Ambe enga úpka Jesúsi

¿Ambejtsïni jorhendasïni Jesúsiiri ejemplu?

2. Jatsiskachi para xénchani estudiantini, joperu ístuchi jatsiska para jurhimbitku arhini ambe enga jatsika para úni para seguiriini sánderu sési pájperani Tata Diosï Jeoba jingoni.

 Májkueni ú je eska Jesúsi

3. Jarhuata je estudiantini meteechani jatsikukuarhiani ka eska ísï uaaka.

1.    Úra je rekuadruni “Ú je ini ambe” enga mándani jorhenguarhikuarhu jaka librurhu Tsípikua jingoni ireka je.

2.   Jarhuata je estudiantini exeni náki meteechani uaa jatsikukuarhiani iáiasï ka nákiichani sánderu orhepatini.

3.   Someni arhi je estudiantini ambe enga sési úni jaka.

4. Jánguarhinta je exeni ambe pʼínguni jaki estudiantini para sánderu ambe úni ka jarhuata je orhepani uérani.

1.    Kurhamarhikuarhi je:

   • “Enga estudianti no úni jaka itsï atakuarhini, ¿ambe pʼínguni jaki?”.

   • “¿Ambe uaa úni ji parani jarhuatani?”.

2.   Kurhaku je Tata Diosï Jeobani eskaksïni jarhuataka no chéni parajtsï jurhimbitku arhini estudiantini ambe enga jatsika para úni.

5. Ásteru jorhenda jeia enga estudianti no ma ambe úni jaka para marhuakuni Tata Diosïni.

1.    Parajtsï seguiriini jorhendani Biblieri ambe, kurhamarhikuarhi je:

   • “¿Úxaki ambe enga jorhenguarhini jaka?”.

   • “¿Niraxaki tánguarhikuecharhu ka uandontskuarhekuasïni máteruechani jurhimbikueri ambe?”.

   • “¿Sáni ióniiskia enga ueenaka jorhenguarhini ka uékasïni Jeobaeri testigueni?”.

2.   Enga estudianti no xarhatajka eska úxaka ambe enga jorhenguarhini jaka:

   • Arhi je eska exekuarhiaka ambe pʼínguxaki.

   • Iátsitakuarhu arhi je andijtsïsï nóteru jorhenguarhiaia imani jingoni.

   • Jurhimbitku arhi je ambe engamindu jatsika para mójtakuni enga uéjka ménderu jorhenguarhini Biblieri ambe.