísï exenhani o eska juramukua máeska. * Kánikua jukaparhakuesti ísï exeni ini ambe, jimbokajtsïni ístu jarhuataaka máteru ambe exeni engajtsïni  manataaka parachi sánderu uékani juchari uarhiitini. ¿Andichisï ísï uandajki?

7. a) ¿Náki Bibliarhu anapu juramukuechanchi uásïni, ka andi? b) ¿Ambechi andasïni engachi kurhajchaajka?

⁷ Ju je eratsini ini ambe. ¿Nájtsï exeasïni cha máteru juramukuechani enga Biblia uandaajka, nirani jorhentpini o tánguarhini para kómarhini Tata Diosïni? (Mateu 28:19; Ebreu 10:24, 25.) Seguruchi jarhaska eskajtsï kurhajchaasïnga, nájkirukaksïni ménisï úkua jukachijka. Nirasïngajtsï eianhpini nájkirukaksï máru no uékaaka kurhandini Reinueri ambe. Ka ístujtsï nirasïnga tánguarhikuecharhu, nájkirukajtsï kuataratini uéntaaka ánchikuarhitarhu uératini. Na uéjki xáni úkua jukani, nójtsï jurajkusïnga nirani eianhpini ka ni tánguarhini. No ma ambe ni nemaksïni úsïndi pʼínguni, ni siquiera Noambakiti. ¿Andi? Jimbokajtsï mintsita jingoni uékasïnga Jeobani, ka inde ambeksïni manatasïndi parajtsï kurhajchaani imeri juramukuechani (1 Juanu 5:3). ¿Ka ambejtsï andasïni engajtsï nirajka eianhpini ka tánguarhini? Sési ka pínandikua jingontsï pʼikuarherasïnga jimbokajtsï mítiska eskajtsï úxaka ambe enga Tata Diosï uékajka. Ka ísï pʼikuarherani, uinhaperantasïndiksïni (Nehemías 8:10). ¿Ambechi jorhenguarhisïni ini ambe jingoni?

8, 9. a) ¿Ambejtsïni manataa parachi jukaparharani temungurhirikuani, ka ambejtsïni jarhuataa parachi ísï úni? b) ¿Ambe tsimani ambechi exea iáiasï?

⁸ Eskachi na exejka, uékani Tata Diosïni manatasïndijtsïni parachi kurhajchani enga ima juramujka eskachi jatsiska para nirani eianhpini ka para tánguarhini, nájkiruka ménisï úkua jukaaka ísï úni. Jimajkani, inde mísmu uékperakuajtsïnisï jatsiti para manatani parachi kurhajchani juramukuani Bibliarhu anapu enga uandajka eskachi jatsiska para uinhapikuarhintani paraka  “temungurhirikua jukaparharanhaaka”, nájkiruka úkua jukaaka (Hebreos 13:4, TNM; Salmo 18:29; Eclesiastés 5:4). Ka ísï eska Jeoba na újchakurajka na engachi jánguarhintajka nirani eianhpini ka tánguarhini, ístu májkueni újchakuraati na engachi jánguarhintaaka para xarhatani eskachi jukaparharasïnga temungurhirikuani (1 Tesalonika 1:3; Ebreu 6:10).

⁹ Jimajkani, ¿néna úsïni ma úni eska temungurhirikua jukaparhakueuaka? Orheta, no úparini imani ambe enga uáka úni eska temungurhirikua kʼamakurhiaka ka tátsekua, úparini imani ambe enga uáka uinhaperantani temungurhirikuani.

10, 11. a) ¿Náki jángua no jukaparharasïni temungurhirikuani? b) ¿Ambe jatsiski para kurhamarhini uámba imeri témbani?

¹⁰ Sáni iónistia, enga pirenchi ma uandapka: “Kurhakusïnga Jeobani eskarini íntskuaka uinhapikua parani tekaantani”. ¿Para ambe tekaantani? Ima mísmu uandaspti: “Juchiti achatirini no sési pʼikuastasïndi imeri uandakuecha jingoni. Uérakisï no nani tsitsurhekuarhiska, peru incharinisï kʼóru uánikua tʼimbirichani jukaaska, jimbokarini méntkisï arhini jarhasïnga: ‘Niáchaskakinia xáni mantenerini’, o ‘Nori ambe ma jimbo marhuasïnga’”. I pirenchi uandasti ambe ma engachi jimbo jatsika para uandanhiani: na engaksï ménisï temungurhiricha no sési arhijperajka.

¹¹ ¡Xáni enga no sési jaka eskaksï kristianuecha engaksï temungurhirika ísï no sési arhijperaaka, uandakuecha jimbo enga ma no újka sóntku mirikuarhiani! Imecha engaksï ini járhati uandakuecha jimbo méntku ísï arhijperani jarhajka, nóksï jukaparharasïndi temungurhirikuani. Peru ¿ambejtsï uá uandani chári ambe? Parajtsï úni mítini, kurhamarhi je chári uarhiitini: “¿Nénakini pʼikuastasïni ambe engakini arhijka?”. Engaksïni mókuchentaska eskajtsï uánikua uelta no sési pʼikuastaskia, jatsiskajtsï para jánguarhintani ménderuenini (Galasia 5:15; arhinta je Efesu 4:31).

12. ¿Ambe úpirini úni eska Tata Diosï no jukaparharapiringa na engachi marhuakujka?

¹² Miántaakachi eska engachi no sési arhiska juchari uarhiitini, uáti no sési úkuarhinchani juchari pájperakua Jeobani jingoni. Tata Diosïri Uandakua uandasïndi: “Enga ma kʼuiripu exekuarhijka eska Diosïni janhanharhisïnga, ka no pʼímukukuarhini, jandiajku kʼarhakuarhixati, ka ískuesti enga uandajka eska janhanharhisïnga Diosïni” (Santiagu 1:26). Nochi méni jámaaka eratsini eska na engachi úrajka  katambani, méntku támu ambeska ka eska Tata Diosïni marhuakuni. Eska na uandajka Biblia, no sési japirindi eratsini eska, no arhiaka ambe enga úkuarhiaka kʼumanchikuarhu konkiruka ma marhuakuni jauaka Tata Diosïni. Nochi jatsiska para enganiarikuarhini: i ambe no chʼanakuesti (arhinta je 1 Pedru 3:7). Ma úpirindi sési ánchikuarhini jarhani kúnguarhikuarhu. Peru enga no sési járhati uandakuechani úraaska imeri kʼumanchikuarhu, no jukaparharani japirindi temungurhirikuani, ka Tata Diosï no ma ambe jukaparharani japirindi na enga ima marhuakujka.

13. ¿Néna úpirini erachi o pirenchi ma, ístu no sési pʼikuastani témbani o uámbani?

¹³ Tembuchatichajtuksï jatsisti para xéparini jámani paraksï no no sési pʼikuastpini no uékaparini. Ju je exeani tsimani ejempluechani. Táti ma, ióni uandontskuarhisïndi telefonu jimbo kúnguarhikuarhu anapu pirenchi ma jingoni, enga jandiajku kʼuiriperaani jaka uájpechani ka enga konseju uékajka kurhakuni erachini. O eranhaska je eska tumbi ma, pʼindeskia meru jirinhani ka uandontskuarhini pirenchi ma jingoni enga uambuchatiikia. Xáni táti ka pirenchi enga uambuchatini jaka, úsïndiksï i ambe, no no sési ambe eratsiparini; peru, ¿néna pʼikuarherajki erachiri témba, o pirenchiri uámba? Pirenchi ma enga i ambe nitamakuarhipka uandaspti: “Kánikuani no sési pʼikuarherasïnga engani exejka juchiti achatini na enga xáni tiempu úrajka ka na enga xáni uandanhiajka kúnguarhikuarhu anapu pirenchi ma jimbo. Ísïrini pʼikuastasïndi enajkini ji menosi jukaparhakue”.

14. a) Eska na uandajka Mateu 19:5, ¿ambeksï jatsiski para úni temungurhiricha? b) ¿Ambeksï jatsiski para kurhamarhikuarhini tembuchaticha?

¹⁴ Úsïndi ma jánhaskani andisï i pirenchi xáni no sési pʼikuarheraeni. Ka májkueni úsïndi ma uandani imecheri engaksï exejka eska imeri témba o uámba no respetarisïnga  imani xáni jukaparhakua juramukuani enga Tata Diosï íntsaajka tembuchatichani: “Ísï jimbo ma achati jatsisti [para] jurajkuni tátembani ka amambani para kúnguarhini imeri uarhiitini jingoni” (Mateu 19:5). ¿Arhikuekasïni i bersikulu eska enga ma tembuchajka uáka nóteru kuenta uánia tátembechani? Nómbe. Ambe enga arhikuekajka, jindesti eska jima para orhepatini, orheta, jatsiska para uandanhiani imeri uarhiitini jimbo. Ka májkueni úkuarhisïndi imeri erachicha jingoni: nájkiruka kánikua uékaajka, orheta jatsisti para uandanhiani imeri uarhiitini jimbo. Ísï jimbo, enga jukari tiempu jarhajka imecha jingoni o jukari jamberi sési kaani, sánderu tataka nanakani ma, o nanaka tatakani ma, uáti problemechani jatsiani imeri temungurhirikuarhu. Kurhamarhikuarhi je: “¿Indeni jimbosï xáni uandanhiata ambe jaki juchiti kʼumanchikuarhu? ¿Tiempu arhutasïni parani juchiti uarhiiti jingoni jarhani, xarhatakusïni juchiti úkuechani jingoni eskani uékasïnga?”.

15. Eska na uandajka Mateu 5:28, ¿andiksïsï no jatsi para kristianu tembuchaticha jukari jamberi sési kaani erachichani o pirenchichani engaksï no imeri témbeuaka o uámbeni?

¹⁵ Ka ístu enga pirenchi o erachi ma enga tembuchatiiuaka, jukari jamberi sési kámajka o jukari tiempu jarhani nema jingoni, sea pirenchi erachi ma jingoni o erachi pirenchini ma jingoni, úpirindi no sési jásï ambe niátani. Máru kristianuechaksï ini ambe ústi, ka niárastiksï jamberi xénchperani (Mateu 5:28). Ka, uánikua uelta, i ambe paasti paraksï úni imani ambe enga újka eskaksï sánderu no jukaparharaaka temungurhirikuani. Ju je exeni ambe enga uandapka íri ambe apostuli Pablu.

16. ¿Ambe uandaspi Pablu eska ma jatsispka para jingontku jarhani enga temungurhirikueri ambe uandapka?

¹⁶ Enga na uandapkia Pablu eska jatsispka para “temungurhirikua jukaparharanha[ni]”, ístu uandaspti eska  jatsispka para “relasioni sexuali pímbinhasï[ini], jimboka Tata Diosï jusgariauaka imechani engaksï ísku jándi úkuarhijka ka engaksï niárajka apondini nemani jingoni enga no témbeuaka o uámbeni” (Hebreos 13:4, TNM). Ini textuni jimbo, uandakua “relasioni sexuali pímbinhasï[ini]” arhikuekaxapti relasioni sexuali engaksï temungurhiricha jatsijka. Paraka relasioni sexuali uáka “pímbinhasï[ini]”, jatsisti para solu temungurhirichajku úni, jimbosï uétarhijti jingontku kurhandini arini uandakuechani enga Tata Diosï kararkuarhika: “Tsípikuarhi chíti uarhiiti jingoni engari jiájkani tembuka, engari tumbipka” (Proverbios 5:18).

17. a) ¿Andichisï jatsi para no májkueni exeni eska i parhakpini apondini nemani jingoni enga no juchari uarhiitiuaka? b) ¿Nénachi uá májkueni úni eska Jobu?

¹⁷ Apondini nemani jingoni enga no témbeuaka —o relasioni sexuali jatsini— no respetarini jarhasïndi Tata Diosïri pímbinharhati leichani. Nájkirukaksï uánikuecha ísï exejka eska i ambe sési jarhaska, jurhimbiti kristianuechachi no májkueni eratsisïnga eska kʼuiripu. Kurhangusïngachi eska no kʼuiripu ma sino eska “Tata Diosï jusgariauaka imechani engaksï ísku jándi úkuarhijka ka engaksï niárajka apondini nemani jingoni enga no témbeuaka o uámba” (Ebreu 10:31; 12:29). Ísï jimbo, respetarisïngachi Tata Diosïri juramukuechani (arhinta je Roma 12:9). Májkuenchi úsïnga eska Jobu enga uandapka: “Pakatperakua ma úska juchiti éskuechani jingoni” (Job 31:1). Aiakukuarhesïngachi no jurajkutakuarhini eska juchari éskuecha exeaka nemani enga no juchari uarhiitiuaka, ísku ambe eratsiparini. Ísïchi uáka pʼíngukuarhini para no niárani apondini nemani jingoni enga no juchari témbaeuaka (exe je apendisi, “¿Ambe uandasïni Biblia diborsiueri ka jurajperakueri ambe?”).

18. a) Jeobaeri orhepatini, ¿na xáni no sésiski apondini nema jingoni enga no témbaejka? b) ¿Nénaksï sáno májkueniski apondini nema jingoni enga no témbaejka ka eska idoluechani kómarhiani?

¹⁸ ¿Na xáni no sési exesïni Jeoba apondini nema jingoni  enga no juchari témbeuaka? Ima Lei enga Jeoba Moisesini íntskupka uandasïrendi, eska nema enga apondipiringa imani jingoni enga no témbaepiringa o uámbaeni o enga kómarhiapiringa idoluechani jatsispka para uarhini (Levítico 20:2, 10). ¿Andiksïsï sáno májkuenii i tsimani pekaduecha? Jimbokaksï ini tsimani ambe jimbo no respetarisïrenga kʼéri kompromisuni: ima enga kómarhiaenga idoluni  ma, no respetarisïrendi kompromisu enga jatsipka Jeoba jingoni, ka ima enga apondienga máteru nema jingoni, no úsïrendi ambe enga aiakupka témbani. Jimajkani tsimarhanksï jindesti no kumplirini eiatsperakua ma (Éxodo 19:5, 6; Deuteronomio 5:9; arhinta je Malaquías 2:14). Ísï jimbosï Jeoba xáni no sési exeandi, jimboka Jeoba, Tata Diosï máeska enga no méni jurajpejka ka enga mintsinharhikueka (Salmo 33:4).

19. ¿Ambejtsïni jarhuataa parachi no méni jámani eratsini apondini nemani jingoni enga no juchari uarhiitiuaka, ka andi?

¹⁹ Ísïsti juchachi kristianuecha nóteru jatsiskia para kurhajchani Moisesiri Leini, ísï eskaksï israelitecha na uénga. Peru i juramukuajtsïni miátantasïndi na enga xáni no sésiipka apondini nemani jingoni enga no témbauenga. ¿Andi? Jimbokajtsïni i ambe jarhuataaka parachi sési eratsini ka no méni úni ini ambe. Exeakachi ejemplu ma. ¿Inchapirintsï tiosïorhu ma ka tinguixurhipirintsï para uandotsekuarhikuni idoluni ma? Uandapiringajtsï, “¡méntku nómbe!”. ¿Ka engaksïni kánikua tumina aiachepiringa? Uandapiringajtsï, “¡no jiókuarhipiringa!”. Ka inde ambe ísïsti, jimboka jucha jurhimbiti kristianuecha, ikichasïnga jurajkuni Jeobani para idoluni ma kómarhini. Ka májkueni úpirindi úkuarhini engachi jurajkuska Tata Diosïni, o juchari témbani, apondiparini nemani jingoni, no arhiparini ambe uéjki jimbo engachi uáka indeni ambe (Salmo 51:1, 4; Kolosasi 3:5). Nochi méni uékapiringa ísï tsíperani Noambakitini ka no sési pakatani Jeobani ka ístu pímbinhasï temungurhirikuani.

20. Uandanta je terokutantaparini ambe ma jingoni ambeksï úkuarhinchaskia máru temungurhiricha.

²⁰ Parachi úni sánhani arhini respetarperani temungurhiri, no solu uétarhisïndi no úni ambe enga no sési pakataaka temungurhirikuani. ¿Ambe máteru ambejtu uétarhisïni?  Para mókuntani ini kurhamarhikuani, terokutantaakachi temungurhirikuani kʼumanchikua ma jingoni. ¿Ambe ka ambesï újki eska sési xarharaaka? Máruksï úpirindi jindeni sési járhati uandakuecha, uékperakua xarhatakuni, sési kámani ka jukaparharani. Engaksï tsimarhani márku úkuarhintatini jarhajka, úpiringachi uandani eska ísïska eska ambakiti kolori ma jingoni atarhentskata jarhani kʼumanchikua ka tsitini jima irenhani. Peru engaksï nóteru xáni uékperaskia, inde ambe enga sési xarhatajka temungurhirikuani sánhani arhiatiksï kʼamakurhini, astakaksï jandiajku pʼikuarheraaka. Perujtsï cha no uékasïnga eska inde ambe ísï úkuarhiaka. Chájtsï uékasïnga eska “[chári] temungurhirikua jukaparharanhaaka”, ísï eska Tata Diosï na juramujka. Mítiskajtsï eska ambe máeska enga kánikua jukaparhakueka, engajtsï no jatsika para tsïtani ka ni jurajkuni eska kʼamakurhiaka. Jimbojtsïsï jatsika para pʼínguni ka sési péntani imani ambe enga uáka úni eska kʼamakurhiaka. Ka Tata Diosïri Karakata uandasïndi néna úni ini ambe: “Mímixekua jingoni úkuarhisïndi kʼumanchikua ma, ka eratsikua jingoni sési uaxastakata jarhasïndi. Ka jánhaskakua jingoni kuartuechaksï uinisïndi sési jásï ambe jingoni ka engaksï jukaparhakueka” (Proverbios 24:3, 4). Exeakachi nénachi uá úraani ini uandakuechani.

21. ¿Nénachi uá sánhani arhini uinhaperantani temungurhirikuani? (Ístu exe je rekuadruni “ ¿Néna uá uinhaperantani juchiti temungurhirikuani?”.)

²¹ Inde “sési jásï ambe” enga uinirajka kʼumanchikuechani engaksï tsípikua jingoni irekajka, ístu jindesti ambakiti uékperakua,  respetu Tata Diosïni jimbo ka ambakiti jakajkukua ma (Proverbios 15:16, 17; 1 Pedru 1:7). I ambe xarhatani ka máteru ambe enga sáno májkuenika, uinhaperantasïndi temungurhirikuani. Peru ¿exeskijtsïa Proverbios 24:4 jimbo na engaksï kuartuecha uinijka “sési jásï ambe jingoni”? “[Jarhuakuarhiparini] jánhaskakua jingoni.” Ísï jimbo, ima temungurhiricha engaksï uékajka ménderueni jásïini ka ménderuksï uékperani, jatsistiksï para jatsini jánhaskakua enga Bibliarhu jaka ka tátsekua úrani indeni jánhaskakuani (Roma 12:2; Filipusʌ 1:9). Ísï jimbo, méntkisï engajtsï temungurhiri uaxakaaka parajtsï arhintani Bibliani o artikulu ma enga Bibliarhu pʼitakatejka ka enga temungurhirikueri ambe uandajka, ísïisïndi enajkijtsï exeni jarhajki ambe ma enga ambakitika ka enga uáka kánikua sési jájkuntani chári kʼumanchikuani. Ka tátsekuajtsï jatsiska para incharani indeni ambe enga sési jájkuntajka kʼumanchikuani “kuartuecha[rhu]”. Máteru uandakuecha jimbo: ima uékperakua engajtsï jatsika Jeobani jimbo, manataatiksïni parajtsï úni eska na uandajka konseju engajtsï exekia. Ísïjtsï uáka úni eska ménderu chári kʼumanchikua jukantaaka ima kolori ka eskajtsï ísï pʼikuarheraaka eskajtsï ióntki na pʼikuarheraenga.

22. ¿Ambechi sési pʼikuarherakua jatsia engachi jánguarhintaska úni ambe engachi tokarijka para úni uinhaperantani juchari temungurhirikuani?

²² Jo ísïsti, tiempu uétarhiati, para sánhani arhini sési jájkuntani temungurhirikuani. Peru ima kristianuecha engaksï jánguarhintajka para úni imani ambe engaksï jatsika para úni, kánikuaksï sési pʼikuarheraati: agustuksï pʼikuarheraati jimbokaksï mítiaka eskaksï kurhandixaka ambe enga Biblia uandajka, eskajtsï jatsiska para orhetku cha uénani respetarini máteruni (Roma 12:10; Salmo 147:11). Ka sánderu jukaparhakua ambe, Tata Diosïri uékperakuarhuksï jauati imecha engaksï uinhapikuarhintaska para respetarini temungurhirikuani.