Desde i uéxurhini, sánderuchi tiempu jatsiakia parachi prepararikuarhini para Jesusiri uarhikuani miántani. Jiáni enga Konmemorasioni entre semana niáraaka, no jauati tánguarhikua Irekua ka Aianhpikua ka enga fin de semana niáraaka, no jauati arhijtsïkperata enga para iáminduecheka ka ni Jorhenguarhikua Aianhpiri jingoni. ¿Ambechi uá úni parachi sési úrani indeni tiempuni? Iásï, ísï eska primeru siglurhu, jatsiskachi para máru ambe prepararini parachi úni jatsini ini tánguarhikua enga xáni jukaparhakueka (Lu 22:7-13; km 3/15 1). Peruchi jatsiska para máteru ambe úni parajtsïni marhuachini Konmemorasioni. ¿Nénachi úa ísï úni?

• Eratsintaparini andisï xáni jukaparhakue nirani (1Ko 11:23-26, TNM).

• Kómarhiparini Jeobani ka ístuchi eratsintani néna jarhaski juchari pájperakua Jeoba jingoni (1Ko 11:27-29; 2Ko 13:5).

• Arhintaparini ka eratsintani Bibliaeri informasioni enga arhijka ambe arhikuekasïni Konmemorasioni (Jn 3:16; 15:13).

Máru erachichaksï arhintasïndi ka eratsintani Bibliaeri arhintskua enga jindeka para Konmemorasioni, enga foieturhu Examinando las Escrituras diariamente jimbo jaka. Máteruksï indeni karakatechani arhiantaasïndi engaksï rekuadrurhu jaka enga kétsekua jaka. Ka máteruksï exeasïndi artikuluechani rebisteri Aianhpiri engaksï Konmemorasioniri ambe uandajka ka na engajtsïni xáni xénchaka Jeoba ka Jesusi. Ambe uéjki engajtsï uáka para jorhenguarhini, uáti eskajtsï sánderu andarheraaka Jeobani ka imeri Uájpani.