ANDISÏ JUKAPARHAKUE. Jeoba, Ambakiti Jorhentpiri, jindesti engajtsïni sánderu sési jorhendajka. Imajtsïni jorhendasïndi nénachi uá sánderu sési irekuarhini ka ístujtsïni prepararisïndi para jiáni enga uákia imani ambakiti ambe engajtsïni aiacheka, ka nójtsïni ma tumina euasïndi indeni jorhentperakua jimbo (Isa 11:6-9; 30:20, 21; Jaŋ 22:17). Imeri organisasioni jimbo, Jeobajtsïni jorhendasïndi parachi aianguani máteruechani indeni aianhperakua enga uáka úni eskaksï tsípiti pakaraaka (2Ko 3:5).

NÉNA ÚNI

• Sánderu kaxumbitii je ka asï kʼéramakuarhi je (Sl 25:8, 9).

• Aprobechari je imani ambe enga iáiasï Jeoba úrani jaka paraksïni jorhendani, komu particha engaksï jindeka para jorhenguarhiricha engaksï entre semana jarhajka.

• Eratsi je nénajtsï uá sánderu marhuakuni Jeobani ka uá je arregluechani parajtsï úni ísï úni (Flp 3:13).

• Ú je ambe enga xáni uétarhiaka paraksïni Jeobaeri organisasioni jorhendani (Flp 3:8).

ENGAJTSÏ EXEAKIA BIDEUNI JEOBAERI JORHENTPERAKUA UÁNIKUA KÓNTPERATECHANI ÍNTSPIASÏNDI, MÓKUANTA JE ARINI KURHAMARHIKUECHANI:

• ¿Náki ójkutakuechanksï orhepani uérakuaski máru aianhpiricha paraksï úni nirani Jorhentperakuarhu para Eianhpiricha Reinueri?

• ¿Na jásï jorhentperakua íntspisïndi Jorhentperakua para Eianhpiricha Reinueri?

• ¿Nénaksï jarhuataasïni erachicha imechani engaksï nika ini Jorhentperakuarhu paraksï sóntku pʼindeni jimbanhi kúnguarhikuarhu?

• ¿Ambe ka ambe uétarhisïni para úni nirani Jorhentperakuarhu para Eianhpiricha Reinueri? (kr-S páj. 189).

• ¿Náki máteru jorhentperakuajtsï úpirini intsïnhani Jeobaeri organisasionirhu?