Ante dejtsï ueenani jorhentpini

1. 1. Sési prepararikuarhi je. Eratsenta je ambe enga nitamakuarhini jaka, ambe enga uétarhinchajka ka ambe enga jakajkujka estudianti. ¿Jaki ambe ma enga no uaaka kurhanguni o enga úkua jukanchaaka ísï úni? Exea je artikuluechani ka bideuechani engaksï jaka partirhu “Ístu exe je ini ambe” ka eratsenta je na enga i ambe uaaka jarhuatani estudiantini, ísïjtsï listu jauaka para úrani ini partini jiáni enga uétarhiaka.

Engajtsï jorhentpini jauakia

1. 2. Enga estudianti uékaaka, ú je kómarhikua ma para ueenani ka máteru para kʼamarani.

2. 3. Asï jukari uanda je. Imani ambejku jorhentpi je enga jorhenguarhikuarhu jaka ka ístu jurajku je eska estudianti uandaaka.

3. 4. Engajtsï na ueenakia mándani parti, arhinta je jima enga arhijka “Íri ambe uandasïndi” ka uandaa je máru tituluechani ima partiiri.

4. 5. Engajtsï na kʼamaraakia mándani parti, úra je partini enga arhijka “Ambejtsï jorhenguarhiski” paraka estudianti miántaaka ambe enga jorhenguarhika.

5. 6. Engajtsï na jorhenguarhini jauaka mándani jorhenguarhikua:

   1. Májku k’éri arhianta je párrafuechani.

   2. Arhianta je tekstuecha engaksï uandajka “Arhinta je”.

   3. Enga uétarhiaka, ístu arhianta je máteru tekstuechani.

   4. Jatsikua je iámindu bideuecha engaksï uandajka “Exe je” (méntkisï engajtsï uaaka).

   5. Uaa je iámindu kurhamarhikuechani.

   6. Májku k’éri exea je imajeniichani partiiri “Jorhenguarhi je sánderu ambe”.

   7. Úra je rekuadruni “Ú je ini ambe” paraka estudianti exeaka ambe enga xáni úni jakaia. Arhi je eska uaaka jatsikukuarhiani meteechani. Uaati úni ambe enga rekuadrurhu arhijka o máteru ambe.

   8. Kurhamarhi je sini jiáni enga prepararikuarhini japka niárapi tsitini artikulu o bideu ma enga arini partirhu jaka “Ístu exe je ini ambe”.

   9. Jánguarhinta je kʼamarani ma jorhenguarhikua méni engajtsï niuaka jorhendani.

Engajtsï na kʼamaraakia jorhenguarhikua ma

1. 7. Seguirii je eratseni nénajtsï uaa jarhuatani chaari estudiantini. Kómarhini je Tata Diosï Jeobani paraka újchakuraaka ambe enga estudianti úni jaka para sánderu andarhierani imani ka eskaksïni jánhastaaka chánksïni parajtsï úni jarhuatani.