KRISTIANUECHERI IREKUA
Jorhenguarhi je néna sánderu sési aianhpeni: Jarhuataa je imechani engaksï ambakiti mintsita ma jataka paraksï disipulu úkuarhini
ANDISÏ JUKAPARHAKUE. Jeoba úsïndi eska jurhimbikua niárakuauaka kʼuiripuecheri mintsitarhu, imecheri engaksï ambakiti mintsita ma jataka paraksï irekani para méntkisï (Uk 13:48; 1Ko 3:7). Juchachi Jeobani jingoni ánchikuarhini jarhasïnga engachi jánguarhintajka jarhuataani imechani engaksï újka ambe engaksï jorhenguarhijka (1Ko 9:26). Ima kʼuiripuechaksï jatsisti para kurhanguni eskaksï orheta jatsiska para itsï atakuarhini engaksï uéjka salbarikuarhini (1Pe 3:21). Paraksï Bibliaeri jorhenguarhiricha úni disipulu úkuarhini, jatsiskachi para jarhuataani mójtakuni imecheri irekua, ístu paraksï predikarini ka jorhentpini ka paraksï aiakukuarheni Jeobani (Mt 28:19, 20).
NÉNA ÚNI
-
Arhia je estudiantichani eska ambe engaksï jimbo jorhenguarhini jaka Bibliaeri ambe jindeska paraksï mítini Jeobani ka paraksï jaiapanherantani (Jn 17:3).
-
Paraksï úni progresarini espiritualmenti, jarhuataa je paraksï jurajkuni imani ambe engaksï ójkutaajka komu no sési járhati pʼindekuechani ka no ambarhati amiguechani.
-
Uinhaperantaa je ka animariua je ante deksï itsï atakuarhini ka ístu engaksï itsï atakuarhiakia (Uk 14:22).
ENGAJTSÏ EXEAKIA BIDEUNI JEOBAKINI JARHUATAATI, EXEA JE ARINI KURHAMARHIKUECHANI:
-
¿Ambe úpirini pʼínguni nemani para no aiakukuarheni Jeobani ka itsï atakuarhini?
-
¿Nénaksï uá orhejtsïkuticha jarhuataani Bibliaeri jorhenguarhirichani paraksï progresarini espiritualmenti?
-
¿Ambejtsïni jorhendasïni Jeobaeri ambe Isaías 41:10?
-
¿Náki kualidadichajtsïni jarhuataa marhuakuni Jeobani ísï eska ima na uéjka nájkirukachi no perfektueka?
¿Nénachi ánchikuarhini jarhasïni Jeoba jingoni para disipulu uáni?