No xáni uánikua ambe jarhasti enga xáni no sési pʼikuastpijka, eska exeni eska familiari ma o amigu ma petanhantasïnga kúnguarhikuarhu uératini jimboka no moantaska. Peru, na engachi exeaka ambe enga uandajka Biblia íri ambe, xarhataati na engachi xáni uékajka Tata Diosïni, ka na engachi xáni tsitijka kurhajchaani imeri leichani. * Ísï jimbo, ju je exeni máru ambe enga úpiringa jarhani.

¿Nénachi jatsiski para kámani imani enga petanhantajka kúnguarhikuarhu? “Eskajtsï no kúnguarhipiringa ma imani jingoni enga uandajka eska ermanueska ka ísku jándini, ka tsitini jatsikuarhikuani o idoluechani kómarhiani o xukajchpini o kauicheni o kuarhukpitiini, imani jingoni kʼo asï jáma je kúnguarhini ni sikiera para tʼireni.” (1 Korintu 5:11.) Ka ístu, Bibliajtsïni arhisïndi: “[Enga nema] no méntku jauenajka jakajkuni Kristueri jorhentpikuani [...] asï jáme je sési erokani chári kʼumanchikuecharhu ka níjtu sési uandajpani, jimboka ima enga sési erokajka, májkuentasïnga imani jingoni imeri no sési jásï jorhengua jimbo” (2 Juanu 9-11). La Atalaya 15 de nobiembriri de 1981, pájina 19, uandasïndi: “Arhini nemani ‘¡¿Nari jarhaski?!’ úpirindijtsïni páni parachi uénani imani jingoni uandontskuarhini ka asta jamberi pájperata ma jatsini. ¿Uékapirinchi jucha uénani ini ambe úni imani jingoni enga petanhantaka kúnguarhikuarhu?”. Ísï jimbo, jucha nóteru kristianueni exesïnga imani, níjtuchi pájperakua ma jatsini imani jingoni.

¿Peru meru uétarhisïni ísï kámani? Jo, ka uánikua ambe jimbo. Orheta, jimbokachi no uékasïnga jurajkuni Jeobani ka jimbokachi uékasïnga kurhajchani imeri Karakatani. Kánikuachi uékasïnga Jeobani, ka jimbochisï uékajka méntkisï  kurhajchani, ístu jiáni enga kánikua úkua jukaaka. Ístuchi seguru jarhaska eska ima jurhimbitiiska ka uékpitini, ka eskaksï iámindu imeri leicha sésiska para jucha (Isaías 48:17; 1 Juanu 5:3). Máteru ambe jindesti eska ima enga pekadu úka, uáka no sési úkuni kúnguarhikuani enga no moantaska. Ísï jimbo, engachi nóteru kúnguarhiskia imani jingoni, kuájchakusïngachi juchari jánguani ka nochi no sési úkusïnga juchari pájperakua Jeoba jingoni, ka ístu, pímbinhasï jarhasïndi kúnguarhikua ka no no sési exenhasïndi (1 Korintu 5:6, 7). Máteru ambe, enga néna petanhantajka, sési úkusïndi imantu. ¿Néna? Engachi kurhajchaaska Bibliarhu anapu prinsipiuechani, ka engachi jiókuarhiska ambe enga komite judisiali uandakia, jamberichi uáka jarhuatani pekadorini, enga asta iásï jamberi no jiókuarhini jaka orhejtsïkuticheri jarhuajperatani. Jo, úpirindi úkuarhini eska engachi kurhajchaska ambe enga Jeoba uandajka, eska ima moantaaka mintsitarhu ka eska mójtakuaka imeri eratsikuani. Enga exeaka eska nóteru uákia pájperani imeri familia jingoni, jamberi i ambe uáti eska ‘eratsintaaka’, eska exeaka na enga xáni no sési úka ka eska úndaaka úni ambe ma para ménderu marhuakuani Jeobani (Lukasʌ 15:17).

¿Ka enga familiari máeuakia enga petanhantajka? Úpirindi úkua jukani kurhajchani Jeobani enga parienti máepiringa enga petanhantapiringa. Enga i ambe úkuarhiaka, ¿nénachi jatsiski para kámani imani enga petanhantaka? Nájtukachi no uáka iámindu ambe exeni iáiasï, tsimani ejempluechanchi exeauaka engajtsïni jarhuataaka.

Ménisï, ima enga petanhantajka imeri táticha jingoni irekasïndi ka imeri ermanuembecha jingoni. Enga nema petanhantajka, no arhikuekasïndi eskaksï nóteru familieskia, ísï jimbo, imeri familia jurajkusïndi para ima kúnguarhini imecha jingoni ka para úni ambe enga kʼumanchikuarhu úkuarhijka. Peru, jimbokachi no uékasïnga no sési pʼikuastani Jeobani, méntkuchi no ma ambe úsïnga márku Tata Diosïri ambe, jimboka ima jandiajku erakuska nóteru juchari erachinia.  Jamberi úpirindi jarhani familiaeri jorhenguarhikuarhu, peru no ma ambe jatsisti para uandani. Peru enga útasï sapichueuaka, ka imeri táticha jingoni irekani, tátichaksï uáti estudiu íntskuni, jimbokaksï útasï imasï jatsika para jorhendani ka jurhimberantani (Proverbios 6:20-22; 29:17). *

Peru, ¿ka enga ima enga petanhantaka no irekaaka imeri familia jingoni? Enga ísïjka, kristianuecha engaksï sési marhuakujka Tata Diosïni, jánguarhintasïndiksï para no uandajpani, o solu jiáni enga uétarhiaka paraksï ambe ma exeni familieri ambe. Nóksï jirinhakuntani jámasïndi paraksï uandajperani. Jimbokaksï uékasïnga kurhajchani Jeobani ka imeri kúnguarhikuani, respetarisïndiksï ambe enga Biblia uandajka eska úkuarhiaka ícha jingoni. Uékasïndiksï jarhuatani imecheri parientini, ka jimboksïsï újti ambe enga Biblia arhiajka, paraka marhuakuaka imeri parientini i jurhimberantskua enga intsïnhaka (Ebreu 12:11). *