Eneruni de 2016 uératini, últimu pájina rebisteri La Atalaya enga jindeka para etsakuni, jukasti parti ma enga arhinhajka “¿Qué dice la Biblia?”. I parti úkata jarhasti parajtsïni jarhuatani uénani uandontskuarhini. Sáno májkueni jásï formatu ma jukasti eskaksï trataduecha: jukasti kurhamarhikua ma para mókuntani, mókuntskua ma enga Bibliarhu pʼitakata jaka ka máteru ambe.

Sáno méntkisï, nema uénasïndi estudiarini Bibliani enga sési jásï ma uandontskuarhita jatsijka temeri ma enga Bibliarhu jaka. Úra je ini partini parajtsï jarhuataani imechani engaksï uéjka mítini Jeobani (Mt 5:6).

1. Kurhamarhi je kʼuiripuni ambe eratsisïni kurhamarhikueri ma.

2. Kurha je ka agradeseriku je mókuntskuani.

3. Arhinta je textuni enga arini partirhu jaka “Lo que dice la Biblia” ka kurhamarhi je ambe eratsisïni. Enga kʼuiripu jatsiaka tiempu, úra je puntu ma enga i partirhu kétsekua jaka: “¿Qué más dice la Biblia?”.

4. Aiaku je rebistani.

5. Pakara je ambe jurhiatikuajtsï kʼuanhatsintaa parajtsï exeni máteru kurhamarhikuani.