JUKAPARHAKUA AMBE BIBLIAERI | JOB 21-27
Jobu no jurajkuspti eskaksï no sési ambe eratsitarapiringa
Satanasi úrasïndi chkuanderakuani para chkeraani Jeobaeri marhuarichani. Exe je na engaksï no terokuntajka Satanasiri chkuanderakuecha imani ambe jingoni engamindu Jeoba pʼikuarherajka, eska na arhijka libru de Job. Listarhu enga kétsekua jaka, jatsikua je máteru textuechani engaksïni xarhatachijka eska Jeoba uandanhiasïnga chánksïni jimbo.
|
SATANASIRI CHKUANDERAKUECHA |
NA ENGA PʼIKUARHERAJKA JEOBA |
|---|---|
|
Tata Diosï imani ambe kurhatspesïndi enga úkua jukaka, jimbosï no ma ambe engaksï imeri marhuaricha uáka uáti jaiapanherantani. No ma ambe enga ima kueraaka úsïndi sési pʼikuastani (Job 4:18; 25:5). |
Jeoba jukaparharasïndi engachi jánguarhintajka (Job 36:5). |
|
Para Tata Diosï, kʼuiripu nómbe ma marhuasïndi (Job 22:2). |
Jeoba jiókuarhisïndi ka újchakurani ambe engachi újka para marhuakuni (Job 33:26; 36:11). |
|
Tata Diosï no jukaparharasïndi enga ma ambakiti kʼuiripueuaka (Job 22:3). |
Jeoba kuidariasïndi imechani engaksï jurhimbitika (Job 36:7). |
