Apostuli Pablu 1 Korintu 6:1-8 jimbo, uandasti arhirperakuecheri engaksï entre erachicha jatsiajka. Orheta uandaspti na enga xáni ikiani japka, jimboka máru Korintu anapu kristianuechaksï nirasïrenga “jusgadurhu pérperani ka arhijperan[ksï] no jakajkutichani japarini” (bersikulu 1). Tátsekua  uandaspti eskaksï arhirperakuecha jatsispka para kúnguarhikuarhu arreglarikuarhini ka no juramutichani japarini. Ju je exeni máru ambe enga jimbo apostuli ísï uandapka imeri karta jimbo enga Tata Diosï kararkuarhika, ka tátsekuachi exeaka máru ambe enga jimbo no jamberi uétarhiaka chúxapani indeni ambe enga apostuli uandapka.

Enga problema ambe jarhajka negosiueri ambe o echeriri ambe entre erachicha, Jeoba erokuarhisïndi eskachi jánguarhintaaka sési péntaani, ísï eska Jeoba na uékajka ka no na engachi jucha uékajka (Proverbios 14:12). Eska na uandaka Jesusi, sánderu sésisti sóntku arreglariuani paraksï no sánderu kʼéri úkuarhini (Mateu 5:23-26). Peru máru erachichaksï afuersa uékasïndi andani, ka jimboksïsï juramutichani jingoni nirajti. Peru Pablu uandasïndi: “cha kánikua no sési úxaka”, “jimbokajtsï entre chájku arhijperakua jatsisïnga”. ¿Andiksïsï kánikua no sési úni japi? Jimboka inde ambe, úpiringa no sési pakatani juchari Tata Diosïni ka ístu kúnguarhikuani. Para i ambe no úkuarhini, jatsiskachi para ini ambe úni enga apostuli Pablu uandapka: “¿Andisïjtsï no mejori tekaatsperantajki engajtsï no sési útsperajka?” (bersikulu 7).

Pablujtu uandaspti eska Tata Diosï uaxastatixakaia ambe ma enga jarhuajpika para arreglariuani uánikua problemechani. Uandaspti eska kúnguarhikuecharhu jarhaskaksï erachicha engaksï mímixekua jukaka jimbokaksï uánikua ambe jorhenguarhiskia Bibliarhu. Jo ísïsti, orhejtsïkutichaksï ‘eratsikua jukasti para úni arreglarikuani ermanuechani’ máru ambe “enga iásï anapu ambeeka” (bersikulu 3-5). Ístu, Jesusi uandaspti eska para úni arreglariuani kʼérati arhirperakuechani, komueska kʼérati chkuanderakuechani nomasi para no sési úkuni máteru nemani, o enga fraude úkujka máteruni, jatsistiksï para tanimu ambe úni. Orheta jatsisti para jánguarhintani tsimarhankuksï arreglarini problemani; enga i ambe no marhuaska, jiájkani jatsisti para ménderu tánguarhini imani jingoni, ka jatsisti para ma o tsimani testiguechaksï jarhani; ka enga i ambejtu no marhuauaka, últimu ambe enga uáka úni jindesti nirani eianguani kúnguarhikuarhu anapu orhejtsïkutichani (Mateu 18:15-17).

 Peru ísïsti, orhejtsïkutichaksï no jatsisti para jindeeni abogaduecha o imecha engaksï arhiaka ambe engaksï jatsika para úni negosiueri ambe jingoni, ka níjtuksï jatsi para ísï jámani enajkiksï inde ambe. Nójtuksï ima uandaati na engaksï jatsika para pakatperani tsimani erachicha engaksï arhirperata ma jatsiaka negosiueri ambe. Sánderu sési, ambe engaksï ima jatsika para úni, jindesti jarhuataani erachichani engaksï arhirperata jatsika parakaksï uáka ambe enga Biblia uandajka ka paraksï sési ka iatsitakuarhu arreglarini problemani. Enga meru úkua jukaaka arreglarini problemani, uátiksï kurhamarhini sirkuitueri orhejtsïkutini o Jeobaeri testiguecheri sukursalini. Peru úpirindi jarhani máru ambe, enga jimbo no uétarhipiringa chúxapani ambe enga apostuli Pablu uandapka. Ju je exeni máru ambe.

Demanda ma incharani no méntkisï jindeesïndi para nemani no sési úkuni. Ménisï úkuarhisïndi jimboka ísï juramusïnga lei, o para úni ambakiti pakatperakua ma jatsini. Jamberi uétarhijti para nema úni diborsiarikuarhini, para sésikua intsïnhani para uájpani pakatani, para intsïnhani pensioni para familiani mantenerini, seguru ma kobrariini o para testamentuni ma uaxastani juramutichani japarini. Jamberi úpirindi úkuarhini eska erachi ma, kontra demanda ma incharapiringa para kuájchakukuarhini demanda ma jimbo. *

Ima kristianu enga i ambe úkuarhinchajka ka nirani jusgadurhisï, no no kurhajchani jarhasïndi ini ambe enga Pablu uandapka, peru enga no úni jauaka ini nomasi jimboka uékasïnga uarhipeni. * Nochi méni jatsiska para mirikurhini ambe enga sánderu jukaparhakueka para jucha: eska pímbinhasï jauaka Jeobaeri arhinhakua ka eska márku úkuarhintani jauaka kúnguarhikua. Ambe enga sánderu xarhatajka eskachi Kristueri chúxapatiska, jindesti uékperakua, uékperakua ma enga “no uéka[jka] imeri ambejku” (1 Korintu 13:4, 5; Juanu 13:34, 35).